昨晚傾電話...一傾就傾到3點幾.....今早仲要8點半起身...攞命~~不過答應左出席小牧人計畫講座,我實會出現o既!!!但話雖如此...我都係遲到左...至於呢個講座~教導我地要愛人如己呀~每次教會有新人都要多多關照,唔好只顧自己.....(回想當年...初初入到教會真係有點兒悶...但隨住主保佑,加上小肥幫助同大家o既熱情~我今時今日簡直有如多一個家^^")

講座完畢後,我地荃灣區弟兄姊妹一同坐地鐵回荃灣教會(因為講座係尖咀講的)~~到左荃灣後,我地就一齊買外賣上聚會所食~~食飽飽後,就一齊準備今日聚會~題目也是為下星期的少年佈道會作好準備和代禱~~我都成功叫到朋友去下星期佈道會呀!!!個個就係呀星~好多謝你!!!

聚會後,我就同小肥佢地去左M記食下午餐~~食完之後,就同玻璃威一齊坐車番屋企lu~~

*仲要提一提~就係小月~好多謝你條頸巾,好暖!!!

今日我9點就起左身~因為約左大鼻11點到旺角打陣機先番學~~~如常佢都係遲到,我就玩住等佢~其間仲比我撞到肥峰,原來大鼻都有約佢~之後同佢地玩左陣,本來諗住一齊番學校,點知月打電話比我話唔想番屋企...我隨口話如果佢出黎旺角我就陪佢食飯~點知佢話好.....就係甘~我走堂同佢行街食飯.....大約2點就送佢坐地鐵回家.....

之後見都走左堂數學~唔差在走埋2堂英文.....所以就去左打機磨時間~等到3:30就回學校,上會計~因為要測驗.....

放學之後,就立刻番馬鞍山,因為答應左同月兒食晚飯..........見面後得知佢同佢老豆又吵架~為有陪下佢啦~~~食飯前我就陪佢去開台,因為佢電話卡比佢老豆整爛左(好惡死o既老豆=..=).....之後就去左大家樂打邊爐,食食下又撞見一個小學同學~之後又坐低吹水~佢單車高手來的!!!有機會買單車搵佢!!!

食完飯之後~再陪月兒番屋企~~到左佢屋企之後~好開心呀!因為月兒佢送左條頸巾比我~係就係女仔左d,不過都好開心!而後我就獨自回家去了~~~

今日上o既堂有英文,商業同電腦~為一煩o既都係電腦,因為要測驗.....賓仔今日就好笑,因為小息時比人攪到成件衫都係甜醬,呵呵呵!等佢平時仲甘多口~有報應囉!!!

放學之後~本來諗住等大鼻同肥峰一齊走~~點知佢地坐電梯時電梯壞左.......慢慢等消防員啦...我就唔等lu~不過你地都自己攞黎~有樓梯唔行,甘鬼懶~~呵呵!!!

之後我就坐火車去醫院探老豆~去之前去買份馬經諗住比佢解解悶~~點知原來一個後生仔攞住份馬經會甘比人望.......好辛苦,到左醫院之後,我在7仔再買d野食就上去搵老豆~~陪左佢半個鐘後,就同阿媽坐小巴回馬鞍山~~

番到馬鞍山~就同阿媽去百佳買壽司番屋企食~正!!!

一日就甘過去lu~~

下雨天...一個字:煩

幸好~今日在巴士上,一個小小禱告~換來落車時一個短暫o既停雨!真係好感謝主~~~當我番到學校,好多人都濕左身,但我就無事~呵呵!

第一堂係數學堂,我終於有番心機聽書,好快手就做哂手頭堂課,做野時間都過得特別快,所以好快就落堂~之後就係二堂會計,雖然唔係好識,好彩都仲有傑仔教我做~~多謝哂!!!過後小息~我地成班吹水~仲話22號要去天馬艦tim^_^~好期待呀!!!小息後就係二堂電腦~不過都係無聽書玩電腦...雖然係二個鐘,不過都轉眼過~~~

放學後~我就同大鼻去左太子打左陣機~其間又落雨.........不過今次有大鼻~大大把雨傘~~打左陣機後~就同佢一齊塔車番屋企~等車中途,我地多去左M記買朱古力新地~好味呀!!!個員工好明顯係新人,比左鬼甘多朱古力我,不過我中意~哈哈!加上員工仔,見你幾靚女,算你啦,甜死我都無所謂,哈哈哈(男人始終係男人^^")

回家後~就得我同阿媽食飯~因為老豆仲未出院...所以~明天要睇下佢呢!!!

今日係星期二,終於要番學lu~~~一早比家姐吵醒,見有時間,就拾下房間衣服~拾拾下,發覺都係時候買番d新衫!!!拾完野之後,我就上學去~第一堂英文就立刻測驗......我當然唔識啦.....測驗過後就係人際堂,大多時間都係睇片,所以好好過~其間我地仲打電話向M記買外賣~~~到左小息,我第一次無去買野食,因為等外賣到~但點知要上堂先黎到......好彩係普通話堂,miss好好人,比我地一邊食一邊上堂,加上今堂都係睇影片,所以好有戲院feel~~~

放學過後,完本今日同阿月食飯,不過比佢放我飛機...所以就去左新之城打機~~~打左無耐就向荃灣出發!因為大鼻搵我一齊買衫~

到左荃灣~我地行荃灣城市中心~睇左幾間鋪,發現左間平價野~一件外套都只係$100蚊左右~我買左二件外套同一條牛仔褲,都只係$440蚊~仲(o爹)左個大姐送2件tee比我~發覺自己都幾有講價天份~全因為同得家姐出街多~哈哈!!!至於大鼻就買左件外套同一件衫~就係甘,我地就掃貨完畢~~~之後我地就去左間大排擋食左個麵同生茶魚肉就坐車回家lu~~