昨日真是很不高興啊 ... 之後跟 forum 的考生傾下 , 原來很多地理人也「 鬼掩眼 」, 沒有畫那幅圖 , 即是跟我一樣啦 !! 之後鈴奈又問我考得如何 ... 原來她又是看不到題目的要求而沒有畫圖 , 10 個 8 個都沒有畫 ... 我都放心了一點 ... 之後 mc 岩了32 -33 題左右 ... 我想應該都可以有 C 啦 !! 

今天只是溫了第 3 & 4 冊的課文 , 今晚要溫下文學史啊 !! 另外我發現爸爸媽咪他們對我隱瞞一些很重要的事 , 我想應該是女麻女麻的事 , 而且吃過晚飯後 , 竟然騙我他們出去買東西 , 其實他們是去見大伯爺、二伯爺 ... 什麼也不讓我知道 ="=

行去李求恩 , 真係熱鬼死我啦 ==" p1 好易啊 !! 除左第一題畫圖果 8 分之外 , 我唔知自己畫得岩唔岩 , 不過唔岩都好 , 我當豪比考試及評核局 ="= , 我選左第2同第3題 , 分別係農業同板塊活動 + 地震 ... 依 d 野係我geog ge強項 , 做完之後 , 我覺得自己 ge 答案好完美 , 點知 ... @#$%^&* , 第3大題 ge 第二小分題 ... 我睇錯題目 , 正用文字描述板塊活動所引起 ge 地震同火山爆發 ge原因 ... 原來佢要加畫圖描述 ... 死啦 !! 大拿拿 7 分 啊 !!唔通又豪比佢啊 ... 唔識答我冇野好講 ... 但最衰係我識哂 ar ma !! 唔知扣幾多 or maybe 扣哂 7 分 ~> <~ 好想喊 lor ... 以為自己p1拎 C 可以桌桌有餘 , 而家唔通又要拎 D 仔 ... 好灰 lor ... 我 ge 希望破滅啦 !! m.c. 唔夠時間做map reading 最後 3 題 ... 又係好灰 ... 而且都幾難下 ... 又陰濕 !! 劉泰泰即刻打黎問我識唔識 , 之後佢都話好灰 , 做得好亂 , 但明明我琴日問佢問題果時 , 佢都識 ga , 佢話應該只得 E , 唉 ... 如果我得 E , 我真係想去跳崖

毛毛 a 嬸已經 plan 好左 6 月尾大家成班友去 pekkle 老公 ge 遊艇遊船河 + 釣墨魚 ... 好開心啊 !! 因為咁大個女都未去過遊艇玩 ... 之前 geog 出去考察我又病左冇去 。 貓貓 同 巧巧 已經答應左我去 , 唔知 viki去唔去呢 ? 如果今次貓貓又甩我底 , 我實走去擰甩佢個貓頭    , 仲有貓貓唔使驚唔講野 , 因為我一定會同妳講野 , 而且 NaO 好多野講 , 唔使驚 !! 

留左0係屋企溫 geography 冇出去同 ivy 慶祝生日 , 算啦 ... 遲下補番禮物過佢 !! 約左 yoyo 四點紅磡等 , 之後上劉泰泰屋企叫 yoyo 教我地兩個 map reading , 本身我 map reading 唔差 , 不過成 年冇做過所以唔記得哂 !! 叫 yoyo 從頭教起 , 最後識哂 , 而且叫佢地講番 d 重要 ge point 比我知 !! 最後識哂 , 本身冇乜信心拎 C grade , 不過而家有番信心啦 !! 之後我地四個 ( 仲有劉有峰小朋友 ) 一起去吉之島 , 我想去探下毛毛 , 點知搵唔到佢 ...

食完飯再努力 !!

全日都死下死下 ... 藥力作用 ? 心 + 腦要我去溫 geography , 但身體要我去睡眠 , 最後溫了一個主題和議題 , 唉 ... 還有五個主題和議題 ~ > < ~ 爸爸又去看醫生 , 媽媽因為有打針所以沒有事了 , 大家四口集體發燒 , 應該是 17 年來的第一次 , 而且在四天中看了總共六次醫生也是未曾發生的事 , 連我這個超過 7 年也沒有發過燒的人也不可以幸免 !! 看醫生真是用了很多錢 , 我家不是付不起錢 , 只是覺得吃小小藥就要二百幾 , 真是好搵過中六合彩 =="

Shit !!! 琴晚病到 7 彩 , 完全冇訓過 , 而且只係溫左小小時間 , 朝早探熱 ... 發燒中 ... 不過都仲係去左睇左一次 d point , 我好驚自己因為病而考得唔好 , 點知 ... 我考果時可能太專心 , 所以一 d 唔舒服 ge 感覺都冇。

好開心啊 !! 今年中文考試對一 d 有溫書 ge 考生黎講 , 簡直易到唔識得形容 , 作文我選擇第二題 , 抒情 + 記敘係我 ge 強項 , 所以知道作題實冇死 , 本身諗住作爸爸媽媽 ge ... 不過我覺得又會有好多考生都係咁作 , 所以我就作一個老師 ,佢成日都鬧我中文成績好差 , 我好憎佢 , 因為學姐 ge 過去同我有 d 相似 , 但學姐而家竟然同果個老師就左好朋友 , 從中我知道依位老師 ge 苦心 , 所以反省自己過往 ge 不善 , 最後稱頌老師 ge 教導 !! 我本身諗住作一千二、三百個字 , 最後覺得好似多得泄 , 都只係作左一千個字 。

卷二讀本問題 ge 最後一個小分題 , 同中史文學一樣 , 要寫感想 , 所以依度可能係文科生 ge 強項 , 不過唔係我強項 ==" 不過我諗個 grade 唔會差得好邊 。 考完左之後成個人放鬆哂 , 之後我就好暈 , 差 d 暈倒在 考場 !! 之後我就返屋企同細佬一起去睇醫生 , 之後媽咪都黎 , 因為佢琴晚開始發燒 ... 全家發燒 , 不過爸爸冇事啦 !! 不過佢就好似個肺廬鬼咁係咁咳 ( 好得人驚 ="= ) 返到屋企食左藥訓番就好左好多啦 !!

去培埻考試 , 我覺得果間 sch 既設計好奇怪 , 而且果 playground 好陰暗 =="

唉 ... 好傷心啊 !! p 1 唔多識做 , 我諗只有 30 分左右 , 咁即係 pass 唔到啦 ! ~><~

M.C. 果度岩左 18 題 ... 唔夠時間做 , 我而家真係好想是但搵塊石頭黎撞死自己算

所以話我計數真係好慢 , 不過上年 18 題 已經可以 E ... 希望今年都可以啦 !!

Give me E grade please !!! 仲有一件事要好多謝我果個 room ge 老師

因為考 m.c. 果時佢個個都走去睇佢地份野有冇填錯 !! 我真係好大意

填錯左個 Centre number , 真係好多謝果個監考員走黎話我知 ,thx ~~

P.S. 喉嚨好痛 !!

今天真是倒霉 , 打算跟爸、媽、弟弟一起去飲茶 , 怎知 ... 全家也病了 , 除了我之外 , 爸爸跟弟弟發燒 , 而今天的主角媽媽就傷風 , 唉 ... 他們都走去看醫生 , 用了很多錢。不過我就為了保護自己 , 所以戴口罩 , 而且盡可能都不要到客廳 。 他們吃白粥 , 但我討厭吃沒有味的東西 , 所以要自己煮飯吃 ... 今天感覺上很錯。

我把近 6 年的 pp 做過一次 , 其實不是做完所有 , 只是把一些年份比較難的問題拿來做 , 我的希望只是奪 E ,請給我吧 !! 另外希望自己不要被染病 , 有種心態跟自己說他們病是他們的事 , 請不傳送病毒給一個考試的人

今日又係 Mr . Lee 做主考官 , 不過今日好惡 , 叫左兩個考生出去鬧 , 其實我都唔知鬧乜野 and 唔知道係唔係鬧 , 總之佢用咪叫果兩個考生出去果時 , 佢真係好惡 , 唔知係唔係見慣見熟 , 雖然我從來都冇比佢鬧過 , 但我一 d 都唔驚 , 我見到我附近 d 考生好驚 lor , 好似以為自己就係被鬧者。

Part A 都 ok easy !! 但 Part B 我出師不利 , 用左好多時間睇左 d 廢柴野 , 最後Mr . Lee 話 仲有 15 分鐘 , 我真係驚死 , 因為仲有一個值 44 分 ge task 3 未做 , 所以我用平時用黎做中文、文學、西史卷時 ge 摩打手 , 好在訓練有數 , 比我做好左 , 不過我覺得唔多開心 , 因為 d 字好草 , 而且組織力好差 ... 唉 ... 算啦 !!

返到屋企溫左中文 , 原來我成個月未溫過中文 , 都 ok 熟課文 , 所以好快溫完 。之後跟maths past paper 進行戰爭 , 我發現我 maths 真係好左好多 , 我以前成份 paper都只係得 幾分 --> 強調係得幾分 , 而家我都可以有 38 分 左右 , 真係好開心啊 !! 不過都要多謝邱 sir ...

      約左瑤瑤樂富等之後返余中 , 真係比我講中 , Mr.Lee 做主考官 , 之後仲要見到好多余中老師 , 真係好樣衰因為我搵唔到自己個位 , 考 writing 真係差 d 比佢陰到 , 我作第一條 , 話自己做 restaurant cook , 我作得好順利 , 因為唔需要用 d 好難 ge 生字就搞點 , 仲有20分鐘可以 hea 下 ... paper 2 ge mc cloze 幾 ok ,但係之後 proof-reading 同 open cloze , 我想立即大叫lor , 加下open cloze 搞到好似默生字咁 , 比答案 ge 前幾個 letter 你 , 癲 ga .... 之後proof-reading ,我唔知乜野叫 missing words , 原來係比你選擇 ....痴線 ga !! 冇哂 d 分啦家下 ... 不過好在 matching 好易 , 我可以大膽咁講我應該岩好多 , 不過冇用啊 ... 果兩 part 野比考評局玩死左 , 我覺得唯一正常只係得 mc cloze 。死啦 ... 咁中2 玩野 , 即係中文果 d 佢地一定唔放過啦 !! 真係要作好心理準備 , 而家所謂 ge 大熱課文 , 已經變左冷盤野 !!

     lunch 果時同左 yuki 食 , 因為佢潔心考 ( 0係隔離 ) 。今日開始溫中文啦 !!

　　昨日發生了一件令我擔心不已的事，就是阿麗家姐打來說阿”女麻”可能不行了，而且昏迷，醫生跟她說要作好心理準備，我知道後眼睛就不由自主地流出淚水，雖然生老病死是大自然定律，沒有人可以主宰，但我真是很不想這件會這麼早出現，我覺得自己很沒用，就是因為怕醫院所以沒有跟爸爸一起到醫院，我怕自己看見女麻女麻這樣，我會更加傷心，這個是自私的做法嗎？整天也沒有心情在溫書，入夜後女麻女麻清醒起來，但突然凌晨１２點左右，大伯爺打來說女麻女麻又一次危險時期，所以爸爸立即出去，凌晨三時才回來，為什麼我那麼清楚？就是因為我根本無發入睡，而且昨晚打雷，令我更加害怕。經過昨日的事，我知道什麼人是好什麼人是差，阿麗家姐由朝早一直陪著女麻女麻，但那些平時好像很孝順的人到底去了那裡？真是令人可恥。