今日班主任堂,Miss Chiu叫人講讀書心得,我地個行先,我出到去淨係講上堂要留心,寫筆記,番到屋企要溫書,咁我就番咗埋位喇,eng堂,Miss Ngo又係度鬧人,因為有人無改Quiz,so佢要罰佢地留堂,IS堂,默書,解WS,做作業,Geog堂,聽人present project,兩堂中文,頭個堂用嚟考PTH Oral,考唔到我,yes,第二堂,用嚟默書,小丸子堂,派卷,我有44.5分,第一次囉,因為好易,Maths堂,教curved surface area同埋total surface area,放學,我同陳小儀,Becky,阿於一齊去DT室做嘢,多謝發叔同我屈個盒咁我係DT堂就唔駛再搞喇!
P.S.今日我阿婆,舅母係大陸嚟我地屋企作客,聽日好似仲有更多人嚟,哇,好熱鬧呀!

今日EPA ut極難,因為我都無咩心機去溫書,eng堂,係咁係度講passive voice同埋active voice,我都唔識,中文堂,邦邦教語文知識,悶呀,中史,淡水魚派ut,唱k最高分,不過淡水魚有d改錯咗,將啱嘅當咗唔啱,好,我佩服佢,DT堂,好采有eli姐姐幫我,如果唔係我都唔知我幾時可以焊完,Becky佢好慘,俾車神唔小將成樽膠水倒咗落條裙,條裙就咁污染咗,Maths堂,因Vincy早退比賽,咁我唔識都無人可以問,CVED堂,Miss Ngo俾咗WS我地做,講話校規,好悶呀,放學同陳小儀,江珍一齊去DT室做嘢,4:00就走人!

今日Miss Ngo終於番嚟喇,班主任堂嘅時候,Miss Chiu叫我地當Miss Ngo入嚟班房嘅時候,一齊企起身,拍手掌,話要俾個驚喜佢,又送張卡有哂我地嘅簽名同埋相架,Vincy話佢第一個唔拍,而且我都唔係好想拍,好無聊囉,Miss Ngo番嚟嘅第一日,就俾d OM嘅同學講佢地嘅感受,有Ding姐,鋸尼,Joseph,冰振同埋張百,佢地上個禮拜去咗美國參加OM嘅國際賽,因為佢地係地區賽,我地學校派個兩組都攞到冠軍,所以可以去美國比賽,佢地真係好勁呀,係國際賽攞到第三同第四,咁Miss Ngo就要知道佢地去完個度嘅感想,佢地講吓講吓,差唔多講咗兩堂,最後個d時間就俾Miss Ngo講吓佢生仔嘅情況,咁就過咗兩堂喇!

今日係老妖最後一日上我地堂lu,聽日Miss Ngo就番嚟喇,但係我地班都係一樣咁嘈,終於係佢最後一日都要鬧我地,不過我係一d都無嘈過嫁,但係我好似好唔捨得老妖咁,以前好想Miss Ngo番嚟,但係係呢一日,我嘅想法又改變咗喇,不過算la,佢始終都要番嚟,如果校長請老妖嚟學校教就好喇,如果佢嚟教,我就希望佢再教我英文la!

今日世史ut,填充有d唔識,不過好快做得哂,大把時間淨,eng堂,上411,聽listening,老妖又係度鬧人,習慣哂lu,中文堂,唉,我又無聽邦平講書喇,真係唔好意思,淡水魚堂,對作業,但係上上吓走火警,好開心呀,DT堂,做電子習作,江sir話淨番一堂,驚我地做唔哂,我都未做個盒,今次死得喇,maths堂,講WS,我記得佢講過施sir問佢係咪成日同學生講gag,佢答話佢嘅生存就已經係一個gag,CEVD堂,老妖上,我都係無聽佢講嘢,同Vincy玩,落堂,去圖書館借書,之後番屋企喇!