唉~真係好黑仔呀..

11號唔知做咩..上唔到網喎..我就覺得好有可能係因為中毒既關係..

12號..我突然醒起茄茄話過可以用系統還原..所以我就試下..

點知真係得左呀..勁興奮..

但係天意弄人..後尾裝裝下卡巴斯基..又唔知做咩..又再次死鬼左..

又係上唔到網..連開始0個度都冇埋..

以為仲可以睇動畫..點知冇聲..咁睇黎都冇癮la..

唉~而家真係咩都做唔到..唯有等會考完先再搞..傷心..

所以而家我係去小青屋企..問佢借部電腦用..先打到呢篇日記..真係唔該哂小青呀..

而家既感覺就係好似同外界隔絕左咁..

不過咁都有個好處ge..就係可以專心溫書..

但係我都係冇心機..成日睇電視或者發白日夢..哈哈..

but下個禮拜就唔可以咁lu..要開始努力la..加油加油..

因此..各位會有一段時間都會見唔到我online架la..有咩事call我la..

各位..會考要加油啊!!