唔......略嫌自己手腳慢呀而且精神唔係好夠！

::::::::::::::::::::::::::::::::::::::::::::::::::

今晚交功課俾主任啦，因第一次處理，覺得只有60分左右，應該可以做得更好，不過唔多夠時間。

第一次加班呀！主任提我記得寫ot，但佢走得先過我地！結果12點幾先走，原來係無巴士搭，不過好快就有小巴。

部門部影印機仲好用過之前做temp果部，因為有埋落釘，實在太好啦，如果唔係我要釘二百份資料！

超勁開心，英文份功課miss買大包只需交六百字，感覺好好多，但隔黎個男同學仔一聽見就話小學生交功課咩！我便答他：你唔好講得咁差，中學都好似係四百字，我地好中學生少少啦！

近況算是蠻不錯：

有一份自己渴望得到的工作；
進修已經升了上high dip，還和同學仔交換了電話號碼，只是一千字的英文功課未知點I嘔出來；
早前受傷的手指尾指甲已完全新生長出來了；
膝頭的傷已痊癒，只是有少少疤 (希望還會繼續退)；
頸頸經過補身後沒有痛了，只有少少累並且因有見自己的新陳代謝比較慢，決定將護頸期延長；
整蛋糕的燙傷已掉了焦，只有少少脫皮，沒有疤 (真高興)；
上班仍未有遲到；
bb~~花長緊第三層葉出來；
對自己好d，保持每晚敷mask；
早晚有祈禱，每晚有讀經，間中有靈修；

至於......唔好的，就唔提了，常看自己擁有的，人都開心d，心情都好d，擺上無限感恩！

沒有時間創作呀，沒有時間鑽研相簿如何處理呀，所以板板其他的內容更新緩慢，你們有甚麼可以分享的，歡迎給我刊登出，等捧場的不要常常失望而回！

最後請看見此文的你繼續支持這裡、繼續支持我！有空多多留言給我，讓我知道~~我不是孤獨的！

另外就是好失暈地，忘記了參加左渣打十公里比賽，上周有個社工同事叫我係元宵幫手做花燈會，我一口應承了。怎知其後收到大會通知短訊，才記起要比賽，翻查資料，發覺是元宵當日呀。不過今日和同事夾番，通知佢我有比賽，但唔撞時間，只是我體力上較辛苦。

之後佢仲約我十二月去行山，暫時都未應承，其實係因為唔知駛唔駛趕功課。還有另外有同事邀請我去12月4日大遊行，但撞了大組查經，唔......唔通今次無弟兄姊妹會去。仲有就係其中一次大組查經撞左我要值禮拜日，唔知可唔可以成功調呢，但那天是1月1日呀！

振作！

我只有一件事，就是忘記背後，努力面前的，向著標竿直跑，要得神在基督耶穌裡從上面召我來得的奬賞。(腓立比書第三章13-14節)

哪管在我的身邊會有誰呢！靜候神的安排，忘了為自己籌算吧啦！俾我停一停，放過自己啦！