(第一天)
懷著興奮的心情，我地一行三人（B龍哥哥，煊哥哥同我）坐上早上的班車往廣州麥田出發
了。2個小時的車程我地就來到廣州了，稍稍食過D也我們上到了麥田揀衫，迎接我的系海燕，上次
黎的時候因為渠放緊假，所以一直都只系上網傾影相的細節而未見過渠的廬山真面目，斯斯文文的
一個女仔。我放底行李就開始揀衫了，廣州的套系總共拍6套婚紗禮服和一套便裝：聽日系拍石門
的梅花和楓葉，下次拍的葵園我覺得色彩元素比較多，特別我要求拍的向日葵，薰衣草和櫻花都要
3套連同2個內景又要2套，成5套咖！所以無辦法，石門只能夠揀一套衫了。幸好我的便裝可以配合
到石門的風景（其實都5系咩精心挑選的套裝，只系 上次同B龍過香港果日買呢件羽絨者）~正好試
衫室裏面仲有一位最新娘,原來她聽日去拍百萬葵園,於是我地相互俾意見。試左幾件睇落去OK的,點
知5系呢度5修身就系出來效果太小氣,後來又揀左一條米黃色的,著上身感覺都5錯的,但又覺得5太符
合聽日石門呢個主題喔,又放棄了。最後揀中的系一件掛頸婚紗,就甘睇就一般,估5到著上身大家都話
5錯,就呢件啦!所以話過來人講的也真系幾有道理: 無論你見到一件婚紗幾靚,你都一定要試上身先知
道系咪自己的@!而B龍的選擇就比較少(只可以選擇尺碼),好快就搞掂了,一睇落去我就被他電到暈暈
地了,呵呵!大家5好睇他平時圓碌碌,不過著起西裝黎真系一D都5怕肥,仲官仔骨骨甘喔!
揀過聽日要著的衫,放低聽日自備的拍攝用品過後,都成點幾兩點鐘了,一旁的煊哥哥早已餓到
無聲出了,我地於是決定先到酒店check in 擺低D野先,我地今晚入住的酒店就響婚紗街附近,預算順
便行下睇下D婚紗禮服同姐妹裙。放低野後,當然第一步就系要穩也食啦!不過眼看附近都系一D普通
野,於是我地去左一趟上下九,吃了B龍推介的牛三星同銀記腸粉,本來想過去康王路的新百利度逛逛
的,不過眼看都4點鐘了,恐怕去的話就黎5切返去婚紗街度睇了,於是便打道回府了。返到黎婚紗街買
了聽日用的假指甲(10元)同一直想買的尖頭婚鞋就翻酒店了。沖個涼，在酒店樓下的酒樓吃左一餐
豐盛的晚餐過後就訓覺了~
（第二天）
一大早撐住迷蒙的眼睛開始左我們的婚照之旅，衝衝地食過早餐後就來到了麥田。今日我的化
妝師叫小葉，她系一個頗為細心的女仔，一邊同我傾計一邊化妝，好快就將一個主妝搞掂，由於石
門的路程比較遙遠，所以我們將會到達後先做髮型，幸好今日只有一件婚紗同一套便裝。登上了麥
田的麵包車車，大約一個半小時的車程，我們都訓左一陣，到達石門的山腳後，我們先吃一餐飯，
順便搞掂埋個髮型。拍攝組的午餐系由客人付帳的，5好味——甚至可以講系難食，不過無辦法，呢
度荒山野嶺甘~食完飯，做好髮型，我們繼續往山上出發，很快我們到左一個湖，今日只有十度左
右的天氣，我們都覺得好凍，但亦只有響甘的天氣底下先可以拍到絕美的梅花同楓葉。我同B龍剛
開始的時候有點僵硬，攝影師阿倫好識帶動氣氛，一邊交我地擺pose一邊鼓勵我地，令我地好快就
進入感覺。影完湖邊我們來到了梅花林，簡直就好似仙境 一樣，不愧我等到最凍的時候先出動。
可能因為其他的花種都凋謝，就只有梅花開得燦爛，所以引來不少蜜蜂。拍完了梅花後我們繼續上
車出發到稍高一點的楓葉林，約十分鐘的車程。到了楓葉林後小葉給我換了個妝，我們又開始拍攝
了。楓葉很有詩意，但並無想像中甘紅，天氣亦無想像中甘光。 阿倫話一切5系問題，後期的製作
可以令色彩很完美，只要我們投入D拍好就OK啦。完成 楓葉林的拍攝後，還有一套系便裝的，我
們乾脆就用上次B龍買的情侶裝羽絨。哈哈！有D似拍服裝廣告的感覺~最後一站我地來到山頂，原
來山頂的風景亦好靚，有一大片天然湖泊，仲有小碼頭同一片油菜花田，真系意外~最開心系拍攝
期間正系日落時分，靚靚的鹹蛋黃，正！
影完大概5點半了，我們回程的時候都響車上訓著左，由於返去的最後一班直達趕5上了，我地
去到洛溪橋腳坐了回程的，結束了我們充實的婚照之旅。
|
