今日係每星期上學天最期待的一天!!!星期五~因為明天就唔駛番學呀ma~不過都因為甘,個個今日都好似食左安眠藥甘,堂堂都釣哂魚...最大最大問題係今日有成2堂英文!!!!!嘩~!真係悶都出汁.....英文堂之前堂數學又一早做哂數,又係悶.....最後二堂會計係就係教新野...不過都係同之前變化不大...都係悶...總之攪到我成日都無心機上堂...仲周圍聊人玩tim...

放學之後~就照舊同大鼻肥峰兩個一齊回家~我回家前因為要番工~所以去左M記買左個"雙層芝士漢堡"拿走一路行一路食~都因為環保關係~我同個員工講:就甘比個包我ok啦,咩都唔駛比。點知甘講一講比佢同佢個同事笑.......有咩好笑啵~唔準笑!!!未見過甘可愛o既環保份子咩?!

到左公司後~因為今日星期五~都幾多生意~~都做到踢哂腳~不過都係個句!開心咪得囉~~呵呵呵!

一個普通一天,又過左lu~

又要回想今日做過o既野囉!!!不過都係無咩特別...一朝起身~咪又係番學~~~不過上到車諗再好多好多野.......好多都係過往所發生o既事...突然間向主下定左決心做某d事!!!(不過都係我同主o既秘密)

到左學校之後,同平時一樣上去準備上堂~一開波就黎堂英文~~攪到我有d睡意...之後先二堂商業~~其間要分組做野~~住我坐面右手邊個個同學都幾慘.....佢平時的確係煩左d...不過分組竟然無人要...最後佢自己一個一組...其實我都想幫佢嫁...但組員個個傘手擰頭...真係幫唔到佢................再之後就係二堂電腦,今堂又係打字,不過今堂有d特別~因為識左2個新朋友(其實都唔算新...一個叫佩佩,仲有個好似叫阿女...?_?)~~佢二個都add左我msn~~最重要係佢二個都係基督徒!!!所以都要感謝主!!!

之後無耐就放學~~同平時一樣同肥峰,大鼻坐火車~~不過佢二個一個玩psp,一個玩nds~~我都無佢地辨法...

之後到左大圍我就轉車回家lu~~~一天就報告完畢

今日都係平淡o既一日...人就係甘嫁啦~無野做又想有野做~有野做又覺得日日如常無d特別,想多番d假期.....

星期三~~第一堂就係數學~接住就係二堂會計,過得都幾快~~因為都識,專心上堂就過得好快~~過後就係小息,本來諗住食個炒飯,但落到去先知賣哂...為有買雞脾~~食完之後再上多二堂易過o既電腦就放學lu~~

放學後,由於大鼻比肥峰串到無野講~~全程都黑口黑臉...唉~都唔知佢幾時會成熟d.......

回家後,就立刻換衫番工~

今日番工都幾爽~做野都係一個字"快"!!!又係10:30就坐低等放工~但今日洗野發現左一大堆虫虫~比我地用水沖哂出來~~但仲爬下爬下~幾嘔心!雞皮都起埋...

放工之後~都係如常甘回家洗白白,開電腦,明天又係一個新開始lu~~~

今日都可以話幾無聊...整日都係呆下呆下~(可能...因為昨晚那個夢.........只知道,有d野以為自己忘記左,但總會被人勾起回憶...然後,又要一段時間先可以將佢收藏起來...)。

廢話都話完...今日番學都無咩特別事~為一都係小食部多左炒飯買.....$6蚊~~都幾低o既~~

番到屋企~本來諗住食完飯,洗個白白溫下書~~點知又頭痛...就係甘為有訓左個小睡~起左身就無咩野...就起身打個日記再訓過~~

今日星期一~唔駛番學,本來就可以訓到太陽上到頭頂o既...不過昨晚答應左月兒今日陪佢溫書~順便自己溫下習~所以就成10:00就比佢吵醒左...

本來我地諗住去圖書館o既...但去到先知原來星期一圖書館唔開.......但好彩我醒目~識得去哈迪斯溫~貪個到又靜又多位~~~不過我都好識做o既,幫親買左杯奶茶~~就係甘,我同佢由11:00溫到1:00左右~~之後,我同佢去左"鐵人"食午餐~~叫左以前成日叫o既魚生飯!好味呀!!!!!!

食完野之後,我就同佢去左新港城,順便去買左對conversre~期後,我地行行下千色店我又睇中左頂帽~不過睇耐左又好似女仔左d...不過個衰女包都話好靚好中意...話一齊買二份載.....我最終都受唔住引誘買左...不過載先個個係佢~

行哂成個新港城之後~我地又去馬鞍山廣場~陪佢去幫隻貓買貓草~~買完之後,又去左冒險樂園玩左陣,本來我地可以12蚊就win隻巴斯光年公仔...可惜就是差小小運氣...

之後大約4:00佢就要回家~~我就送左佢坐馬鐵後就自己一個回家~再同阿媽食下午茶~食完就回家睇電視~等開工。

到左夜晚,我就上班去~不過今日唔知點解~做野做得好快好上手~仲比人讚tim~~好快,到左10:30,我地就做好哂野,坐低吹水等放工~~一到11:00就回家~~

回到家,傾左陣電話,再洗埋白白都成12:30~~一個愉快一天就結束lu~~

<--魚生飯>3<