今日約左Astor同Sally去新屋到清潔，一早我就上左去焗蟑螂，之後就返工，返到去都成９點半買唔到早餐就為有沖柸麥皮醫肚，今日我一收工就要走，而今日ｄ時間唔知點解過得好快，望住個鍾嘩甘快又１２點啦，好衰唔衰個客又加單而ｄ貨又趕住走ｗｏｒ，搞到成點半先走得，一收工就打比Astor同Sally約定佢地食埋lunch就上去，食野嘅時候Astor問我張梯仲係唔係度，話時話個包租公又好似攞走左張梯wor，吓甘樣我地等陣點樣打掃，佢地提議我買張木登當可梯用又可以坐，買完之後就返上去開工啦，Sally付責廚房我同Astor就去抺窗，唔知係唔係太陽晒我耐嘅關係，d玻璃紙好難起足足起左我成個鍾，我地一路抺窗一路係度話上手都唔知點住架，點解間屋甘dirty，簡直好似成幾年無清潔甘點住人呀，今日Sally同Astor都約左人要6點先走，所以今日都唔係洗到好多野，我諗唔知清潔新屋要開幾多集