今日行程很趕 , 首先約了鈴奈幫我度身 ( 房宿 ) , 鈴奈很 pro 的 , 唉 ... 身上所以的吋數她也知道了。之後約了毛毛和浩延 ( a 叔 ) 吃飯 , 我本來想傾耐一點 , 但是我又超趕時間 , 不過也傾了很多東西 , 不個下個月又可以見面 , 所以沒有問題啦 !!

叫爸爸陪我買 3G 電話 , 真是好 ... 有人津貼我。晚上去了 ivy 家玩 , 啊 ... 很疲累 , yoyo 狂玩大懲罰 games , 銓兄跟阿橙的貼身舞真是不錯 , 特別是阿橙的眼神和銓兄的遼腳 , 簡直無敵 ,  mo 和銘銘簡直沒有可以比的機會。ivy 爸爸整東西不錯 , 很好味道 。

而家日日朝早都見到條變態友 , 心情真係好差 , 一見到佢我就走開一二邊 , 同左蘭姐講我正係做星期六日 , 同佢講唔多想做 , 不過蘭姐又話叫我做住先 , 還掂又唔使養家 , 自己用 , 不過見到條變態友真係 ... 蘭姐同我講佢係痴線 ge , 成日黑口黑口面 , 叫我唔使理佢 , 唉 ... 做又唔係唔做又唔係 , 好唔捨得班好同事啊 !!!

而且蘭姐 、 B 姐 佢地又特別鍚我 , 我連最難傾到計冇表情 ge 天虹都可以同佢講下笑啦 ---> 黃色戰衣 , 因為天虹成日去送外賣 騎單車 , 天又落雨 wo ... 琴日我同阿輝笑左和哥果件黃色雨褸好耐 , 因為真係好好笑 ga !! 阿輝同黃色雨褸改左個名叫黃色戰衣 , 琴晚笑到我地收唔到聲 , 可能天虹知道我前日笑佢個 look , 今日落大雨佢都只係用傘 。

原來 may 姐 ge 表妹係阿輝 ge老婆 , 我都估唔到阿輝 有老婆 lor , 佢個樣似 20 中左右 , 真係估佢唔到 , 見到 may 姐成日同阿輝頂頸又好好笑 lor , 不過我頂阿輝頂得勁好多 , 鬼叫佢個完美主義者鬼死咁變態啊 ... 狂耍我 ... 唉 ... 一班又玩得又傾得又好人 ge 同事 , 我真係唔捨得走啊 !! 而且阿瑩話做得辛苦 , 下個月唔做啦 , 咁又係 ge , 佢收凌晨 2 點 。

食屎大 lor ... 依個所謂 ge 姐夫 , 之前已經叫我唔好寫單 , 而家叫我正係返星期六日 , 食屎啦佢 !! 上次口口聲同人講我去佢果間野做 , 乜野面都佢拎哂 , 佢本身一早就唔想請我 , 而家想我自動走人 , 仲要我返 6 至 16 , 佢都痴根 ge , 邊有車 5 點車入大埔啊 ? 果時想即時串佢 lor , 你估我住 0 係公司 ar !! 我係咁講起唔到身 , 之後佢先話 10 至 20 , 我而家想搵過份都唔得啦 ... 邊有工星期六日唔使返 ga ?

又要呃我 wo , 話比多 d 人工我 , 點知原來個個都一樣係咁 ge 人工 , 我講番比爸爸媽媽知 , 佢地都好嬲 , 依 d 咁 ge 人點解要拎佢情姐 ? 睇黎我爸爸一定遲下周圍唱比其他人聽

但我又好唔捨得 d 好好人 ge 同事 wo !! 蘭姐、B 姐、琴姐、水吧榮哥、絹姐、 May 姐、阿輝、天虹、和哥、收銀瑩姐 ... 佢地個個都好好 , 我其實係唔係應該忍受下條 cheap 友呢 ? 而且人工方面又 ok wo !! 正係做幾日都夠自己用啦 !! 佢又唔敢點樣對我 ge , 定係我忍到佢炒我呢 ? 再等佢冇哂面子對住我班親戚 , 唔 ... 點算好

今天都是沒有太多客人 , 晚上的時候終於可以寫單了 , 而且晚間比起朝早的容易很多 + 簡單很多

唉 ... 原來 8 號風球也要上班啊 !! 天不停的閃電 , 但又沒有雨 , 很奇怪 , 而且天氣很焗

To : 怪貓 ~ 出海釣墨魚改為 7/9 ( sat ) ... 有問題再通知我 。

昨日打杖 , 今日拍蒼蠅 , 唉 ... 整日都很悶 !! 一見有東西做 , 我便立即走過去

早間同事叫我阿妙 , 晚間同事叫我 阿 miu , 其實我也覺得沒有問題

但之前阿輝經常叫我 miu miu , 現在 B 姐、 may 姐也這樣叫我啦 ... 這個叫法很嘔心啊 ...

現在 dinner 之後我也會做 oral , 很煩 !! 同事狂問我中幾 , 那些清潔阿嬸我又不知道她們說什麼

經常要我說「 什麼 ? 」。下星期 oral 了 ... 很擔心 ... 擔心自己說得不夠好

有考慮不要去考 , 但這樣的事我做不出來

我想我昨天被阿輝擾亂了 , 所以心情很差 , 看到什麼東西也變差了 , 今天我又沒什麼感覺 ,

只知道晚市的時候打杖啊 ...... 很忙 , 忙得就要死啦 , 不過也好 , 時間過得快一點

而且又狂送外賣 , 熱得我快要暈 ... 中暑啊 !! == " 明天沒有太多人 ... 開心開心 !!

今日真係好唔開心 , 朝早果時仲係好開心 ga , dinner 我食完就行開 ,

阿輝同我傾左好多計 , 佢話佢知道我係姐夫介紹 , 和哥都知道 , 因為上星期我去過 , 佢地認得我

阿輝話我知原來廚房同水吧果班人 , 有 d 已經知道啦 !! 佢問我唔覺得佢地 ge 態度變左好多咩 ?

唔怪得啦 ... 真係好唔開心 , 人原來真係咁樣 , 佢叫我扮唔知 , 講真邊個係假邊個係真我大約知道

我愈黎愈憎姐夫 , 佢都唔知係好定唔好 , 佢唔會 0係其他人面前點樣同我講野

而且佢又叫 B 姐同蘭姐唔好教我寫單 , 我已經做左五日啦 ... 仲唔可以寫單 ,

搞到我晚市果時 on 居居 , 多數走去送外賣 , 想點姐而家 ? 我自問自己已經做得好好

對住 d 客已經四萬咁 ge 口啦 ... 怕我辛苦 ... 我唔識寫單送外賣乜仲辛苦

所以 B 姐同蘭姐都會趁姐夫唔 0 係度要我落單 , 我會開心好多

而且我就走果時 , 發生左另一件更加唔開心 ge 事 , 我都係扮唔知

其實我唔怕辛苦 ga , 我怕就係怕人 ge 面口 , 爸爸媽媽見我返到屋企係咁喊

佢地都唔知點好 , 我上年做果度雖然成日比老闆娘鬧 , 但我喊都冇喊過一次

我知道姐夫一定唔會炒我 , 因為大家姐由細到大都咁錫我

佢一定唔敢咁樣做 , 睇下做多幾日點先啦 !! 但早間果 d 同事又超好人 wo !!

我真係唔想做野 , 我好想讀多 d 書 , 依 d 就係做野同返學 ge 分別啦

今日 ge 事可能係我多心姐 , 我都希望係 。

yeah ... 放假 !! 約巧巧出旺角買東西 , 買了 mask + t-shirt , 很累 ... 行路很痛啊 !!

巧巧下星期就是 OL 啦 !! 真是不錯啊 !! 可以做文員拿取經驗 , 唉 ... 不知道我什麼時候才可以呢 。 

明天端午節 , 一定有很多客人啦 !! 一定做死人啦 !! 又熱又要我去送幾次外賣 ,

應該不只幾次外賣 , 可能很多啊 ... 死啦 ... 想起都想暈啊 !!

原來阿麗家姐跟姐夫的家姐們睇住我 , 死啦 ... 不知其他同事知道了嗎 ? 我不想他們知道啊 !!

朝早果時都算係咁啦 ... 有班學生黎食野 , 咁 d 女仔倒哂野啦 ... 尖叫 wo

水吧肥仔 & 天虹 ( 男 ) 就扮佢尖叫 , 真係好鬼賤格 lor , 4 點 夜班同事返黎啦 ...

果條死 cheap 友 阿輝 0係度質頭質勢 , 質足五個鐘又要狂耍我 。 個爐原來已經冇油 ,

之後佢叫我去睇下開唔開到火 , 試左好耐 , 我叫佢試下 , 之後佢就話 「 a 也 ... 冇油 wo !! 」

$%^&#^#&$& 食屎大 ga 佢 ? 搞到 附近 d 客都笑我 , 好 nor 啊 !! 

有件事仲無奈 ,  dinner 果時 , 得我一條友係女 , 之後好靚仔果個廚房友問我

「 返黃大仙要唔要一個鐘 ar ? 」 .... 呆左 lor ... 一定係個死肥仔 同 榮哥講 ga 啦 !!

好明顯依家全世界 d 人知我住果區 lor ... 但洲哥係我姐夫依件事佢地就一定唔知道 ...

我自己都唔想比佢地知 , 保持住依家開心 ge 同事關係會好好多 !!

p . s . 我隻腳指起左一個水泡 啊 ... 穿左會唔會好痛 ga ?

很累啊 ... 很想睡眠啊 ...  只好期望星期五放假吧 !! 5 時吃飯的時候

一部份廚房佬 + 水吧佬 + 樓面阿輝狂說馬經 , 個個都戴上耳機 ...  , 而且狂說粗口  

現在聽也聽慣了 ... 弄得我和阿 ling 完全沒有胃口 , 吃得小小飯已經出去行下

晚市又狂被那條友弄 , 拿著那個狂出聲和彈汁出煙的菜叫我拿給客人

但又不說那張桌子 , 那個阿輝不停地笑  , 之後才說桌號 .... 啊 ..........  我受夠啦 ... !!

媽媽說我上班三天人已經瘦了很多 , 結果真是瘦了五磅 , 當然啦 !!

午飯和晚飯見到班男同事也沒有胃口啦 !!