說好的長洲就無去喇 最後冇喇喇心血來潮走左去南丫島
唔可以話好正 始終太遲入去同埋真係轉哂個PLAN
如果講「景點」就算係去左2個only
但真係停左好耐就只有一間好凍既cafe :s
不過都唔錯既^^
宜家就post下相先 細節嘢就晏小小補返^^
ps 今次啲相真係唔多滿意 不過都唔係太志在影相 係想relax下哈哈^^
EDITED^^
去到碼頭既時候 係到諗除左長洲仲有邊到好去又無咁多人呢?
梅窩?坪洲?唔太熟就放棄喇^^
南丫島都總算係去過一次 同埋其實個到都應該OK卦
之後開一開 開飯啦個APP 有2個地方我都幾想去^^
之後就諗都唔諗就跳左上去架船 放棄之前plan好哂既長洲之旅
其實我諗唔去長洲其中一個原因係因為岩岩去完之餘又有小小悶
南丫島係就係悶啲 不過真係無乜人同埋好靜好舒服 好岩自己一個走去行下
係船上望望下出面既風景唔小心訓著左 突然前面傳來一陣陣既喊聲 嗚~嗚~
我抬起頭 心諗唔係我呢個姐姐訓得太恐怖嚇親前面個兩三歲小妹妹掛
個妹妹比媽媽把住 佢望住我 我望住佢 我對住佢笑左兩秒 佢就唔喊仲笑得好開心yeah^^
好明顯 我真係戀童戀到童都戀埋我 yeah^^
放低成程船聽住既耳筒後落船 一邊聽住海聲 一邊聞住陣陣既海水味
我終於行返去中四時一大班人既榕樹洲(灣?)碼頭 呢一個位其實都算係尼個trip一個幾大感觸既位
大家仲記唔記得我地成班女仔(港女哈哈^^)係到圍住個塊畫到好靚既牆係到狂影相呢?
估唔到只不過係兩年 宜家個塊牆已經比人油上灰色 再無以前個種好活潑好有藝術感既塗鴉牆
放底感慨之後 我就一直行一直行 聽天后廟就聽得多 又有幾多人去過呢?
我今日就無無聊聊就到此一遊
聽聞天后廟係以前漁民出海前會黎到拜下既一個地方 希望出海順順利利
雖然我唔係漁民 但都要坐船 所以就打算去拜見一下天后
點知 我誤左吉時 人地日就將道門關上了
但唔梗要喇 都總算去過嘛^^
wooo!之後就到我之前都心思思想去既 南島書虫
tofu burger到底係咩一回事呢?唔通夾住舊tofu?定係個包有tofu味?
好天然既一間cafe 不過好可惜 明明check左星期一至日都開到9:00pm
唔知點解今日竟然無開 明明去到個陣都只係五點幾左右
我透過大玻璃窗望入去
有小小似六七十年代既茶餐廳 好多綠色卡位
但係又不失異國風情既味道 而且帶少少懷舊既味道
唔緊要喇 如果有機會我都會黎坐下既^^
既然今次主要目的地得兩個 bookworm cafe去唔到就去下一個目的地吧
Shelly cake express
呢間cafe都真係幾細 佢有一個位似係人地啲開放式廚房咁
鋪內只有四張枱 只有一張係四人枱 其餘都係二人枱
好好彩 我入到去都仲有張空枱 如果唔係就要坐係店 哈哈
呢間野招牌係豆腐芝士餅(我開始懷疑成個南丫島係咪真係得tofu 哈哈)
好可惜 因為遲左一步 最後一件比另一枱叫左
唔緊要 對自己好啲 就食america cheesecake再配熱蘋果玉桂茶
店內只有一人 就係一位好fit既老婆婆 應該大約60幾70歲吧?
有啲人可能覺得佢好似有小小惡 但其實我覺有一種莫名既親切感同小小warm哈哈
好快 件cake就黎左喇^^
好滑好軟 唔似出面有d雪到有啲硬
唔係誇張唔係廢話 個陣芝士味的確好濃 食完之後真係陣芝士味留係口入面^^
餅底係冧冧地 但我覺得咁樣唔錯哈哈
不過我始終中意上面有層糖個隻new york cheese cake多d^^
但其實尼個cake個種滑溜之後好慢好慢咁溶既感覺都好正^^
之後佢個個蘋果玉桂茶真係真材實料唔係開粉
佢話要等耐小小因為要焗一陣
第一下飲係好重玉桂香之後就係一陣玉桂甜味
去到最後就有淡淡(真係好淡)既蘋果酸味出黎
雖然我話係蘋果酸味 但其實佢去到最後先滲出既蘋果味令到杯果荼甜得黎有點fresh
對於我呢個幾中意玉桂味既人黎講 佢個玉桂香的確幾吸引^^
雖然只係一件cake同一杯野飲 但都已經有點飽了
之後我就拎起相機影下相 我最中意就係佢用牛奶布甸個樽放薰衣草
宜家都心思思想汁返好張書桌之後放啲滿天星係樽入面^^
成間鋪既擺設都好岩我 首先有我好中意既碎花 加上微微既黃光
成間店都好懷舊好有少女既感覺 同我既新寵好襯^^
下面呢幾張簡直係我既最愛 仲有啲因為太大張up唔到 遲d後補喇^^
ps 呢張圖真係睇到間野有幾凍 一出黎個鏡頭直情有層霧
估唔到我一出到黎個天都黑哂 雖然個到都仲有幾多人
有啲年青人係camp 有啲外國人係到飲下野食下野咁
但當你自己一個係一個好黑無乜街燈既地方
你就只會想行快啲 因為黑媽媽真係好危險
所以我都好快好快咁行左去碼頭 不過岩岩走左班船sosad
但唔梗要喇 就係到諗下去邊好喇 諗左好耐最後就想去海港城
唔係去潮拜多啦a夢同埋叮噹 而係我想去個food court到望住個海景食野^^
正當我入左閘之後聽住歌係到狂openrice之際
「噹噹噹!!!!!!」
oh no!!!!!!! 我左望望右望望 點解無哂人嫁?!
死喇 啲人上哂船而我就仲未上 唔通開左船?
我望一望錶 8:00pm 大件事喇今次 開船喇!!!
之後我以跑60米既速度跑去上船
為左不失霸氣 我上到船就扮哂有儀態咁坐低左
呼!好在上得切班船^^
好快就返到中環就坐mtr去tst
點知 我去到food court明明已經9點左右都仲係好多人
於是就決定放棄唔食野 反正都仲唔肚餓哈哈^^
跟住就走左去page one到睇書 有一本都幾得意
<hong kong style>
睇個書名就知係講hong kong style喇哈哈
入面係講一啲香港既文化 唔知點解一邊睇一邊覺得好得意
仲係到ff如果第時要做project可以做jp同hk culture既diff 哈哈 諗遠左^^
無喇喇有個後生仔係到影本書個封面 如果無估錯應該係梁芷珊或者其他愛情小說作家既書
個個後生仔影完之後就走左
我心諗::唔係睇過本書又係到影 仲要成個mk仔咁影完一句感情句子咁post上fb ig 會唔會有小小娘娘腔?laugh
不過有時就會覺得點解男仔post感情句子好似好核特 但女仔又無咁強既感覺呢?
btw 我放低左本書之後就決定試下去睇下叮噹個到有幾多人^^
不過當我就快行到既時候 我見到有班人係到排隊 我心諗夜媽媽仲排乜 都就快10點
我行前幾步 我就明白了 名牌啊名牌 香奈兒啊香奈兒 聽就聽得多 但見到人排隊買名牌真係第一次
唔知點解 個陣淪陷既感覺真係越來越強
亦都唔知點解 最後我都無去睇叮噹 行左另一邊
行行下去左聽左好多次既1881
無可否認 1881的確既拍拖勝地 顯得我份外寂寞(講真嫁哈哈)
特別係當我好無助既時候
雖然個到有燈 部機又有閃光燈 但係成個效果出黎好唔得
影到我個新寵勁唔靚
有小聰明既我就諗起smart phone入面有個電筒app 可以照住新寵
但無奈地 我只係得2隻手
當時我要一隻手拎相機 一隻手較focus 一隻手拎住bb 一隻手拎住個smart phone
諗起都痴線!!!!! 不過 最後都影到 但係效果就真係sosad哈哈
但呢到燈光暗暗地 又唔算好多人 都係得5/6對情侶 都算唔錯
帶住小小唔滿意但又有點開心既感覺就走左去坐西鐵
因為好想係海濱長廊到行返屋企^^
尼條長廊真係好多回憶
有開心有唔開心 有以前啲拍拖野又有一大班人係到玩
就算係日頭既annual run定係中秋夜晚玩蠟燭都好
呢到的確係一個令到我可以心境平靜既地方
我靜靜咁聽住歌坐左係張長椅到 係到試下影相 但其實係到諗好多野
望住個海 個心總係異常平靜 係到諗下讀書 又諗下一大班朋友 又諗下shxtman
一邊諗 雖然都無諗到啲咩新觀點 但個心真係舒服左好多
就係咁 我慢慢咁行返屋企 就完結左我第一次既夜行之旅^^
我都知有啲悶嫁喇 不過其實我真係好中意一個人旅行
如果100分滿分 我會比80分
有好多事都真係一個人可以做到 但係當中有2成如果有個人同自己一齊做會好小小
就好似食野咁 其實我心思思想食埋佢個lemon cheese cake
但我一諗到點可能食到2件cheese cake就放棄左
除左食 就係影相喇(其實真係好小事哈哈)
如果有個人幫我拎住個bb 我諗我會影得好啲囉哈哈^^(你改姓懶喇 影得唔好就係到懶哈哈)
btw 我都係中意個80分多d
如果要同人一齊就無得話轉plan就轉plan 又要諗好多野哈哈
但當然如果同熟人就無咩所謂喇
不過一個人既個種感覺真係好爽哈哈><(唔可以唔用><哈哈 ><)
說好的9月1要專心讀書 不過都未有書都唔知讀咩
要慢慢開返個turbo轉返做讀書mode 就學定日文先喇yeah^^
呢個trip真係起到洗滌心靈既作用
話說今朝4點幾5點又無喇喇醒左 最近成日都咁
我又夢見個shxtman
夢入面唔知點解我同shxtman好似好close咁 就好似已經係情侶咁
有人話過如果對方掛住你 而你又掛住對方 對方就會出現係你既夢入面
但係 我更相信一個更為科學既說法
就係當你訓之前諗住邊個人 佢就會出現係你既夢入面
btw點都好喇 呢個夢真係好真實 好似真係好開心咁
當我醒左之後我叫自己訓返 但係就咩都無哈哈
如果前幾日既我一定會發癲
但今朝我就只係好快咁就是是但但訓返個覺
一直以來如果我投入感情都係先confirm對方既心意先去投資
今次就當係投資失利喇
如果真係再有個岩既話可能真係聽個心講 岩就去馬哈哈
不過宜家我最需要投資既都係個隻長線股 為日研加油^^!!!
忽然生 又忽然死
一回氣 又回復敏感敢去回味
一提起 像餘溫勾起睡火山嘆氣
睡醒不見你 夢中都不敢把你忘記
| 
