「我只不過想......」
呢一個句式威力真係好大
由細到大想要乜就有乜 想做乜就可以做乜
只要一出聲 只要唔危險都會比我做
琴日無啦啦勁想食椰汁西米露
媽媽就同爸爸去百佳買材料
佢地返到黎 我就比個食譜佢睇
「仲差250ml奶喎 一陣食完飯我同daddy落去買啦」
我就話:「無奶都得嫁其實」
媽媽就話:「是但啦 落一落去咋嘛」
買完奶之後又話無芒果唔得 之後又落去買哈哈
整咗勁多 岩岩爸爸又好搞笑咁拎埋入房比我呢個有公主病既人食
「外賣到」哈哈哈哈  真係好搞笑hahaha

不嬲都知幸福唔係必然
但知還知 感唔感受到又係另一回事
成家人去行街食飯旅行樣樣都好似我一出聲屋企人就會plan之後就實行
而我做既就只不過講一句「我想xxxx」
雖然宜家好似樣樣事情都不如意 或者隨住唔同階段就會有唔同變化
但唯一唔會隨時間變就只有家人
im so blessed
「兒女躺於貝殼內任雨打　不會怕遇上險詐」



「其實傷心都不過為愛
同樣知活得開心靠愛」

.

.

.

誰亦未信　首先相信愛
 

有時候好多嘢都想做 但硬係差些少動力去做
竟然同個朋友講起 加多幾句鼓勵就去咗做一樣我一直唔敢做但好想做既事
其實我當然知道一定會FAIL啦 但我知道要MOVE ON應該真係得呢個方法
「你會唔會嬲咗我以後唔同我傾計嫁」
低B haha btw 你當我係一個好好又可以咩都講得既朋友其實真係好開心嫁haha
呼 係真正既解脫啦真係^^
btw 點樣可以解決friend zone呢個問題 長期鬥爭啦真係haha
解鈴還須繫鈴人  繼續忙碌忙碌啦

自問無咁偉大啦 君と好きな人が百年続きますように^^

最近返工個朋友問起我第時諗住做咩 有無諗過做空姐
哈哈 其實都唔關衝上雲霄事 其實呢個真係兒時夢想
竟然因為一啲好低b好低b既原因放棄咗
宜家屋企人都話不如去做 仲有咩理由唔做哈哈
「我怕做空姐嫁唔出喎」
「傻的嗎 係business class到識有錢佬啦緊係」
哈哈哈 我諗呢樣都唔係最吸引 最吸引應該係1折機票哈哈
點都要做返幾年空中飛人先得^^
雖然有好多針對空姐既負面評價 但緊係唔好理啦 人一世物一世哈哈^^

天空會給我意志
驚險也必要嘗一次
趁這青春　要擁抱　心儀的事


幾多次想過放棄
幾多次傷痛仍不理
似紙飛機　要一試　飛翔滋味
天真我所以放肆
怎麼錯不過錯一次:))))

IPHONE最特別就係有SIRI功能
聽到你講咩佢就會幫你做啲咩
唔知係咪因為SIRI聽到我個心講咩
冇啦啦LOCK咗機都幫我打比SHXTMAN
就係咁無啦啦就同佢傾左晚
雖然唔係傾咗啲咩 但係唔知點解又無我預期既感覺
或者可能我同佢都經歷過一班FD升到U但自己升唔到既路
可能咁樣佢安慰到我卦 又或者佢天生就係食軟飯高手haaaa
點都好啦  我諗我真係習慣咗同佢傾計既style
呢排成日都覺得自己好中意打完一句嘢加haha 但又改極都改唔到
原來唔小心跟咗佢都唔知haha
高登用語原來又係跟佢學返黎sosad
係啦係啦會改下
btw 唔知係咪太耐冇傾計定點 好似無咩好特別既野傾到
又或者條友準備ocamp食組女哈哈
btw wsc style真係好正 宜家真心覺得wsc真係好正haha
講到勁1999添 整下嘢先


堅強時 說某日能出發過
哀愁時 偏想到最初
天明時 在大地無美麗國 然而公主時替你做過
盡力做華麗一幕 得一次亦算多
別問誰有錯 就算開花不結果
來 我應該快樂 而遺憾不應該太多
來又急促 走也匆忙 或者之間的故事太多
來 我祝福你快樂 和誰行盡一生得到極多
還叫我接受年月荒唐
不相信誰 都相信曾愛過
來 我祝福你快樂 和誰行盡一生得到極多
還叫我發現其實我不信因果 但信今生愛過
:)

我諗呢個blog應該得返我睇嫁啦 等我暢所欲言一下
唔知係因為呢排開始返工加上早排等派gpa好緊張
無啦啦狂諗起shxtman
琴晚同個朋友傾開 其實佢講得岩 有啲野真係放唔低
我話不如我自爆算 我覺得自己好似因為佢move on唔到
佢話我入到u一定出到pool啦怕咩
我就話 但係我覺得就算係既話我真係可能點都會有10%係中意佢
我覺得唔可以100%咁愛真係好shxt
我都唔知自己講緊咩 就比我係到亂講下野啦
我覺得我就快痴線:s
damn it 條友早幾日仲要upload左條片係alumni football
睇返真係有啲掛住中學睇佢(地)踢波
btw咁又成2~3年 我知要move on 但呢啲說話談何容易?
係放低嫁啦 the best is yet to come?
btw,  I miss you.

 

今日突然聽返陳奕迅既歌
又randomly咁聽到幾隻歌 又諗返起唔同既人
每次聽返很久不見同歲月如歌都會諗起shxt man
btw 其實係呢排考緊dse就自己會諗起呢個人haha
琴日同個日本架妹好kawaii既同學食飯 (下稱力力^^)
又係到傾下佢男朋友又講下我既故事咁啦
「睇黎你最中意毒毒地個個喎」
力力聽左我一啲故事就咁講 
無可否認 毒毒地既shxtman應該係暫時我最中意既
但係宜家再講返都只不過係一個似那些年既故事
諗返個時同佢講最後一句說話我真係唔記得lu
如果宜家shxtman見返我佢一定好後悔當初點解唔食左我^^
sorry我唔會ff  但力力都話佢其實都有少少被動 點都好啦有少少off topic^^
聽力力講佢係ust既男朋友 又係一個幾得意既故事
原來力力一直都覺得男校/女校既人好古怪好饑渴
點知有一次機緣巧合之下就識左讀緊男校既呢個人
跟住過左一排又係面書都搵返對方 又dislike到傾傾下變到好like yeah
唔知點解真係有一種feel好似first impression壞既男仔特別受人喜歡
拿 唔係全部都係 但有少少係咁囉haha
可能係識落覺得呢個人比想像中好就自然加分 唔知呀^^
btw 見到以前個fd係ig post既相真心覺得幾心酸
雖然一段關係開始定結束都係由兩個人去主宰
但係見到佢icon同status都仲未轉就feel到其實佢真係幾在乎呢個女朋友
點都好啦 祝你幸福 跌過痛過就會知真正適合自己既係咩人
揮別錯的才能和對的相逢
但係唔知點解離開左中學就開始唔係好知中意係點
更加唔知道如果同男仔傾計就=溝仔 真心唔知到底係咩一回事