知道你今天和明天都有測驗 而且明天更是中期試 我只好叫自己不要跟你談好了
怎料你今晚竟要開一個長達四小時的會議
你說開完會找我談天 我其實多想跟你談呢！
只不過我知道你明天要考試而且扭傷了 那我就只好叫你早點休息
剛剛有朋友告訴我可以替我留國賢bb的演唱會門票
當我知道有哪些同行者後 我覺得有點不安 大概是不太熟悉吧！
不過以前就算自己一個去看演唱會也不成問題 難道是因為我心有人選嗎？
哈哈 黑色眼睛
這四小時很難捱 我知道你在忙但我又不好意思找你
點算呀！我認我掛住佢我認我發姣啦哈哈
我知大家一定想追故嫁喇哈哈^^ 今日真係成日都好唔自在又開心又驚 其實真係好平常但係又好緊張咁囉 咁都好人之常情 始終第一次同一個同自己咁夾既人見面 難免會又期待又怕 同janet食lunch既時候我話左比佢聽 佢狂講好恐怖要小心點覺得呢個人有問題etc 其實我當然明白佢既擔心只係出於對我既關心^^ 不過個陣我真係覺得好驚 我係到諗會唔會約唔成 因為我成日覺得我幻想出黎既事係唔會發生 不過有時總有例外^^ 一落堂 我真係好耐未試過 啊唔係! 係從來未試過個心情係複雜到 又開心又緊張又驚又怕失望又好想快啲見到又唔敢見 我以最快既速度由衰衰太空行去mtr 一路上我打比sis 我真係驚到唔知點講 我當然係當朋友既dinner咁看待一下(你地都知我講梗大話嫁喇sorry^^) 好快就下一個站 傾係車頭既我一上車就問佢係邊 而佢就話佢坐左係第6卡車箱出面 平時咩都睇唔清既我 我竟然係車箱入面已經見到佢 我走出車箱 用緊張既心情帶住輕快既步伐由車頭行去搵佢 我唔知咁講會唔會有啲誇張 但我行既時候我真係有啲緊張但係又要chok樣好輕鬆咁 一見到佢我就好開心咁講句hello個啲喇 我仲好快快講話其實我想嚇佢添哈哈 我都要小小抬高頭望佢 我諗我到佢肩膀位喇哈哈 我知道要小小外貌描寫既^^ 佢今日有帶眼鏡 可能gel左好小好小頭 因為我唔知係咪gel左哈哈 藍色恤衫加卡其色褲同就咁一對全白波鞋 救命真係白雪雪勁乾淨哈哈 最要命既係 佢皮膚仲好過我啊救命 真係好似無豆豆咁 點解可以男仔之家咁好皮膚哈哈 可能係我眼盲睇錯姐哈哈 btw 我地打算下一班車就上到車 點知車箱full哂 雖然我地見到有一卡勁空 但係我地唔知點解冇上到哈哈 我地就只好等下一卡 係等車既時候我問佢識唔識行 之後佢話好似識 咁我就話不如google map一下 我拎部手機出黎想禁既時候.. 救命啊!! 我手震震囉咩事!!! 我記得對上一次手震震就係shxtman有一次係我身後面叫我 我拎住支筆手震哂 聰明既我梗係收埋個手機叫佢search喇哈哈 救命!! 一路上又係到講下地區距離喇買con喇 又講原來佢一早就有我timetable喇 所以我唔會再話佢唔做research哈哈^^ 一落車我地就兜左個圈先搵到 唔知點解我跟住佢我完全無諗話要我去搵路 因為佢話佢應該識 我問洗唔洗google map 佢話個地方咁細用都冇用 而且係樓上既話就無用 哈哈 上到去因為book左所以好快就有得入去(所有book位既人都真係好好^^) 入到去其實真係講野多過食野 今次放題應該係我咁多次以黎食得最小既一次哈哈 就算係三文魚都好似唔夠好食 因為我今次真係太中意講野 食三文魚都無時間哈哈 因為應承左佢要講shxtman而且我都想比佢知有過咁既事發生 所以我好快就講比佢聽哈哈 見到佢好似好認真都有好疑惑又好奇又偷笑咁聽 唔知點解我覺得真係好得意救命我真係變態死喇哈哈 我都唔知點解會想比佢知我以前係點 可能因為我真係對佢好有信任 而且我好想同佢分享我既事 我講完之後佢又同我講返佢既事哈哈 其實佢只係中意過2個女仔 但只有一個曾經一齊過 我話::其實我以前真係好想同個個f7既人一齊 但我知我同佢唔會一世 佢話::係呀我同個個人一齊都係 我都知唔會同佢一生一世 雖然我唔可以話肯定佢就係我要搵既人 但係有時感覺就係好奇怪 個感覺就好似幸福要來臨咁哈哈 同佢一齊真係好舒服好開心 而且我地2個都係價值觀都太相似喇哈哈 佢話佢其實夠分入bba個啲 但係因為覺得商科好公利所以唔想讀同埋唔中意 救命完全係我既原因囉好無哈哈 而且佢都有諗過做nurse哈哈 點解可以咁鬼似哈哈 仲有仲有!!我地2個都係好三文魚好到傻囉哈哈救命 雖然佢有兩樣野我真係麻麻地但我又覺得暫時唔係太大問題 第一係佢無咩點plan之後做咩工個啲 不過有時你問我我都唔可以100%肯定我做咩 所以唔緊要^^ 第二就係佢會將手機放係枱 而且佢無set到啲group唔出聲 所以成晚有時都幾多登登登 不過好在佢都無應咁濟 咁我就加返啲分喇^^ 我唔知點講個個感覺 其實我真係覺得佢好好我覺得好安全我可以依賴佢我好信任佢 佢有時將我講笑既野佢會好認真咁答我 哈哈我係咪要用可愛黎形容佢哈哈 我叫佢幫我整速成keyboard之後佢見到我得返10幾%電佢就借佢差緊電個舊野比我 走既時候我還返比佢 我::哈哈 舊野咁熱會唔會爆炸嫁哈哈 佢::(低頭認真樣加認真聲答) um.. 應該唔會既 買左半年都唔知有無 救命啊真係笑死我咩哈哈^^ 仲有仲有!!我同佢講左士多啤利既故事喇講左我好憎食榴槤喇好中意聽歌喇好中意國賢喇哈哈 之後佢又講左我知佢好憎食蒜頭洋蔥同蔥喇又話買衫真係好貴喇又話其實想入物理治療喇哈哈 救命我知我伏已中 唔係 係我已經中左招哈哈^^ 雖然今晚我地都覺得無可能因為一個人而改變 但我諗只係之前決心未夠而且唔夠愛姐哈哈 我決定左要戒高登 我唔再做cd-rom喇^^ 佢::咁你其實放低左佢未? 我::其實中意左佢差唔多2年好快咁快放得低哂 不過其實都放低左好多 如果你再問我既話我會答你 「我唔係因為有個更好既出現而放低左佢 而係我個心要淘空比一位更值得去愛而且令我感到幸福既人去填滿」 大家放心喇 我會再睇清佢係點我先再諗清楚哈哈^^ 希望你今晚真係溫書要勤力所以先唔同我傾喇 不過我真係信嫁 因為你既誠信有一定既保證 其實你今日陪我去坐車既路我自己都無留意點行 只係傻呼呼咁跟住你我又到左我要去既地方哈哈 其實我想行耐少少 但我知道一定有機會 而且我相信我地走既路唔止咁短 而且比我地以前曾經走既路會更遠更幸福 因為 我開始相信你 我開始想了解你^^ 訓先 再打我真係怕我會笑到訓唔到哈哈 其實 其實 我真係中意宜家既自己 我唔想回到過去:) 我好想再post多次愛久見人心 我send左比佢 我同佢講有一句我特別中意 正當我想copy句野過去既時候 佢就打左句::我遲啲聽等我估(笑到喊樣) 哈哈 唔知你會覺得係邊句呢^^ 希望你唔會係特別中意啲咩士多啤利嘢喇 我唔想將你放係曾經愛過既list入面哈哈 睇黎 我今次真係好認真^^ 放心 我一定一定會睇耐小小先 愛久見人心:) :)
傻的媽 我今次真係中伏喇 雖然仲係未到個個LEVEL 但真係會承認已經有好感 痴線 琴晚冇喇喇個低B仔話想食放題之後就好快就約左聽日 我記得好耐之前發過一個夢又係同一個朋友介紹既朋友後日食放題 係咪呢D叫夢想成真?I dont know! 我只係知我琴晚真係開心到笑住咁訓 仲要好耐先訓得著 但個陣已經3點幾 都唔知幾耐無真係咁樣係條街到偷笑 哈哈 我唔知係佢扮夾定點喇 總之我覺得呢個人真係幾適合我 雖然佢冇玩單反 但佢話佢好中意影相影人 特別係影到啲好自然個啲會好開心 之後又一樣好中意食三文魚 呢一點真係唔可以少囉唔覺 哈哈 其實我都幾中意講野 而佢又咁岩好中意聽人講又唔覺得我悶我煩 雖然唔會有以前shxtman個種刺激感又或者好難捉摸既感覺 但係我比較中意傾下傾下我覺得好舒服好安穩好可靠既感覺 佢唔係好識口甜舌滑 但其實有時一夜佢又會唔小心講左心入面個句 哈哈 雖然佢話自己係好悶 但咁樣都不失為一個優點 而且我暫時覺得未係悶到訓個種 雖然佢一定係睇左相先所以想識我 但係有時咁都只係比一個機會大家去認識了解對方 都唔算係一件唔好既事 我知 我知事情發展有點快 但我一定唔會比歷史重演^^ 如果真係好似sis咁講 佢聽日冇喇喇拖住我隻手 我諗我真係會答:: 你估我咁易追到咩^^ 之後就輕輕鬆手^^ 不過我諗佢應該了解我大約係邊種人 應該唔會咁既^^ 點算 我真係就快癲 唔知點解我見到佢問我想食邊間個陣我有啲bad 因為我以為佢plan好哂去邊 之後我就是是但但講左間比佢 之後佢話佢聽日去book位(心心眼樣) 救命 我冇喇喇眼濕濕囉哈哈 唔知係叫感動定咩 個感覺好神奇 可能係個contrast太大 又或者ex同我出街從來唔會有book位/買定/諗定呢啲字眼出現 點算 我真係北行烏 佢話佢自己唔睇波唔打機 因為知自己一打機會就會上引所以一定唔會打 點算 就算shxtman之前咁大決心入u佢都會有時打機打一日 而呢個低b仔佢入到u都唔敢打機 我真係中伏喇help 不過 我真係唔會比啲荷爾蒙整到我失去哂理智 始終要比多啲時間大家睇清對方 嗯! 愛久見人心? 哈哈加油^^ 希望你地請得成我食出pool飯喇哈哈! 我唔知要遇人不淑喇哈哈^^ 如果佢話佢之前既一段感情曾經好努力去維持 但對方唔同佢努力而失敗係真既話 我諗如果我地真係可以一齊既話 我諗我地唔會再失敗 哈哈^^ 笑^^ 我冷漠是不想被看出太容易被感動觸及 我比較喜歡現在的自己不太想回到過去 也許我們都意會到 這次面對的幸福 是真的來臨 摘一片苦心 釀一滴蜂蜜 愛久見人心
心灰了還未碎 心死了還在醉
用上吊臂但鐵石多麼堅硬 溶化你成為多年習慣 拖拖拉拉原來漸已經燒光我耐性 掏盡了我個性 對你太過尊敬 令到關係結冰 問我怎樣破冰 迷上你如同一場浩劫
早幾天一直無限loop這兩首歌 當然少不了＜一個人回家＞ 晚晚都是看書看到累就去睡 只是偶爾有人wts app一下我 這首歌說穿了很多單身了久的人的心聲吧?每一句都是金句 救命! 直到早幾天那個ust bb/仔仔的出現(你們怎能說出如此嘔心肉麻的名字呢?哈哈) 或者實在太大落差 一時之間有點不習慣 不過我也得承認我是一個蠻容易有好感的人 但談到喜歡或者愛上 這的確很難 無可否認 shxtman的確是一個伏sosad哈哈 但這一課的確獲益良多 而且因為他我多了幾個好友呢哈哈^^ 雖然認識ust人只不過數天 一星期也沒有 暫時覺得他也是穩重平實的那種 也許相比於我 他說自己有點悶是對的哈哈 而且對於他的老實 我實在有點驚訝 btw 他也是一個不錯的人嘛 做做朋友也不錯 哈哈^^ 不過如果他會做多一點research會比較好 哈哈 又是一個小毒男?哈哈 不過今次真的要小心處理 可不要又重蹈覆轍^^ 日久見人心 right?^^ 後記: 其實有一件事好想詳細記低 但我知如果我一打我一定喊到收唔到聲 其實都唔係話好大件事 只係麻麻去老人院已經住左幾日 琴日坐車既時間見到有個婆婆同個小妹妹2個人坐係我格黎 而小妹妹就坐係婆婆大脾上面 拎住一盒蛋撻 我好耐無試過將耳機較到好大聲 因為我唔想聽到佢地2個既對話 但係當轉歌既時候 我聽到個婆婆係到同個妹妹講話唔可以打人 人地會打返你 我差啲忍唔住喊出黎 我抑壓住思緒 因為我知我再諗落去一定會喊 正當真係差啲想喊既時候 好彩已經到站 我即刻落車快步行返屋企 係到狂禁手機 希望分散注意力 坐係小巴上面既我 我諗返起以前細個同麻麻既好多野 由以前佢可以追住我到宜家我要扶住佢行 由以前佢買紅豆批同糯米遲又整鮮奶燉雞比我飲 到宜家有時要我煮米粉比佢食 由以前佢幫我沖涼到宜家佢要比其他人幫佢沖涼 其實我唔知點解要喊 但係我真係控制唔到 其實唔係唔開心 但總之好難形容個種感覺 琴日等車既時候見到有個駝背既婆婆 唔知點解我一見到我又諗起我麻麻 我真係好驚我會喊 好在個ust人wts app我 勉強可以分散我啲注意力 點知佢因為要幫人補習之後又傾唔到 咁我唯有上下網 個一下真係好辛苦 宜家我冇得日日偷偷地望下佢訓覺個陣時呼吸個陣身體一起一落 又無得日日偷偷地望下佢曲住身體食野 雖然我知道我仲可以去老人阮探佢 但係個種感覺點同一齊住 我曾經都同屋企人講過話一定唔可以送佢去老人院 但係無奈我地真係無人照顧得到 咁我只好無奈接受 打完出黎真係舒服左好多 但係我都唔知點解一諗就真係好想喊 喊完一場個人舒服左好多 又要再衝gpa 加油^^
如果有睇過/聽過shxtman點識我既話 雖然欣賞我跨欄態度都唔算係一個好藉口 但我今次見識到一個更加誇張 打麻雀唔夠腳所以要識多個人 laugh die me哈哈哈 真係突發 非ff 如果想要有圖有真相就自己識做喇 今日有個同我一齊prepare drama啲野既女仔無喇喇wts app我 問我有冇男朋友 咁我梗係話無喇 之後過比我contact一個ust仔仔 當識多個朋友 咁好奇心加唔識拒絕之下我就話okay 過左一排 個ust仔仔終於wts app我 我心諗 呢個人真係講野勁無誠意 可以black list-ed btw 傾傾下都覺得okay既 但我心入面一直拎佢同shxtman比較 我唔知可唔可以話shxtman始終係高手 而呢個ust仔仔就只係中間level 見到佢用既藉口就知有幾高明^^ 「xxx同佢bf仲有我得3個人打牌 之後就講起你喇」 我心諗 呢啲藉口真係仲衰過 「我好似之前見過你嫁」 不過傾下傾下又覺得佢有小小似shxtman岩岩識我個陣既style 算吧喇 個個男仔岩岩識人都係咁 haha btw 欲知後事如何 請看下回分解^^ 睇下有冇機會出故先 不過真係要以學業為重yeah^^ 我要keep on加油! 要抽小小時間打blog 我發覺我太耐冇用電腦打blog個人好易down! 好好安排時間先得^^
