今日普通話口試,一早如常同傑仔,子華去食早餐~3個好兄弟呀ma!!!

食完早餐後,我地就去左太子城搵文龍,彬彬同班長幾位打機~差唔多12點就回學校lu!

回校後~好快大家就考哂試~之後一齊去新都會食飯~在此都要同班長講聲sorry.......因為我地從學校出黎就貼左兩張雜誌送嘅AV女郎貼紙去佢背隻~到佢回家時佢都仲係唔知有野係背隻,仲要旺角周圍走~~~雖然兇手唔係我...但我知情不報都有小小良心過以唔去~

當我地行完街後,我就走巴士回家~一日如此過去~

今日唔駛考試,所以終於有日可以慢慢瞓~

到左大約11點~我先起身,刷牙洗臉~不過就無食早餐!!!因為約左百力接佢放學食飯

其後,到左差唔多1點就到左大圍~無耐就見到百力lu~~甘耐無見都仲係甘傻傻奸奸!!!

一見面~就有禮物收~呵呵呵!多謝哂啵!!!之後兩個人就去左間餐廳食左兩個學生餐~個老板當我係學生呢!証明我仲後生可愛!!!食完之後,我地行左陣街就送佢回學校lu!

回家後~我瞓左一陣~之後就同老媽子去食下午茶~仲比我撞到魚蛋tim!

期後,回家吃完飯後,今日就完lu!

今日可以話係最後一日考試lu~!!!自考試已來,朝朝去濠園食早餐,傾密計~不過今早就變左上車地點,變左耀安,因為約左卓玲耀安OK等~因為有野要比佢~~~任務完成後,耀安上車諗住無位坐啦~點知又有啵!呵呵~其後我就第一個到左濠園,到左之後我就攞位食住等~因為太肚餓lu~

食完野之後,我地就番到學校,準備考試~今日考嘅係:會計!!!希望合格啦...不過我係考完最早走個個.....

考完之後,我地1班人12個去左唱K~~~起初就個個唔點歌...後期就人人都插歌...傻的嗎= =?

唱完之後,我地就去左好旺角打機~打打下大鼻同肥峰又黎左搵我,之後班同學就走先,我就同佢地打落去~

打到5點多就坐車車回家lu~

今日考嘅係:普通話!!!!!

早上又係7點就起左身!不過...今日家姐發脾四...話我鬧鐘操醒佢...甘我都唔想嫁...我可以點???

其後照舊8點半到濠園食早餐!不過今次多左阿傑~~~食完之後我就去考試lu~本來諗住肥硬嫁啦!一個等死心情去考.....點知考試總是使人意外...第一次普通話聆聽我係聽得出答案...勁!!!

考試過後,我地一班就到學校門口等齊人離開...點知走前我先發現...考試場地旁的書院原來係一間女校!!!第一時間想起女校男生呢首歌!!!哈哈哈~不過發夢就有我份!!!

齊人之後,我地又到左新之城打左陣機~之後就回家lu!!!

回家後,我煮左個麵食就去左瞓午睡...起身時都5點~之後就同老媽子食下午荼同行百佳~

行完百佳後,阿女無啦啦打電話比我!原來想溫我幫佢買六合彩,作為朋友當然要互相幫助~所以我就去左馬會,點知入馬會前竟比人查身份証...原來我個樣仲甘後生!

回家後~我食完飯,洗完白白本來想溫書...點知阿邦又打比我搵我食糖水~我見有12人甘多,加上阿強又係度(佢隻狗...)所以我就落左去~點知老豆又有野講...不過我都唔多理~

同佢地班友仔聚一聚後~回到家都大約12點lu~~之後就準備覺覺豬~

今日考試呀...仲要係數學!!!本是信心科目!不過...無溫過書...只好考天才.......

但考試前~早一個鐘就到左旺角,因為又約左傑仔同子華食早餐,仲比我地見到d野tim!!!正~~~

食完野之後,我地就向學校進發!準備考試lu.....正當我擔心唔識做o既時間,一睇卷???!!!超~~~好易ja!!!唔溫書都得啦!呵呵呵~不過呢,就有小小問題,就係我一邊考試一邊急屎...真係煩死...之後好辛苦捱到考試完畢!立刻衝去廁所~~~

其後,我就打電話搵番佢地~一班人14人一齊去食米線,味道唔錯嫁!!!食完之後,我地就一齊去左新之城打機,途中仲同傑仔,子華玩孖寶賽車,輸左請食飯!!!最後,傑仔輸左!!!哈哈哈!!!

打完機後,文龍同班長佢地就去左M記溫書~至於我地?當然行街街~~~當我地行哂成個旺角後,就去左間咖啡店食下午茶~吹吹水~不過我估唔到,原來成班男仔坐埋一齊都幾多八掛野傾~

食完下午茶後,我就回左馬鞍山行商場,因為我要行住等小月~約左佢食晚飯。

正當我行到超市都行埋之後,佢個衰妹終於到...之後就去左溫莎食野~最後就去左海邊傾計,大約9點半就送佢回家lu!