今日係主日~!我如常甘7:30就起左身,準備番教會參加主日崇拜~但今日特別左d~就係媽無啦啦打電話比我~一聽之下...原來佢封左包利是係台面比我~~因為今日係我舊曆正日生日呀~~呵呵呵!就係甘,我就開開心心番教會~

番到教會~我今次好準時~就坐定定等唱詩開始~~就係甘,我今個主日全程都好專心(可能昨天對自己回想犯過的罪太過意不唔去),好乖甘聽道唱詩同禱告~好快甘完左2個鐘o既崇拜lu~~

崇拜後~照舊同弟兄姊妹食早餐~不過人數真係比平時小(自從慧盈飛左去美國,我地呢個早餐團真係小左人,唔通慧盈影響力真係甘大???),就係甘今日就得我,虔虔同阿豬二號(我改的^^")去食早餐,幸好~之滔其後都有出現,不過因為佢要交通所以比我地遲出現。不過我發覺~人小小都有別一種趣味~~大家講o既野因為人小都多左,更加可以認識佢地~

食完野之後~都因為人小關係~我地4個竟然去左新之城打機~仲因為要就佢地小去機鋪~玩左好多平時唔玩o既介單game(太彭,孖寶賽車等...)~~但玩落又幾好玩~所以同佢地打機又別一番風味~~呢次都玩得好開心,玩完之後,我地就各散東西,不過佢地就真係比我乖o既...玩完都識番屋企溫書~致於我?!就番工= ="

就係甘,我就回家換衫番工~唉...今日番工又整到隻手指啦...慘............不過星期日黎講~今日都算小野做嫁啦~好舒服就番到屋企洗白白,最後坐係到打日記

昨晚~我sell左鬧鐘12:30起身的...但11:00就比阿媽叫醒左..............幫佢搵姨媽攞菜~我為有去啦.........

不過姨媽永遠都係最疼我~我去到姨媽個到攞完野臨走前,因為我舊曆生日,姨媽比左$500蚊我話比我買野食(如果真係買野食就食肥我囉~),就係甘~呢$500蚊介直係我今個月o既急救錢~

回到家後~~我就換衫準備番教會聚會~不過去教會前我就約左玻璃威in佢留下等~但意外就黎啦......當我行到中途打比佢叫佢準備出門口時...佢先叫我自己去先............真係火都黎!!!我行到周身汗~就到先同我講自己去先?!唉...........不過算啦...唔同你計甘多=.=

就係甘,我自己一個坐車去教會,但第二個意外又出現~!就係上到車發覺坐我前面有個女仔好熟臉口~!睇真d原來係阿moon~原來佢都去荃灣行街~就係甘就同佢吹左陣水~~唔覺唔覺到荃灣~之後佢就有佢去街~我就有我番教會~

之後番到教會~剛剛好唱詩讚美~其後就係聽道~今日主題係"生命的感覺"內容就好似主專登為我而設甘...發覺自己真係同死亡走得愈黎愈近...但係...我又真係可以點做...方法其實一直都知道...只係...甘耐以來...我都仲係唔願意去做,眼見自己同主o既距離真係一步一步拉遠............"體貼肉體的就是死,體貼聖靈的乃是生命平安"羅馬書8:6   也許...我真係一個體貼肉體o既人...此終勝不到個人私慾....

番完教會之後~本來約左moon飲野~但佢後來又唔得閒~期後轉轉接接變左同肥肥人去食m記~中間仲有大鼻,鄭偉,玻璃威,虔虔,黎健,譚宛維,張靜~都幾熱鬧嫁~

食完下午荼之後就去左熊貓酒店打左陣機,之後再回馬鞍山同老豆,老媽子食飯~食完就回家lu~~

終於到左星期五啦~~明天就唔駛番學,都唔駛番工~正!!!

不過星期五都幾辛苦嫁...家因呢日同明天剛剛相反~~要番學又要番工~(好似講廢話甘tim....)不過唔先辛苦點會有幸福呢?所以我唔怕!_!

今日番學都幾易過~一番學就見到大鼻~撞正佢拉完屎(懶人多屎尿)~所以捉埋佢陪我買水~~之後我就上數學堂,做做下數就過左lu~期後二堂英文先辛苦...個鐘好似唔識郁甘...好彩我係聽書人,都捱到無訓~英文堂後,就係二堂會計~唔知點解~計數堂係特別易過>.<就係甘~上學o既半天就甘過去lu~~~

放學之後~下半天就係番工~我好快甘回家吃左小小野~就換衫番工~

雖然今日係星期五~~但都唔算係好多野做~過得去啦~11點就放左工lu~仲食左個pizza tim~

回家途中~為左回報一下自己今日o既操勞~就再去買左個宵夜比自己食~就係我致愛o既生菜魚肉啦!!!!!!!!!!!!!!!!!!!!!!

生菜魚肉~好味道!!!!!!!!!!!!!!!!

就係甘~~一個星期五就過左lu~~~

講真~呢排心情真係唔係甘好,家因要煩o既野真係好多~致於煩咩...我都唔係好想係到同大家講...我自己一個煩夠

講番今日~~今日d堂都過得好快~唔覺唔覺就放學,本來諗住番屋企做個乖乖仔~點知肥峰問我去唔去沙田食飯打下機?一問之下~仲有阿希,阿邦同矮仔~見甘熱鬧~咪去玩下囉~所以就同左佢地去新機地打左陣機,再去小巴黎食飯~不過呢排真係好窮...攪到要阿希還錢比我先有錢食飯

不過餐飯都唔錯~40幾蚊就每人有碟飯加幾碟小菜~同埋個經理都幾可愛~~女人型,哈哈哈!

食完飯就行左陣街~之後就搵左個地方坐低吹下水,不過來來去去都係個d男人野~~

同10:00到~就同邦仔坐小巴回家~其間仲狂比佢串tim...衰仔~我唔係你呀~我要聽聽話話,做好本份>3<(唉...不過講就易...都唔知幾時會行差踏錯...)

班白痴仔~~

嘩...今日就真係悶到我死呀~一d特別事都無發生~連電話都無個...為一一個電話都係月兒個衰妹提我幫佢換monchhichi...無野識~淨係識搵我呢個哥笨~正衰妹

唉...之後今日成日都係來來去去番學,放學,回家食飯個d野.........都無咩野好打~_~

希望明天主會比d驚喜我啦~~今日就到此為只~~886!