今日係復活節的第一天，話時話呀囡D咳都咳左好耐都未好，今日放假我一早就起身同佢去睇醫生，點知睇開個醫生今日下晚先開診，為由同呀囡去街市買蟹今晚煲蟹粥食先啦，順便再去７仔同佢換２套書，去到街市買左蟹見有花螺，好耐都無食過啦，對上一次都好似係成年之前嘅事，買好晒野就去７仔換書之後就返屋企，呀囡係出面玩我就到廚房整蟹同煮粉粉比囡囡食，佢食完先到我自己開餐，我要怏Ｄ食完同呀囡訓覺啦，３點半仲要去睇醫生架，睇完醫生就接到啊ｆｉ電話，話佢出左黎想上黎我度攞學行車，還點都係得我一個食飯，我就同呀ｆｉ講話我煲左蟹粥睇佢係唔係我屋企食埋飯啦，佢ok，返到屋企拿拿林同呀囡洗白白之後再攞格學行車出黎，點知希希見到即刻坐落去，仲整埋ｖ字手勢tim．

算啦格車車都會比 Michelle 就比佢坐多一陣啦，而我就去煮飯比呀囡食，食完先食藥水，差唔多６點呀ｆｉ就上到黎啦，之後佢就同我餵希希食飯，我就去煮埋ｄ野食，呀囡唔知係唔係食左藥好倦啦，我地食野時佢就係ｓｏｆａ訓左，都好等佢訓吓啦，我地就可以開餐啦．

好開心因我煲Ｄ粥有人欣賞呀ｆｉ話好好食，唔知係唔係對住我佢胃口特別好呢，佢食左成３碗粥，仲要加個公仔麵 tim，走前我地仲影左幾張相，佢走時都成１０點半啦．