昨晚上床前澆水，驟眼看差點嚇親自己，因為見到粒種子露了出來。
看真些，原來發了芽，好開心，不過卻想起「一日生出、一日枯死」。
今次不只作反，簡直是作死。返十調了返二，不過仍很累。
其中一個實習學生得知我病情，就即時叫出：咁同x仔(唔識寫即有咗的意思)有咩分別！
我答話無分別，但又不對路，便即時更正：有！我無餡。
大家就大笑一輪。
午餐因時間不夠的關係，只吃了點點，待做完野有完才繼續完成，可是那碗分開吃的粥填不飽我的肚。未夠6時已餓得呱呱叫。
今次仍然叫台式飯盒，選了粟米雞扒飯+凍荔枝肉露，今次不敢夾硬吃，哇！唔係嘛，只剩下比平時三分二不夠的食量！
仍然選擇睡一睡，醒來有點滯滯地，而作嘔感也沒昨晚的厲害。
放工時間有感餓餓地，便去了買白麵包，回家即時急不及待炒兩隻蛋，來一個美味的自製蛋治。唔！果然美味，自從復活節弄過後就時常掛住。因為之前試過無胃口時在附近兩三間食店買蛋治，都不是蛋蛋滑滑又厚厚的，但都要成6元。
不過我只吃得下半件就感飽飽，但仲想食野，便打開雪櫃，哇，有橙呀！忍不著搾了鮮搾橙汁給自己，唔，十分美味。
之後為含羞草作記錄時，發現它謝了，唔係嘛，一日就死，幸好也只是死一顆種子，另一顆都倘算有氣息，唔知係唔係唔夠水呢？
感謝主，得知raymond作洗禮後的分享代表，願神與他同往，使他無懼怕。不過很可惜，我不能觀禮已成事實，但我會一邊努力事奉，一邊為你送上祝福！
