見有坐車時間就打下文啦哈哈

今日上左3個連堂有個3個鐘break

正打算等埋janet上埋個半鐘堂一齊食嘢

於是就去圖書館温日文

正當我以為1530上完個陣我出左去外面等janet

點知原來係1600!

咁我又唔想咁膠入番去 就去左cm room揾ocamp班朋友

一去到 心諗伏已中

cm room係一間咩都做得嘅大房 好嘈又可以玩同食

一入到去 見到佢地已經同梗其他組嘅人玩

而我一睇就覺得大家世界太唔同好想走

坐左陣聽下佢地講咩 一邊禁手機

Kenneth話我同janet係潛力股

組媽就話成組女仔都係 呀璇都係

kenneth 就話佢有潛力做哈佬win咋

個下我真係覺得佢地好衰

跟住佢地話岩岩璇有黎過去

之後唔知邊個問佢幾時走

kenneth就話 ::下佢幾時走嫁?我都唔知喎哈哈 佢透明度好高

講真 真係幾好笑  但個下唔知點解覺得佢地講野真係好衰~_~

玩玩下有人問唔知邊科點讀

之後另一組既組爸話::

tick attendence坐半個鐘 走人

考試tick attendece 得返半個鐘 走人 咁就會合及

之後我地組媽就串佢個年得1定2分

個下我心諗 有冇搞錯呀 入黎做乜__野嫁 哂錢哂時間

點解可以咁唔mature 個下我真係好想打醒呢班人 但路不同不相為謀哈哈

好在呢個世界有smartphone  我全程都無參與 我做左平時我最憎人地做既野

就係人地傾梗計但自己一個禁機

但今次我唔想入黎個圈子 我無動力去叫自己去加入 只好靜靜咁玩手機

你可能話我好摺 但係我其實唔想融入呢班係我眼中係garbage既人

要融入一班人真係唔難 但搵到岩key既人就好難

我真係好好彩 至少有個幾好既janet可以同我一齊讀下書吐下苦水

本來諗住同janet一齊去玩船p 可能識下朋友咁哈哈(唔係收兵喇哈哈 我唔做賤既事sor^^)

但經過呢短短半個鐘 我知我唔會click attend  因為呢班人唔係我想識既人

同janet傾完 大家都唔打算去 更何況我唔想同呢班人打交道

今日既堂整體都ok     ge堂老師講左一句好好

dont think about the thing u cant change. do think about the thing u can change.

呢一年真係唔想識咩朋友 有一兩個交得過既朋友已經好ok

而且已經有固有既朋友 又何必出去識咁多呢哈哈

好喇做下功課先  你地星期四無野做就搵我食dinner喇知無

宜家要搵人同我傾dinner之後學日文yeah^^ 話唔定又可以獨樂樂^^

題外話  我幾中意space個圖書館 但光小小會好啲囉哈哈  其實我都毒毒地yeah^^

有啲friend10號已經開學 而我就24先開學真係遲到喊
今次呢個長假都放左差唔多半年
如果你問我呢半年做左乜 其實真係無咩作為^^
都係去下旅行relx下玩下返下工咁 好快就hea左半年
去到最近 啲時間真係好似倒走咁 勁浪費 好在都有學下日文充實下^^
半年前我無諗過自己衰到會no offer要讀asso
半年前我以為會有u life點知又要博殺多年
半年前我無諗過無喇喇走去做架妹
半年前...
我係一個好中意發白日夢但又好中意plan野既人
估唔到呢半年咁多變化
我終於明白點解考過公開試既人會成熟啲
因為真係一次好好既成長經歷
講真 我好唔甘心 我真係唔想比親戚知我讀asso
因為佢地唔知咩叫asso 之後又要解釋
但解完之後佢地就會加句咁比心機讀喇etc  佢地只係知我入唔到u
本來真係有啲sad 但係今日上高登追下post 見到有位巴打講既野真係好岩
「一早經歷過挫折  好過之後先一鋪清袋」
跟住今日見到有個fai j係ig post左張相(係你喇咪偷笑 嗚呀!)
"a lot of parents  will do anything for their kids except let them be themselves."
我爸爸一直都比我簡我自己中意既野 但我媽媽就一直想我讀醫療 出黎一定有工做
岩岩出成績個陣都知中伏 媽媽就係咁話nursing sch 雖然我都有睇過ou個d 但係無乜心情去報
點知有一日無喇喇走左去報日研 都唔知做咩哈哈
有時真係整定 宜家唔係我唔聽佢話 而係個天都知我唔岩所以唔比我去讀 thanks god
之前食飯個陣聽到格黎枱個媽媽話自己個女做護士做到想死 做到唔想做辛苦到無命etc
個下我真係好慶幸自己入唔到nursing
雖然我自問都幾中意幫人 但係如果要我成日對住啲"連逄"
(我無睇過張圖 但聽聞好核特 睇完會一世都記得 仲會好後悔~_~)
我諗我會頂唔順哈哈
聽日就開學喇 雖然未係讀日文野住 但係要爆gpa喇ush!
遲啲真係會好小打 除非有大件事喇哈哈
不過放心 我應該會忍唔住定期打幾句感情句字哈哈
或者follow我個path哈哈 我要爆gpa 我要爆gpa 我要爆gpa yeah^^
 

PS 睇左day1&2先睇呢篇^^
琴晚太頭痛喇sorry dear 宜家即出文哈哈
好好好唔握字即出文^^

幾經辛苦同忍耐 終於去到第3日 姐係出camp既日子
講真 其實我想出camp好耐 除左個camp有啲悶同埋啲人熟唔到之外
呢個camp入面既人同我既世界真係太唔同 好不安
食完早餐又返房訓下覺汁下野 之後就入hall玩
其中一個game係要估兇手 而30幾組入面有14~15組估中可以玩下一個game
好不幸地 我地組估中左 而且要玩我最爭跑黎跑去既gamn－－running man
個game係成組人件衫後面都有個魔術貼 而我地就要整甩敵方既魔術貼
5分鐘之後邊組留返最多魔術貼就叫贏 之後就可以玩冠軍戰
一round有4組 姐係話我地要一組打3組
基本上我地組真係好kai
好似整甩左人地1~2張就贏左 人地出去死滅但輸到喊哈哈
玩完第1round之後我地就係到等玩冠軍戰哈哈
我地係到等既時候 見到有一組人啲男仔真係好狼死
又高又大隻 之後好似同人地打交咁
點知佢地贏左 我地真係驚到痴線 一陣比人地打甩個鼻點算 嗚呀
好快就要再次上場玩冠軍戰
我地就好似之前咁 好似麻鷹捉雞仔咁 打防守哈哈
都係4組對戰 而其中2組同埋我地就一齊夾攻去打岩岩好高大個組人
但事實上係得一組去打哈哈哈 所以我地組完全無損傷哈哈
所以基本上去到最後係2打1 因為岩岩去打人個組都輸得七七八八
去到最後 我地同對面個組打成平手
但因為見對方出既力比我地多 我地就扮哂野比佢滅去我地一張
但係玩完呢個game之後我唔知點解覺得我地組好好
佢地又會保護下我地 我地又會幫佢地整實啲個貼
好難講個感覺哈哈

玩完個game之後就係啲oc係到分享感受啲kai野
我地300幾人坐係台上 望住佢地係到喊都唔知喊乜 總之就係話好辛苦個啲喇
之後有啲組爸組媽就去拎個咪講感受 講到好鬼touching
我心諗 對左你地2個人3日都無
點會咁有感情呀認真 唔好咁虛偽 最多咪係做到好朋友
聽完幫人咁虛偽之後就要離開campsite
我地返房汁好哂野要離開間房 之後係到狂影相 唔知點解個一下又有種莫名既唔捨得
我地一路行一路行 行到去canteen出面條樓梯坐左係到影相 影左好多合照
之後組爸話有人想同我地影相 就坐下坐下坐左成粒鐘 又係到玩下講下野咁
唔知點解個一下我真係唔太捨得呢班人 雖然真係唔係好熟 但係話哂玩左2~3日都幾開心
而且見到其他組有啲真係悶到唔出聲
啲組爸組媽又好鬼虛偽 有啲組仔女又好似好浦玩到好激
自己個組真係算係正正常常 雖然成日講粗口同咸濕野
但其實佢地人品真係都ok唔差

終於影哂相我地就去飲茶
一入到去就梗係食野 但係都無話有咩特別野傾
但唔知點解食食下就開始傾到好興奮唔想走
之後有人話玩first impression
有人話組爸係潮童 組媽係索媽
我同janet就梗係靜喇哈哈 coly就係娘娘 琁係腐(毒~_~)...
太多喇哈哈 總之傾到好鬼開心
有一個真係唔知好嬲定好笑  b哥一直以為我13~14歲囉笑死我哈哈
我地吃左好多野食唔哂 之後有人話玩猜梅食埋佢 而講呢句野既竟然係coly
一直以為coly係唔食就唔食 浪費都無所謂既人 但係點知原來佢係咁^^
仲有威廉 雖然佢唔出聲唔出聲
但係佢永遠都會食每碟野既最後一舊 之後就拎走個籠令到張枱多d位
b哥又係好好 佢餓到傻叫左碗差燒賴粉
但係個陣咩都未黎 成班人都餓 之後佢就叫我地夾先
轉左一個圈之後 得返幾條 佢都好大方咁無乜野哈哈
你可能話岩岩識咁梗係咁大方嫁喇
但係如果岩岩識到好bad咁就真係好bad bad哈哈

食完之後大家都各散東西
但個一下真係好唔捨得 而我就好順口咁同佢地一齊講左句
「拜拜爸爸媽媽」
宜家諗返起都痴痴地又唔係缺乏父愛母愛 真係順口同埋佢地叫得多我都上埋腦
但係慢慢叫叫下就叫慣埋 哈哈
之後我就同威廉 kenneth adrian同埋coly坐火車去大圍轉車
去到大圍就得返keneth coly同我3個係到傾
我地搭緊電梯個陣無喇喇自己停左 之後就唯有好似行樓梯咁行喇
而我地前面有個行得好慢既伯伯拎住個gip 一步一步咁行
個下我都有諗住幫手 但係比kenneth先行一步
雖然kenneth係成個camp入面講得最多粗口又好似好娘娘腔咁
但個一刻覺得佢真係好好哈哈 對佢改觀左好多
入到車卡之後 我地3個傾得好開心
佢地2個真係勁中意個camp同埋好中意我地組啲人
你或者會覺得我好易信人 但係個一刻我相信佢地係出自真心 係咁講re u re u
聽佢地講講下 令到我都更加唔捨得佢地 好想re u^^
程車比平時快左好多 我地3個好快就要講拜拜 
唔知點解覺得同佢地2個傾計真係好開心
可能佢地2個實在太開心 就算把聲沙到出唔到聲咁濟 佢地都好中意唱歌同嗌
不過大家放心 日久見人心 我懂得^^ 但呢班人係可以keep住玩下都ok^^

後記::
琴日係space既o day 我地成班組仔組女同媽媽就一齊返去
我地成班人去搵左film soc既組爸 雖然爸爸唔多講野
但係我feel到佢既喜悅哈哈^^
join完soc之後我地就成班人去左唱k
痴線嫁呢班人 佢地真係high到痴線唱到勁high!!
我地玩到好鬼開心 認真 (我都無必要握呢到既讀者哈哈)
雖然coly kenneth同adrian好中意唱歌
但係佢地都會問下我地要唔要咪 唔會做咪霸
跟住kenneth同coly真係好衰 點單車同世上只有 哈哈
雖然有啲歌詞好似over左 但係我地唱世上只有個陣整到媽媽眼濕濕哈哈^^
因為爸爸同唔到我地唱k 我地就tag左張單車screen相比爸爸
唱完k見有時間 我地就再返多次去space到搵爸爸影大合照
我地坐mtr返屋企個陣 有coly chris 媽媽同我
大家傾計都係講真話 之前係camp到唔講既估唔到一程地鐵就講左好多
有娘娘coly同男神chris哈哈
可能我個樣真係似13 14歲又或者真係好似好靜咁 所以都無問我啲野哈哈
btw 呢班人我覺得都交得過哈哈
琴晚返到屋企我send返啲相比爸爸 佢除左講多謝仲講左幾個字比我
「其實我好怕羞好慢熱(笑到喊樣)
   希望爸爸依幾日無開親你啦(單眼樣)(xx眼樣)」
唔知點解睇完之後我覺得我地成組都係慢熱 除左coly同kenneth哈哈
我諗玩耐左就ok 希望佢地真係ok喇 睇定啲先^^
講真 其實我唔想比人知我讀space 但係我幾開心比人知我有呢班都ok既朋友哈哈
你地放心喇 佢地距離好朋友仲有好遠既路 點及得你地呢yeah^^
 

ps 睇左day1先睇黎篇day 2 n 3^^

第一晚總算訓到3個鐘 8點倒就去食早餐
個個都話去ocamp會好chur 但我個個絕對hea到喊
食完早餐 有成個半鐘比你訓  無睇錯 係個半鐘
訓完起身就去玩戶外game 都係個啲kai kai game
玩完之後就食lunch 食完lunch又有得訓成粒鐘晏覺
真係成粒鐘 真係hea到喊~_~
hea玩左一日之後就到dinner dinner完之後就係成個camp最high最開心既camp fire^^
成個camp fire都係係hall入面玩 一入到去就一組組咁坐
跟住就係到睇個班oc係到做drama 不過講真 我覺得佢地真係好hea~_~
啲台詞唔太記得 但其實佢地都好用心去做好件事嫁喇哈哈^^算喇算喇^^
做完drama就係成班最high既camp fire
我地圍左個圈圈 一大班人係到圍住個假火係到玩camp fire
我當然全程痴住janet同埋我啲組員喇^^
之後就係到跑黎跑去係到跳舞咁
感受最大就係呢一part－－changing partner
我地一男一女係卡拉卡拉咁排 圍左好多個圈
跳個啲好似社交舞個啲咁 其實都幾好玩既哈哈(如果啲男仔再靚仔啲既話^^")
成個flow係同完a跳轉個半步就同後面個個男仔跳 總之一路咁跳左一陣
有啲男仔會問下叫咩名  有啲因為轉得太快無機會問 有啲就問完都會吹幾句水咁
當中問過有幾個名特別記得有個叫endy有個叫kyle有叫endy*v* 哈哈發2秒姣先哈哈
不過真係無乜特別  但當中有一個叫kevin真係好記得
除左因為puppy love個個都係呢個名之外 因為佢比我感覺好似幾好而且佢話話學日文學到n4
而且都幾傾得下 雖然完全唔係靚仔 都覺得佢都ok
不過可能係名校出黎 所以都有小小串串地咁
但係有一個又係好特別 成個camp入面有一個人佢真係十萬個似shxtman
但係就樣衰過shxtman囉 咁你都估到有幾麻麻喇haha
同佢跳個陣其實真係無乜感覺 除左佢唔係shxtman 可能我真係成件事都淡左好多^^
仲有一個男仔好似好talk得咁 但係聽佢口吻就知係成日溝女個d mk仔~_~
其實完全無諗過changing partner會識到人 但跳既時候個感覺真係好怪好強
唔知點解唔係好中意咁樣轉轉下 感覺就好似係到尋尋覓覓 呢個唔岩就下一個咁
我唔識講喇 總之個感覺就唔係咁好~_~但係呢一part真係好深刻
可能未試過咁短時間拖咁多男仔隻手哈哈
btw 跳完camp fire就去玩夜行 都ok既 都幾好玩哈哈^^
係等去玩夜行之前 我地返房休息先
一返到房 我地就見到有隻「曱咋」 我地以為佢死左 點知未:s
之後就去男仔房叫佢地黎幫手
當然第一時間就諗住最大隻個個b哥會幫手喇
b哥::拿 我最多幫你地殺 但我唔會幫你地收屍
我心諗::你咁大隻但係怕「曱咋」 有乜用~_~
之後kenneth同佢既娘娘腔講::我最驚虫虫同「曱咋」嫁
整整下 好多男仔都唔敢 得返chris同埋威廉仲有組爸
組爸基本上唔係捉 係過黎玩
打打下 隻野就里埋左搵唔到 啲男仔就走左
係個一下 我覺得14班fd真係超好!!!
你地有啲就算驚都會幫下手  我仲記得上次你地係到等隻曱咋出黎 一齊幫手
有人話一陣出黎先捉 但係你地記話幫女仔會驚所以要捉左先  宜家諗返真係好感動哈哈
雖然佢地走左 但chris都好好咁得閒過黎睇下有咩動靜  過左一陣就好快捉左就去玩夜行
玩完夜行就好快返房沖涼
唔知點解成晚都好辛苦好似有小小發燒咁 但係真係唔想沖住 加上第一晚我已經沖先 所以就比人沖先
janet沖完就到璇
之後璇話:嘩咁多水蒸氣可唔可以等5分鐘先再沖呀?
我個下真係心諗: 頂 你係咪玩野嫁 你第2個沖又要等小啲蒸氣囉乜事
我個下真係好怒 但我只能夠笑而不語 組媽就好大方咁hea講一句:你中意喇
沖完涼就去左男仔房到玩左陣
玩到悶悶地 組爸就帶我地去另一間房到同其他人玩
大家都玩到勁hea  真係hea到悶
之後有另一班人入黎同我地玩 而呢組就係kevin個組喇
我地圍住個圈 大家都唔知玩乜好 就連啲組爸組媽都唔知玩乜
呢個時候kevin就話不如玩「唔係呀嘛咁鬼易」
其實我已經唔記得左點玩 而且其他人都一樣 之後就有啲人問佢點玩
佢就勁串咁話「下?你地冇睇獎門人既咩?」
我心諗 洗唔洗咁串呀 我真係唔睇嫁嘛 有乜問題?- -
之後佢就串串地咁教我地玩
玩左2~3 round實在太悶 之後就有人話玩強姦犯  放心唔係咸濕game^^
記唔記得我地之前pe堂玩過 之後唔叫個女仔睜開眼個次哈哈哈^^
個個人話要息燈玩 之後唔知邊個息左之後就係到教我地玩
當大家好留心聽梗既時候  kevin自己一個係到禁電話
我心諗 damn洗唔洗咁呀乜事 真係bad到~_~
大家聽完都覺得係房到玩唔到 之後就坐左係到唔知做乜
跟住有啲oc就係到講下玩乜 又話今年啲人好摺 上年玩到好癲個啲
有個人無喇喇講不如玩鬥「其倫」 姐係騎牛牛 但係就要打對手個啲
聽完之後kevin佢地個組啲人就冇喇喇起身走
(其實kevin佢地個組有個算係ok啲既男仔 但係就有小小mk囉哈哈)
見到咁多人走之際 我望一望janet就知大家點諗
於是我同janet就2個走先 留低我地組啲人^^
你可能覺得咁樣我會好摺好唔合群
但係我記得卓韻芝既一句話
如果你覺得你係到同緊班人係到係浪費緊時間 咁你就起身走喇
加上其實呢晚我覺得自己應該有小小發燒 成晚個身好熱又好頭瘺又成日好攰
呢一個時候 我就同janet拎住條鎖匙返房
我地返到房 個陣好似1點2點左右 我地係到傾少女心事又傾下學業個啲野
傾傾下就傾到4點幾  你可能會問點解可以同一個識左2日都無既人傾咁多野
但係有時候朋友就係咁 唔知點解同佢傾計傾得好舒服
而且大家傾傾下都知大家目標好一致哈哈
當然唔係一兩句話我想入大學就知喇 但係慢慢傾就會感覺得到
所以我都覺得我真係好好彩離開左中學咁快就可以識到一個都ok既朋友哈哈
但你地放心喇 日久見人心 我會再識耐啲先再降低條防守線^^ 不過真係好舒服好開心^^

day3都係8點食早餐個啲  宜家要學日文了 edit later^^
 

今次會打長小小同埋可能有小小悶
但係真係唔知點cut哈哈 當自己打梗golden forum啲故喇哈哈^^

其實一直對ocamp冇咩期待
一開始報既時候希望識人做project
但諗諗下其實join ocamp點可能達成呢個目的 真心好kai
不過是但喇 當比自己去玩下 只希望自己組既人唔好太摺同埋玩得太過火就ok
去到九龍灣centre已經有一大人到左 所以要排隊等入hall集合
排隊既時候聽到後面有個女仔狂講
「嘩!我都有呢隻chip公仔啊!」佢仲要勁high咁講左好多次
好奇心之下就拎轉頭望下
佢著lace小背心熱褲咁 我心諗去ocamp洗唔洗著到咁誇張~_~
之後佢就同我講佢都有呢個公仔 一陣加我fb個d咁既野
雖然冇乜野 但係我個下個心係到諗:: 我真係好想讀完一年就快啲離開呢班人
終於入到hall 我同個個人唔同gp 而我就坐返係我個gp到
我個組有5個女仔6個男仔 好在都有正常人^^
我地圍埋一個圈坐係到等
啲人未黎齊 但我坐係到個陣已經有3個女仔到左
雖然未話比我地知邊個係組爸組媽
但我肯定坐格黎個個一定係組媽 因為佢係到同組爸不停講野
但無奈有個女仔到左但放左個書包格住左我同另外個女仔
令到我打招呼既機會都無 sosad
我試住望下個2個女仔 佢地望到我又扮望唔到我真係好sosad
心諗 洗唔洗cool到咁摺成咁
係我諗梗點同女仔打交道既時候  有個叫kenneth既男仔係到在同組爸講野
聽佢口吻就知一定係巴打 毒到不堪
而其他男仔都係唔出聲怕怕羞羞咁
好在等左一陣走左去既女仔返左黎(coly) 一見到佢就知係social開個d
佢一坐左落黎就狂同我講野 好彩姐^^
但一聽佢講既野就知我同佢係2個世界既人  係到講shopping a&f 名牌個啲
好在 佢岩岩去完韓國 都總算有啲野可以happy share^^
再過多陣 有個帶住cap帽既大隻佬坐左落黎
打從心底好驚 仲要佢有個好有霸氣既名－－B哥
仲要著到成個hip hop潮童咁 我最驚就係呢啲人~_~
玩完一啲ice breaking同埋諗下group cheer個啲就出發玩city hunting

關於city hunt 一直都覺得係啲好低能既game 都唔知係條街到跑黎跑去做乜
不過既然join左就玩喇哈哈 而我地第一站就係去又一城
一去到 我地就做第一個task 就係係哈根大師門口講「我要食正糕blerrrrr~~~」
跟住 有錢組爸就請我地食哈根大師雪糕 woo
我地成組11個人係到食一杯50幾蚊既雪糕 真係好正哈哈^^
食完之後我地係food court出面係到影pk相 好在個陣都仲係9點幾10點 無乜人
而且我group既人都好合作 好快就ko左呢個task
等埋個oc(整ocamp既大粒仔)黎到話埋比我地知個main task係咩 做完就走左去另一個地方
不停咁係香港走黎走去 走左好多個地方
去左好多到 但係我都唔係好記得去左邊 有幾個地方特別記得
就係野沙田歷史博物館走去沙田市中心既一段路
我地組其中5個男仔係前面行到好鬼快 而我地5個女仔就同b哥係後面慢慢行
有個女仔話都啲男仔行得咁快都唔知做乜
b哥就話 係囉 行得咁快唔等人
之後我就唔小心講左句 你唔係男仔咩?
哈哈 有時啲人大隻唔代表佢行得快乜都唔驚 睇到後面你就知^^
幾經辛苦去左6個地方 去到最後既task買完糧食就返camp site集合埋其他組
其實去咁多個地方既時候 我都同一個女仔形影不離－－janet
你可能會問點解唔係岩岩個個好中意social既coly而係janet
可能因為中學既時候其中一個我好中意既朋友都係叫janet所以有一份親切感
又或者物以類聚 係行既時候同佢傾計好多野大家都好似
大家都玩過st john又係馬會返工而且傾傾下都覺得大家諗法都好似 哈哈
講返個camp先 當所有組返到黎之後 就是是但但有個briefing之後就返房汁下野等bbq

bbq既時候其實都幾開心 雖然大家唔係識左好耐 但係都總算係ok 正正常常咁
kenneth同coly係成組最high既2個人 成日係到唱歌狂講野
而kenneth成日講野都好中意講粗口 句句野講完都會加一個字－－diu
就係咁 我地就成日因為佢講粗口而係到哈哈笑 哈哈
我地bbq圍埋一齊  坐我格黎有個男仔叫chris 又係怕怕羞羞個啲 但係都會講野個d
而我地成班女仔第一日都覺得佢可能係gay 因為組媽話佢行路夾夾下 笑死我哈哈
btw 講返bbq先
佢當晚幫我地茶蜜糖 而對面既kenneth同b哥仲有我就幫大家吉下野食咁
仲有組爸同埋另一個好似同周柏豪mix羅家良既威廉幫我地起爐
當然唔小得有kenneth同coly係到唱歌助興
我地成group人一致認同組媽是索媽 而我就覺得除左因為樣子可愛之外 佢既行為都好可愛哈哈^^
成晚bbq佢不停咁跌食物 比我地成班組仔組女笑 但係唔知點解我覺得佢好可愛^^
我知道你地一定會話有圖先有真相  放心 睇下筆者開唔開心喇 開心就post下喇^^
係bbq緊既時候 有啲oc黎幫我地加炭整下爐
其中有一個好有表演欲既人一黎到就係到同啲組女傾計  唔知點解第一個感覺覺得佢真係soso bad(n)
btw 呢個人唔係今次個blog既重點哈哈
bbq完之後就要學下camp fire 學到11點幾12點就返房休息
沖完涼係到等其他女仔沖完去男仔到玩既時候 有個人真係好「特別」
我地組有5個女仔 有一個我一直無提過 －－璇
佢比我既第一個感覺係好讀書個啲人 而班男仔就好衰咁講「由骨子裡腐出黎」
雖然可能有小小腐 但係我同佢咁少交流最主要係... 我都唔知哈哈
我地成班女仔坐係廳 佢無喇喇講
「平時我都唔茶cream嫁 今次特登去camp我就帶啲cream黎茶下喇」
連平時最多野講既coly同埋最中意回應人既組媽都唔識應 我個下真係呆左 之後同佢地一樣係到禁電話
仲有!! 當我地個個都買小丸子抵肚餓既時候  佢提議買齋食- -  咁都算喇  最後買左但成包無食過dum左- -
不過佢有時講啲鬼故都幾好笑既 huh  我都唔知做乜- -
等所有人都沖完之後就去左男仔到「玩」
其實真係乜都無玩過  我真心估唔到我組爸媽會帶直髮夾都唔帶啤牌
之後就係到是是但但吹下水
當然唔小得問係a定o喇
最令我地女仔surprise既 係我地以為gay既chris唔係gay
chris佢沖完涼帶hair bang仲著埋件寶藍色冷衫真係好似gay!
但原來佢係o十幾!!係十幾!!佢自己都唔記得係十幾!! 佢都係18歲倒 點10幾次啊help
我地以為coly應該都拍過好多次 但點知係a0
當日我地最想chok既人就係b哥 全日city hunting成組人都見到佢都無放低過部電話
但佢話個個係佢媽媽 真係笑到我地傻哈哈
傾傾下計 無喇喇有人「urrrr」到勁大聲 點知原來係組媽 笑到我地更痴線哈哈
雖然都無乜野傾 但係呢班人真係勁中意講粗口同埋講咸濕野~_~
個下我係咁同自己講 我真係好想離開呢到 我唔想以後識既朋友都係咁 我好想入返u!!!
而我同janet就坐係張床到聽佢地講 傾左一陣就3點幾4點 見無乜野傾大家就返房訓lu

呢篇就打住咁多先 下一篇再打day2^^