今日番學搭98A嘅時候,我竟然又同淡水魚一架車,我琴日又同佢一架車,今日又同佢一架車,我琴日搭遲咗一班車,今日已經搭早咗la,但佢又話佢自己都搭早咗,有無搞錯呀,好采係落車個陣時我行第二度,唔係又好似琴日咁,佢係咁搞爛gag,又一d都唔好笑,我仲要扮笑陪佢,真好采。第一,二堂,老妖堂,默書,pth堂,我無咩聽過書,epa堂,各組出嚟匯報,都係悶,music堂,小丸子叫我地寫音樂會報告,我未寫完佢就打鐘,我就加多幾隻字就交咗喇,maths堂,sin cos tan,is堂,翔翔真係好嘢,佢個組present得極好笑,cos sin tan,令到我地係咁笑,我地就俾咗佢地9分喇,佢地應該要去hall present,!中文堂,我都無聽佢講書。

今個禮拜因為有好多嘢要做,極耐無打qooza,星期一,eng堂,我淨係記得老妖講個句cheese唉吔我寫咗chinese,佢又派ut卷,量筒最高分,39分,我得31分,ok la,其他唔記得喇,之後番屋企係咁做專研,but做唔哂,星期二,頭四堂唔記得,music堂考吹笛,好采我好快考完,之後就做功課,maths教書,星期三,is ut,有幾條都唔多識,eng堂上411做eng-class,跟住又要我地睇teacher's blog,我同joey偷偷地上第二個網睇相,其他唔記得,maths堂,專研present,soso個組講鬼火,好悶呀,cved堂,佢又係度話我地,星期四,孖maths,專研present,都係咁la,geog堂又係present,孖computer,做聲音剪接,eng堂,1-min talk,老妖話我悶場,星期五,孖is,到我地present,present完,d人極多嘢問,joseph話我見到佢舉手唔叫佢,關我咩事,量筒佢叫第二個,我想叫你都唔得la,PE堂,考體能,發覺自己體能差咗好多,Miss Lau叫我下個禮拜三放學,去籃球場興祝,我差唔多一d力都無出過,中文堂,有人嚟學校參觀,邦平就要去幫手,eng堂,悶呀,中史堂派卷,我得27.5分,最高都係量筒,29分,之後淡水魚問書,maths堂又係present,怪獸個組present,我地組俾咗1分佢,本來諗住1分都唔俾,不過算la!
夜晚去聽音樂會,我本好留心聽嫁,不過中場過後,愈來愈想瞓覺,之後就番歸喇!

今日Maths ut,有好多無做,份卷難到阿媽都唔認得,我今次一定肥喇,IS堂,上lab做實驗,EPA枉,做作業,中文堂派謄文同默書,King姐篇文真係寫得好好,邦平叫人將佢篇作文打咗出嚟,阿媽你係得嘅,V.Art,Miss莊叫我地畫封面,但我差唔多一d都無畫過,雕塑本來唔合格,多得Miss莊好人俾多5分我合格,多謝你呀Miss莊,Eng堂,歐陽將Miss Chiu叫成Miss嘴,勁無奈囉,Miss Chiu身為我地嘅班主任,當然會讚我地la,唔通係咁鬧我地咩,你無嘢ar,係咁話我地,放學,陪量筒去家政室整嘢,量筒搞極耐都搞唔到,又要我幫佢拆線,佢話無我幫佢,佢可能有派都做唔哂,佢學咗一年嘅嘢,我一日就學得到,我仲俾Miss威話我有天份,被佢一眼睇出我唔係修家政,Miss威好勁呀,但係家政要縫嘢,好煩嫁,所以我先唔修家政!

今日第一,二堂IS堂,係咁係度用個d溶液試酸同鹼,有d咩就唔係好記得,PE堂,因莊sir遲放,我地就遲咗落去換衫,有d人俾賤Lau捉到,係咁鬧佢地,真係慘,之後佢又要我地跑9分鐘,佢都變態嘅,我地跑咗起碼唔止9分鐘喇,之後佢又教手球,手球真係好好反呀,中文堂,默書,Eng,Miss歐陽,我真係頂佢唔順,一入classroom就係咁話我地,唔俾笑咩,笑又話我地神經失常,仲要對住佢4個禮拜,一日我都頂佢唔順喇,Miss Ngo你快d番嚟la,中史,背帝系表,做作業,Maths,教tan!!!

好嘢,今日竟然唔駛番學,因為會考借咗我地學校嘅課室,所以我地就唔駛番,但係最慘嘅係有大把功課要做,星期一又要中文ut,關sir話Maths ut會好難,咁死得la,我最差嗰科就係Maths,老師出得咁難,我睇我要合格都好難喇!