話咁快, 高三咁就過左一個月, 星期六都要反學令到我覺得壓力頗大,
數學,英文,地理既例行測驗加每日都有既數學功課, 真係連開電腦既時間都冇.

時間過得真係快, 就者唔係時間過得快啦, 只係我冇好好用時間,
浪費左時間, 淨反落黎6個月, 或者講, 3-4個月, 考大學入學試,
然後畢業試, 呢D可能只係一生人得一次既機會, 但係D數學咁既樣, 畢業能否係一個問題,
搵補習都只係治標, 問題可能真係出係我個心, 我對數科真係完全冇興趣.

"人生得意雖盡歡" "車到山前必有路", 呢2句話正是我做人既標準,
可能我係錯既, 但係勉強自己係一件更痛苦既事, MISS成日講,
我地畢業班唔搏命就得乞米都似, 事實真係好矛盾, 事情都冇2頭圓,
我唯一可以做既就係盡力而為, 媽媽對我有期望, 我就只好圓一圓佢既夢啦.

今日我班同學全部帶晒口罩反學
呢個真係十年難得既一日啊 :)

嗯, 人群中一定有D唔合群既同學, 唔需要理會 :)
高SIR都冇口罩插左入我地個口罩群到 

----------------------------------------------------------------------------------

除左呢個之外, 今日最特別既係, 我將會連炒2科. . .
今日下晝係數,數,中, 數學星期四係例測驗的, 但係又撞中文10課默書,
前一晚當然係溫個少機會拉既默書啦 (一次大測分),
沒想到... 數學O左咀, 唔識做合晒眼訓,
中文更O咀... 就係背唔熟既佢出左. . . 歸去來辭背左, 都冇用. .
唔記得最尾一句成篇冇晒分. . .  悲劇啊! 

咋住麥克風講野中可以柔聲過唔用... 上堂講英文又細聲又唔清楚
成日搞到我冇心機上堂... 我訓覺係我唔岩, 但係講書都唔應該係咁架嘛

短短3星期就停左3班課, 咁搞學校會有一半人受影響!?
今日校醫入黎淨係比口罩我地班??? 會唔會下一班停我班!?
停左課星期日都要反埋!?!?!? 今年畢業班真係不幸...

測驗愈積愈多, 加一加豬流感, 可以一次過迫晒一日測...
求下大家真係小心D... 停課對於畢業班講十分大鍋

上左2日, 又測驗又多數做...
點都好, 都係6個令月, 過左就係一個美好既大學生活
我信呢6個月努力, 係可以換到好的將來既,
在此都希望各位好朋友, 好同學可以順利畢晒業!