琴晚放工去左姐到攞野~~之後我自己一個人由石圍角行落荃灣~途中我發覺自己已經好耐冇一個人行咁長嘅路~我一邊行一邊聽歌腦裡面有好多野~~我望住個天忽然覺得好輕鬆~以前會覺得咁長嘅路一個人行會好悶同辛苦~但原來只要係自己想咁做就唔會覺得辛苦仲反而覺得舒服~但我知自己心裡面有好多事都仲面對唔到!或許有一日我會習慣~亦會放得低~相信要時間吧!用工作去逃避同轉移視線係最好的~~我每日返工都會不停咁聽償還呢首歌~我好LIKE D歌詞~~好記得一段歌詞[償還過才如願,閉著目承認故事看完,什麼都不算什麼,即使你離得多遠也不好抱怨]每次聽完我就會好似鬆左一口氣咁,但唔知WHY個心好痛~~不過返到工司見到D同事好開心咁叫我~我就冇哂事lu~~~我好珍惜我依家身邊每一個同事朋友同家人~~因為我知佢地每一個都係真心對我好架~諗唔到就因為一個人行左一段路又令自己明白同知道更多~~我明白要真正做到放低,我先可以有新的開始~~呢刻我唔再呃自己扮冇事喇~~我要好好咁喊一場~~明天一定可以鎮作的............

要真正笑得開心就好似咁↓