我現在在位於葵涌的聖公會麥理浩夫人中心內團體及社區工作部任職二級行政助，主職是協助部門舉辦各類型活動、課程，部門內部的行政支援及接聽電話。部門的開放時間為朝十至晚十，每周我需要當值三晚夜。

暫時來說，很乖呢，沒有遲到，因為上下班要嘟機，仲要帶部門辦公室的鎖匙，依家真係唔敢換袋返工，費時是但帶漏一樣。因為慳家以及想食住家飯，所以已經重拾了帶飯生活。

這周最驚險的可說是乘車上班，原本在朗豪坊有小巴直達中心的對面馬路落車，車程只需約十五分鐘，車費要十元，但等開車時間另計。第一天返工，約了一時半簽約。落到小巴站，一看就知剛走了車，因為頭車連燈都未開。於是乎便匆匆走去搭地鐵，心一亂就有點兒不知怎算好之際，選了美孚下車，但發現自己記錯了另一份工的乘車資料，因時間緊迫，又不知有何車轉便跳了上的士，不過都算趕得著。

第二天返工，因要返學所以值早更返早上十時。落到小巴站，怎知......仲弊過尋日，所有線一輛小巴都無，嚇到爭d標冷汗。因此便匆匆去搭地鐵，今次選了葵興落車，因為見到有專線小巴去葵興地鐵站。出了地鐵站都好容易搵到，但只是分站。站了兩、三分鐘後，有位趕時間的小姐出現等車，但一停下就開始罵：次次趕時間都無車。0下唔係0麻，我都幾趕下。便問她如果有車要幾耐去到，她回答十分鐘就會到，咦，咁再唔黎車就真係會遲到，正猶豫好不好飛的士之際，終於都來車了，唔，真係只需十分鐘到，順利無遲到。

而放工的時間因為要返學，所以選擇較便宜的路線，因此要開聲問同事去葵涌地鐡站的專線小巴在哪裡上車。怎知他就好咢然咁答：下，行過去仲快。咁我就比囮鯰K然咁回應：乜可以行到過去咩，但我依家要去，你教唔教到我呀。於是他便幫我問另一位同事點搭車，但同樣地都是主張行過去，於是這兩位男同事一人一句教了我怎樣行，我便膽粗粗去行一趟。

嘩，掂呀，無行錯呀，十分鐘不到就到了地鐵站，可以慳了一程車費，好開心呀。之後幾日上班我都通常要搭地鐵，再行返去，我想將時間控制係自己對腳到好過係個司機度，不過返工就辛苦些，因為去中心方向係上山。後來有一次在返晏時試了搭巴士，其實如果有足夠時間，搭巴士係最舒服，因為最便宜而且也是在中心對面馬路落車。

終於都等到了，索拉奇藝坊《奇幻之旅》，雖然一路看心情一路有點沉重，但好好睇呀！我最鍾意個無頭人，雖然他很少出場，但他很神秘很吸引。我覺得幾值回票價，看六百元的位，碰巧是坐正面台，所以好正呀！

一入到帳幕內就有種很浪漫的感覺，好迷人。用燈光做了點類似雲的效果射在幕頂，燈光微淡，好有夜空的感覺。各項表演都很精彩，縱然有些較沈悶，但真材實料，十分好睇！非筆墨所能形容，有優美、有緊張、有刺激、有惹笑...簡直係為了他們精采的背後所付出的努力值得拍案叫絕！

第一次入數碼港，因為要返學的關係，所以沒有時間行，其實入去都幾方便，因為有970直返旺角，仲要唔駛一個鐘車程，快過入屯門。在商場的美食廣場開餐選擇不算多，但三十元吃了一個味道不錯的海南雞飯，另外仲食了pizza、炸魚薯條。下次有機會入去睇場戲參觀下先。

但因為唔捨得放棄睇這節目，因此就錯過了中心的職員晚宴，唔，全個部門得我一個無出席，希望係未來的日子，可以快些和大家熟落使工作更有默契、更愉快。

@== 0係 susana度偷返黎的 ==@

放了dvd，開始操作，看在它壓縮檔案之際，咦......點解燶味愈來愈強烈，呀！我記起啦 ，在埋電腦前我開了火煲水準備將鮮奶弄熱。便即時撲出去熄火，然後都無眼睇個煲啦！  真失敗！

我為何讓你走......從此飄於世間，像夢遊。

::::::::::::::::::::::::::::::::::::::::::::::::::::::::

曾經有一個男孩，他很愛我，經過雙方的努力，我始終未能接受他的愛；

曾經有一個男孩，我很愛他，經過雙方的努力，他始終未能接受我的愛。

一個提起結婚就會聯想到離婚的人，到底會不會結婚去？

如何才能知道那位是你很愛他，他也很愛你呢？

習慣有愛情的人，可否離開愛情呢？

只願一生愛一人，到底誰會停下來讓我愛而我又會愛他呢？

愛......是一種很奇妙的東西，你們覺得愛會是什麼呢？