今日要番學校參加嗰個"談Teen說地朋輩工作坊",番到去,睇到班F.1坐哂係度,原來佢地係度等頒獎,有無搞錯,我地上年校園洗白白做嘢都耐過佢地,關sir話佢地無咗d物資,所以先咁快做完,無奈,上到去306,Miss Cho,Miss Wai同埋Iman一齊主講,好無聊,放學,同King姐去食嘢,聽日班會旅行,都唔知點好,極唔想去,睇海豚,都唔知睇唔睇到,去嚟都哂氣!

今日朝早番到去,無門入,極無奈,但係2A,2B有開,有無搞錯呀,於是我就同量筒企係門口等,等呀等,終於有個阿嬸嚟開門喇,嗰個阿嬸真好人,唔似得嗰個呀,去禮堂聽歌唱比賽,好悶呀,一年悶過一年,無嘢好睇,原本我以為係2C個女仔攞冠軍,但係係嗰個3D班個男仔攞,佢上台攞獎,我同Joey都靴佢,扮明造馬la,人緣關係咁好,咁就比佢攞咗冠軍喇,唉,放學,等小儀放學,but佢要上208試食,等咗15分鐘,佢就第一個出嚟,好嘢,跟住番屋企喇!

今日要番學校聽專研匯報,2A,2B,2C都係好悶,2D就好d,2E好到我無嘢好講,翔翔個組一開始就用個木魚敲敲敲,之後係度Rap,我十分佩服你呀,翔翔萬歲,佢個爆炸頭嘅令我十分深刻,佢攞最佳匯報員獎係應得嘅,結果2B,2C攞優異獎,2A攞季軍,2D攞亞軍,我地2E攞冠軍,放學,同小儀,江珍一齊上電腦室揾King姐,但係佢做緊嘢,所我同江珍一齊用報紙攻擊Ronald,勁好玩,但之後我就坐係度睇小儀睇佢個偶像Gazette,佢話佢地好得意,有型,好靚仔,佢地有型我都覺,都有少少靚仔,but得意就唔多覺,小儀仲話要同某個人示愛,佢係日本,你係香港,好遙遠呀,之我就同小儀番屋企喇,佢番到我就去食嘢,中途撞到King姐同埋江珍,咁就一齊食,最後就番屋企喇!

今日係派卷第二日,成績真係麻麻,我真係佩服量筒,佢明明高我好多分,但係竟然話高我少少姐,啞哂,無嘢好講囉,3科9字頭仲唔滿意,仲話我有好多科高過佢,扮明係佢有好多科高過我la
今日全部卷都派哂喇,成績:
中文:
卷一:72分
卷二:74分
卷三:32/50
卷四:32.5/50
Maths:68分
EPA:77分
西史:66分
電腦:78分
PTH:61分
        說話:79/100
關sir好似係度教埋今年,下年唔係度,到咗再下一年先番嚟教,唔知係唔係呢
放學,我同量筒去揾Miss Wong,送張卡同埋一隻熊仔比佢,好采佢鍾意,但係今日係佢係呢度教嘅最後一日,唔多捨得佢走,佢話佢會約我地去食飯,唔知幾時再可以見到佢呢

今日係派卷嘅第一日,我今日差d遲到,好采都被我趕到番去
成績:
第一堂派IS,我攞到73分,最勁嗰個88分
第二堂派Geog,81分,最勁係阿於,唔記得咗佢幾多分
第三,四堂派HE,DT,Music,DT我緊緊合格,20.5/40,Music:48/60,DT死哂
第五堂,派Eng,G.E卷72.5分
                         Listening:56/70
                         Writing:73.5
最尾派中史,破紀錄,有93分,上學期得70幾
第二日,D科可能仲慘呀