今日都無咩事發生架
呀wing返返學.....
數學堂問黃嘉敏借計數機,佢唔肯借bor
次次都話遲d遲d,之後就無,好憎佢呀~~
小息果陣,封左凱怡同森怡做等王等后lor
之後,上pe堂
度高度到165.5
之後,到左HE堂,聽講坐.本身我果組都好多分架...
但係,比個死肥仔,追左上黎
個鄧太又偏幫bor...真係呀
我好小咁肯舉手架ma,咁都唔叫我bor....
lunch無同到凱怡玩呀....
我同maymay佢地玩層層疊
我輸左好多呀...比個prefect叫我地唔好喧嘩呀~
之後返屋企,睇vcd 食薯條....
之後就訓左陣lor...
好悶呀依排...都有好多心事唔講出黎...
今日識到一個新朋友...唔識打佢個名...
其實我都唔知係唔係同佢做左朋友...
只係同佢玩層層疊姐ma~
好想聽日開心d呀~

今日呀wing 無返學呀~
自己一個人返學真係好悶架~
今日返到學校好早,一個人好悶~
等凱怡返黎,同佢玩左一陣,家燕佢地又返左黎喇~
今日一早就傷哂喇隻手~~
唔知點解,好似d眼水想流出黎咁,因為好痛,但係又要忍~
之後,同呀沈,凱怡佢地玩
但係點知個凱怡掛住幫老師做野bor~
哼哼哼...
上美術堂果陣好慘慘呀..
跟學號坐呀,個肥仔坐我隔離
佢好臭呀,我頂唔順呀有D,仲要個個禮拜一個星期同佢坐
我點過好呀~之後LUNCH 果陣,D人唔見左餐單,個個都唔知食咩~
我食個B餐,次次我都有食哂架,但係,今次太小送,我無食哂~
之後,LUNCH 凱怡唔知去左邊,之後,同家燕佢地一齊玩喇~
IT堂果陣,比我地自由上網,我就SEND 左一個E-MAIL比彭彭
之後,中史堂好悶呀~我好想訓呀...
放學果陣,我仲拎埋呀WING D 功課,好鬼重呀...
我本身想叫凱怡幫我拎架,但係佢又要拎..咁咪先己拎住兩答...
之後,有一架116,我諗都唔諗就上車喇。
凱怡問我"你上呢架呀"
咁我唔想拎咁重住MA,咁咪有車就搭LOR
返到屋企,CALL 呀WING.之後,呀WING黎左我屋企~
我咪同佢傾左一陣計LOR.之後佢就走左喇....
今日好唔開心呀,希望聽日會好過一D