遊遍了天下前路的風景蓋著了煙霞

2013 年 1 月 5 日星期六

又中伏

分類: 史提芬小斌女^^

其實無咩特別只係突然覺得同佢好唔夾

加上「條友」唔知咩事態度惡劣

佢應該係一個伏

btw 唔好催我啦哈哈

I worth sth better yeah yeah

灰左一陣哈哈無事既yeah:)

遲啲再打哈哈

發表時間：2013-01-05 07:29 PM [ 訪客留言(0) ] [ 編輯日誌 ]

2013 年 1 月 3 日星期四

告別我的......	分類: 未分類
2012過去點都要回顧一下 2012年除左我比人傷過原來我都無意中傷害過一啲人 2012年最後一日我地14個人圍埋一齊玩誇年party 去到2013年我即刻send左個msg比steven 哈哈^^ btw 我又諗返起上年呢個時候我地成班fd係citywalk到倒數係到等滿記糖水既時候我並都即刻send左個msg比shxtman 但2013年既呢一刻我就同14過^^ 當我地send完msg安頓左之後就開始圍埋傾計傾傾下就男仔女仔都圍埋一齊傾坐係我對面既就係我之前話好煩好煩好煩個個人(即fj) 哈哈(你地估到嫁喇醒人^^) 見到佢望住我既眼神除左因為佢眼訓之外我見到佢既眼神我就諗起岩岩同ex分手個時個陣佢個個兇恨之中又帶點憂傷既眼神真係令到我毛骨悚然但又好憐憫其實當時我都有諗過拎steven出黎大家傾下因為大家圈子都唔同傾下都無咩所謂但係見到佢呢個眼神加上我覺得同steven關係其實真係好初步最後都係無講但每當我見到fj既眼神我就覺得我真係好似好慘真係好hurt到佢:s 不過我寧願咩都講得清清楚楚好過拖拖拉拉收人做兵我相信佢要遇過我呢d「衰人」佢先知咩人岩佢既哈哈希望佢快啲搵到個中意咩都要準備得好好而且細心到不得了既女仔喇^^ (咦?呢個咪係我? sorry 唔岩feel唔岩timing哈哈而且...你明既^^) 2012年讀書野唔講喇真心灰我諗等我入得返u我先唔會咁灰認真如果我入到如我肯定我大把人追喇唔係講笑 (sor 比我ff下宜家真係dry到濕度變為負數) 其實最近成日都係到諗其實會唔會升唔到我真係好驚:s 但我諗又唔會既我係蠢但我又唔係真係咁懶而且我都算係爆gpa個啲就算第一年走唔到第2年都無問題既^^ 但有時見到個個都上哂岸而自己就比心機讀但又未必真係拎到好grade個下先驚:s 唔係有degree就乜都得但無degree就會好驚唔係講笑:s 同埋有時真係會唔開心有時會諗不如真係repeat算鬼數之後是是但但入一科拎個degree就算但係明明條路又係我自己簡簡左就要行真係唔可以放棄而且要做到最好^^ 最近有個灰底同學搵我同我講佢覺得宜家讀asso真係有心無力想努力都唔知可以點其實有心無力呢個感覺真係好強其實我自問都算溫得書多但宜家考試同以前真係好唔同問人拎pp?咪比人笑啦真心同埋好多時啲野明左就ok 但係考又好似另一回事:s 好驚:s 做gp project先把幾火最憎就係抽組員我讀5科有4科都做gp project 電腦個科有5個組員...呀唔係係6個喎原來有一個消失到我唔知有佢 6個入面得我同另一個女仔正常其他個4個真係正一__ __!!!!!!! 我真係心諗呢班友咩事做唔到就出聲喇 present前半個鐘先出聲我真係__你!!!!! 係到傾個陣又唔講有問題你又講到好似好__易完全無問題最後咪又係我用iphone上網搵點整你識咩野嫁x你? 一係就有人一咪煩又唔做野一係就指人做一係就hea做同亂做咩料? 另一組心理輔導班有5個人又係得我同另一個女仔正常我真係__你!!!! 竟然可以痴張學生相都唔痴埋比我!! 你幾歲呀你唔痴相唔通痴我自己個張比你?點幫呀大佬一係就死港女唔就人地時間只係理自己時間表識英文識彈琴演奏級就好勁唔洗就人咩? 識左佢我先知咩叫真港女:s 另一個就係al既人但我心諗我dse雞都成熟過你 well prepare過你真係灰一灰最後仲要有啲爛grade damn it 好在drama同中文個個都算正常同埋認真人希望個grade可以拉返高:( 讀asso升u除左努力之外運氣都好緊要:( 所以唔好成日話asso升上去個啲人係用錢買學位可能真係用錢買學位但讀asso升上去個啲人既eq同努力真係好厲害當你見到你啲朋友個個上哂岸之後自己又要係到爆緊一啲唔知點爆既科之後仲要遇著啲__ __ group mate都仲可以有心有力去讀真係好勁唔係講笑宜家有時一起身見到自己個樣我都覺得自己堅殘估唔到一個sem就可以咁勁睇黎要肥真係唔簡單以前dse都無咁瘦無咁殘宜家有時照鏡真係覺得自己塊面lup左入去:s 有時真係覺得自己無咩胃口就算想食多啲都食唔到好鬼恐怖:s 可能真係大壓力:s 哈哈^^放心我識放鬆既^^ 呢個sem break我會抖好之後再上路既^^ 2012年點少得shxtman呢個人雖然佢係2012同我見面既機會少之又少但係佢總算係陪住我過左dse 因為咩原因都好喇因為佢我真係上左好好既一課佢有冇呃過我我唔知我只係知以後我都唔會再咁易投入感情認真嫁^^ 雖然有時我會係到打blog打到好似好good steven好中意steven 但其實應該唔係你地諗到咁誇張真心嫁^^ 試問一個曾經比人傷到成大半年都未可以完全復元既人又點會咁易又去投入咁多感情呢^^ 同埋之前都講過啦我知我有market嫁嘛點會咁易比人食住先得嫁^^ 一變左o就無男仔追好鬼悶嫁哈哈^^(知你地班友係到笑我ff sorry囉^^) 我知有啲人好想我快啲同steven一齊但又有啲人怕我比人呃/握 (邊個高登仔話怕我比人握住隻手毒人哈哈) 我知有啲野唔可以拖我都知有啲野唔可以急不過我會採取敵不動我不動既態度^^ 更何況我相信我一定入得返u 如果入cityu既話就大把靚仔嚕yoyoyo^^ (算啦入u就出到pool呢個簡直係都市傳說哈哈) 雖然入到去我已經比人大一年但我不嬲都係吸引到啲大過我既人好似shxtman同steven咁^^ 可見我天生就係成熟底 sorry^^ 如果無shxtman 我諗我都仲係一隻天真既小綿羊好在係中學時期只係比佢傷感情出到黎真係唔只傷呢樣哈哈^^ 咪再催叫我同steven一齊喇係就催佢喇畢竟談戀愛無一齊談過真係唔知work唔work out到不過都要睇下佢幾時出手又或者佢唔會出手但佢唔出都唔緊要既我知我仲有market yeah^^ (sorry 呢篇真係ff無極限有少少高登 sorry^^ 但真心高登真係戒左!^^) 新一年係到祝親愛既讀者bb 生活愉快開開心心甜甜蜜蜜仲有! 要約多啲我! 我sem break了!!去到 1月30^^ 如果steven真係咁死蠢睇黎我又要等下一個人同我去dream place了^^ (woo唔怪之得咁好聽原來係國賢作哈哈^^)
發表時間：2013-01-03 11:14 PM [ 訪客留言(0) ] [ 編輯日誌 ]

兩星期	分類: 史提芬小斌女^^
兩個星期都無update喇因為要爆gpa嘛^^ 不過上到黎真係唔知點溫極都好似好無把握咁sosad 算喇^^考完就真係算啦都真係盡左力哈哈呢2個星期發生既事話多唔多話少唔少但個腦真係諗左好多野最近成日係youtube都睇到呢段廣告 1:30有句令到我又諗返起王貽興講過愛情只不過係兩束腦電波既交流 (大約係咁^^) 其實好多時由好感既時候已經知對方同自己有咩地方唔夾但其實好多時因為中意就唔會理總之就係愛愛就係包容愛就係體諒? i dunno 食鬆糕^^ 其實呢兩個星期我個腦真係諗左好多古怪既事哈哈有一日坐車既時候無喇喇望住荃灣海旁好自然又諗返以前shxtman個啲野認真真係放低左^^(雖然我知我係到講過好多次^^) 我係到諗如果當時同到shxtman一齊我就唔會識到steven 其實我知shxtman唔會係過世個種如果真係因為一個咁既人令到我同唔到個所謂好既人一齊又值得嗎? 其實我真係廿歲都未夠我覺得我未「玩」夠^^(唔係玩弄感情 sor^^) 只係咁快要我收心養性我諗我未必甘心/頂得順當我一諗到steven同shxtman既時候又再提醒我唔可以再咁輕易開展一段關係其實steven有時都幾好既但我又會厭佢有少少悶我都唔知自己個腦諗咩~_~ 可能其實我唔甘心又或者我想再等多等卦哈哈好啦講返steven先有時我真係越黎越唔明男仔個腦係到底做咩~_~ 有時真係唔知到底佢地係做咩~_~ ~_~ ~_~ ~_~ 姐係咁有時又會搵我傾好耐又話同我去掃街etc 但有時又會講講下唔應比左啲都幾明顯既暗示但都唔action :s 早幾日無啦啦又講起打麻雀(omg 佢會唔會爛賭:s) 講講下無啦啦成個幾兩個鐘唔應機但keep住online :s 我心諗:: 算喇因地實係溝緊另一個女女比心機溫書唔好理個__ __ 點知過左真係成兩個幾鐘之後佢無啦啦又應返我 ::岩岩同緊個朋友傾exchange啲野(笑到喊) 個下其實都有小小開心或者我真係太易滿足^^同埋其實我有少少欣賞佢有交帶卦不過個晚真係有些少嬲同攰就唔鬼理佢哈哈之後到到我今日終於考完我搵佢傾左陣有時我都覺得我好鬼蠢sosad 我好明顯咁暗示但佢都冇action too bad:( 睇黎我都係要學識慢慢黎放心啦見過鬼真心怕黑況且我覺得我都有小小market sor(爽ing^^) 其實中意真係唔難但timing先難我都遇過啲唔錯既人雖然唔係個個都曖昧過但我諗當中最大問題係timing同緣份卦最近同朋友傾到曖昧其實我都覺得曖昧真係有一個頂點可能兩個月、可能四個月、可能半年、可能.....我都唔知哈哈 btw 一切隨緣^^ 如果呢個唔係我相信仲有下一個等緊我^^ 都等左咁耐唔差在^^ 唔係講笑真係好攰~_~ 岩岩媽媽入黎吸塵打亂哂我思路我都唔記得我想打咩sorry^^
發表時間：2013-01-03 10:05 PM [ 訪客留言(0) ] [ 編輯日誌 ]

2012 年 12 月 22 日星期六

其實我想點?frustrated	分類: 史提芬小斌女^^
終於完sem steven都終於考完試一齊去食末日飯yeah^^ 講真今次去大喜屋真係勁好食今次我真係掛住食無咩講野哈哈 btw 我地太早到企係門口到等既時候我比左份xmas小禮物比佢我終於明白我以前ex既感受哈哈我::「merry xmas^^ 送比你^^」佢呆一呆好似好細聲講左句多謝哈哈我::「你開黎睇啦!宜家開啦哈哈!」佢又呆一呆佢都唔係好識比反應知啦知啦係我啲曲奇樣衰^^? 佢都有笑笑口既但反應真係唔太大囉仲衰過以前既我哈哈 btw算喇我諗佢真係太攰啦chur左咁多個星期:s 可能係ust文化個個人都會有「小小」中意識叻不過佢又真係超醒唔係講笑不過佢認叻認得黎又會笑笑口就算喇哈哈唔係講笑大喜屋真係超好食!!三文魚好食係基本仲有炸年糕真係好好食!! 哈哈當我地以為無甜品既時候點知有雪米「池」^^(唔記得點寫sorry^^) 佢個樣食到勁kai 肯定佢個樣kai過我哈哈因為我地book左630個場所以830定唔知800就要走:s 這當然是我的安排呢^^(奸笑樣^^) 之後我帶住呢個尖沙咀路痴去左海港城個到「逼」末日都咁多人真係唔知咩事哈哈不過經我呃呃哄哄就引到佢影相yeah 雖然佢問我要唔要自拍但佢實在有啲高咁樣一定影到我好核特哈哈終於離開左人群佢就暗示左比我知佢唔中意咁逼又話想睇燈飾咁我就唯有用我僅餘既記憶帶佢行海滂順便帶佢行下星光大道哈哈經過xtc雪糕店我就同steven講 ::「呢間啲雪糕真係好好食!!但一定要努力完先獎自己食^^」之後咁岩有個媽媽同小朋友講「你地咁曳無得食雪糕嫁啦!」之後我就好低能咁講左句 ::「yes我咁乖一定有得食^^」哈哈之後佢個kai chi同我講 ::「好呀不如買比你食喇^^」作為一個反港女行為既我當然一口拒絕但個下又真係幾開心既哈哈^^ btw 由碼頭個邊一路行去海滂傾左好多野經過文化中心例牌都要講下開心舞女都舞同命都舞之後又講下原來佢都想學結他玩樂器中意激昂音樂etc哈哈沿坐星光大道行人流唔太多唔太少行得都幾輕鬆幾舒服一邊望住對面海既燈飾本應成件事係好浪漫但係唔知點解我真係少少心跳感覺都無我都搞唔清哈哈雖然可能唔小心撞到大家但係都無個種感覺真係搞唔清sosad 我地係海滂真係行左好耐沿途都有好多人係到唱歌哈哈唔知點解我知佢都有聽adele隻rolling in the deep會好開心哈哈真係好kai 最kai既係佢見到有隻有機械臂既船以為有棵好大既聖誕樹係船到真係笑到我傻左行下行下又返返去碼頭個邊個陣應該都9點左右我問佢洗唔洗返去抖下咁例牌答案當然話唔洗^^ 好耶咁我當然要拐埋佢去1881先啦^^ 其中有一段路真係成條街都無人得返我同佢係就係有小小feel 但係又有小小似朋友個種但係真係唔想同唔洗急^^ 而且我同佢都算係慢熱既人咁都係正常既^^ 我地一上就上到1881最高個到周圍行下行下又話想落返去之後佢話見到有條樓梯可以行落去同埋應該幾靚 omg 我真心畏高除左朗豪坊呢氣1881樓梯應該係我第2個畏高既地方:s 咁我當然認真話好驚喇因為真係好驚呀嘛:s 我真係唔敢周圍望但我知佢係到恥笑緊我囉哈哈好不容易先落到地面哈哈雖然佢狂講唔望出面就無事但唔係畏高既人就真係唔會明哈哈 btw 之後我地就去坐西鐵返屋企由尖沙咀行去尖東站有好多條路而佢就話帶我行條快路認真雖然我唔覺得快好多但扮野呢回事我都算唔錯既^^ 所以我都扮哂話好快咁哈哈so kai 本來去到入閘都覺得今次出黎都無咩野好唔得既但一入完閘去到電梯就真係覺得勁bad 明明我都就快走喇認真洗唔洗咁急拎部機出黎禁認真個條電梯都唔洗1分鐘就到月台真係勁:s 當佢禁緊手機之際我要上既車已經到站我就只係用我剩餘既小小忍耐力同佢講左句byebye轉身就走唔係講笑自從個一別之後我地就無contact 宜家係2012年12月22日23:01 佢真係一個wts app都唔send過黎正常係咪應該話返到屋企wts app我之類呢?我睇唔清我睇唔透當我上到西鐵之後我就係到聽住呢一首歌「明知我極恨　偏要等多等要共我為人極相近為防未來受苦原應選好人但我也貪戀驚心　　　　」講真其實我唔算太恨既少少喇^^ 其實佢真係一個好好既對象但係又硬係差緊啲野咁除左識左時間唔夠耐呢個因素唔講唔知點解佢真係同之前個啲人既感覺唔同係咪其實我也貪戀驚心^^? 之後我又不自覺地諗起shxtman 係到諗點解個陣唔係識左佢好耐就已經好迷佢呢? 可能佢真係識得「玩」令到我好驚心卦哈哈^^ 但係相反正如steven琴日不停強調自己唔中意離心力既原因係因為中意「高踏實地既感覺」可能真係唔係講好多野又或者好有趣但係就會令到我會好安心但至於中意呢個問題我琴晚都仲係到諗會唔會因為我未放低shxtman 但可能唔係可能係因為我真係未有個種中意steven既感覺?我唔知啊哈哈不過當然啦我緊係知唔可以將steven同其他人比始終真係人人都唔同既哈哈^^ btw真係唔洗急唔想又再錯喇sosad
發表時間：2012-12-22 11:09 PM [ 訪客留言(0) ] [ 編輯日誌 ]

2012 年 12 月 7 日星期五

哈哈終於明白咩叫「長大了」^^	分類: 史提芬小斌女^^
真係唔係講笑呢個半死亡週都算係過得去^^ 除左中文mid term炒炒地sosad! 放心只係計9%哈哈有信心一定拉得返^^ 知你地班人係到f5又f5 終於有文出下喇但應該唔會太長卦哈哈^^ omg!我真係長大了唔再係女仔而係女人仔哈哈哈^^ 我都開始變到有小小口不對心個啲人lu哈哈面對住ust仔仔(university of stress/suicide and tension/tragedy) 我都唔好意思公主病發生有一日無喇喇講起世界末日我就話:得返2個星期就世界末日啦佢就話:係仲有之後講下講下就話要快啲約出黎哈哈哈講講下原來佢話唔話比我知佢幾時exam完但佢都唔小心講左哈哈^^ 佢話唔想我怕左住佢喎(sor 曬2秒^^) 無喇喇佢問我有冇聽話大喜屋! 真係好kai 我不知想試幾耐!!!!!!!! 佢講完之後我真係想食到傻左!!! 跟住佢話遲啲去book 咁我當然上網做下research喇 omg!有人話閒日都要早一個星期book 咁我緊係問佢幾時去book啦佢話即日book係咪無得食(笑到喊樣) 我話:係呀一係我book啦(笑到四萬咁口樣) 真係「傻的媽」?佢竟然應我話::好呀! 咁你去book啦(笑到四萬咁口樣) 我個一下真係心諗::條友咩事呀打個電話要花你好多時間咩我知你就完sem會好忙..... 真心個下真係扣左好多分唔係講笑真係至少嬲左佢2分種我講左句:ok 咁就唔鬼應佢佢都好野嫁喇真係應多句唔知乜鬼野見到我咁耐都唔應都唔知咩事但係為左大喜屋我點都要book左先哈哈^^ book完之後唔知點解我好似條氣順哂好鬼順都嬲佢唔落哈哈之後我又係到狂諗藉口::其實佢真係好忙囉佢讀個科半年就跳左個落黎~_~ 打個電話又唔係咁難姐有時我都要做下野先得既etc 我都開始變左做矛盾既動物 btw 我真係嬲呢個人唔落有時佢真係有小小天真呆都唔知佢係真傻定咩哈哈唔講住lu 真係好眼訓我又feel到個人暈暈地可能真係太攰太忙呢幾日都無咩特別contact 個感覺又淡左哈哈慢慢黎不用急^^ 在捷運裏　一通貼心的簡訊趕走了　我的藍色星期一你翻雜誌　費心挑選的餐廳不管它好不好吃　我都笑得滿意^^ 你的周圍　大多事要你煩心就算我幫不了忙　至少讓你放心:)
發表時間：2012-12-07 01:55 AM [ 訪客留言(0) ] [ 編輯日誌 ]

« | 8 | 9 | 10 | 11 | 12 | 13 | 14 | 15 | 16 | 17 | ... | 29 | »