雖然尋日只有一日的假期，但我同B龍依然好勤力甘
為我地的BD做功課。九點鐘我地就爬起身，先搭車過威記，
再轉車過氹仔碼頭，最後趕上了11點的船。1個鐘頭的船程，
我地12點就到左HK,落船的時候仲撞見Marcel添（不過時運
高，渠睇我5到！呵呵~）
第一站去視察證婚場地，最近的當然系中環，但由於5
知道渠地個新場響邊度，所以決定先去渠地的office---“聖約
翰大廈”度睇睇。聖約翰大廈原來響山頂纜車站隔離，同B龍
足足穩左成大半個鐘頭先穩到。上到去甘岩又對新人行緊禮，
果個負責的姐姐講我地聽原來出年聖約翰的場都會搬去中環2
號同8號碼頭，分別系hall 1, hall 2 同hall 8 ,前兩個響2號碼頭，
但未裝修好所以家陣仲未有得睇，預計出年的三月份會投入
使用，而hall 8就可以即刻睇，仲幫我地打電話過hall 8果邊叫
同事接待我地。於是我地按照姐姐教甘樣去樓下等15c的巴士，
坐到總站就到左6號碼頭了，再行5分鐘就見到伊甸園的門牌，
行入去系hall 8。出來招呼我地的應該就系頭先個姐姐打過去俾
渠的呢位叔叔，由渠帶我們入去參觀。之前響渠地的網站上已
經見過呢個場的模擬景，實景睇落分別5大，主禮台可以看到維
港的景色，就只系原來的白色椅套用了棗紅色，地上鋪左墨綠色
的地毯，新人行的地毯就用左粉紅色的來迎合返櫻花的主題，原
來呢個場仲有一個指定的等候區可以俾賓客等候，同埋設有開自
助雞尾酒會的長桌，就算只訂註冊服務一樣可以享用整個場地，
個叔叔話原本個場地系打算開2個hall的，但考慮到只有一個場
可以睇到海景同埋可以兩個場噪音比較大，於是只合併左。但
場地的冷氣仲未搞掂，不過預計出年5月系無問題的。年底前
預定的話仲可以享受3周年的優惠折扣。總體來講呢個場5錯，只
系交通就5系太方便(呢點對我來講問題不大,因為原計劃就系要包
車的),但仲系要視察下其他場地,於是同B龍就響8號碼頭坐渡輪過
紅勘了。
由於前一晚相機5記得羅去充電,所以影左幾張相就無電了，以下系
網站的參考圖片：
紅勘的場地位於都會商場的7樓同9樓,好辛苦由紅勘碼頭來到
左都會商場,穩到伊甸園的門牌,7樓系一共有3個hall --- hall 18,19
同20,hall 18個場就太細了;hall 20的場佈置不錯,但入場的地毯位置
5系正中央同埋一邊有窗,搞到一邊光一邊暗;hall 19剛好有新人行
完禮影緊相,於是隔遠睇左下,場地佈置同hall 20的差不多,主禮台仲
有鮮花拱門,怪5得比較熱門啦。但一問負責場地的姐姐,先知道7樓
的場開到出年的3月左右就5同商場續約,要搬去柏麗灣同元朗轉戶
外場,講真戶外我就5考慮啦,一來太遠二來落雨就真系惡搞。而9樓
的場地太大容納成百幾人,同埋主要搞婚宴用,我同B龍都覺得無必
要去睇,唉~白行一趟 . . . . . .
最後要視察的是位於尖沙嘴新世界中心的hall 10 同hall11,我同
B龍搭地鐵好快就到左,呢個場的位置其實好好,因為附近交通方便,
鄰近星光大道同鐘樓可影相,但當我睇完呢兩個場的實景就有點失
望了,呢兩個場都系新裝修過的,hall 10果個有羅馬柱同水晶紫色背
景,但都系一邊有窗,而且條紅地毯太短(雖然左右很闊,但門口到主禮
台好近,婚禮進行曲都沒到高潮已經行完~); hall 11 呢個就用了粉紅
玫瑰加水晶吊飾,真系好靚,但場地太小太窄,同埋入場的門口系斜的。
唉~呢兩個又被debar了. . . . . .
睇完曬D證婚場地,B龍已經累到不得了(其實我都系!),不過我地
都系要繼續行程,下一站就系去太子的金都訂花球。原定系去金都
的樓上鋪的，因為響網上見到好似好靚甘，不過原來實物都系麻麻
地。於是走左兩圈金都，發現都系一間叫“sweet wedding”的整
得最靚，不過如果要做package就要等大概一兩個星期，最後都系
訂左，下月1號就有得攞啦。
翻到澳門的時候都差5多12點了，兩個人累到5識郁，多謝B龍
豬送我的羽絨衫，愛死了！
