今日係星期日,本來我應該早上前往教會參加主日,但由於起床時頭痛,我怕病復發,加上今晚仲要返工,所以都係休息休息較為上策!

當我起床後,都已經1點~我立刻起床吃個出前一丁做早餐~

食完野,我無無聊聊就去左拆利是,收穫都算唔錯~其後我就換衫準備返工~~~

去到新港城,我首先去問問修理電話價錢,因為我掉壞左大鼻借比我部電話.....第一間答案係:$400.....去死啦!!!買過部唔好?第二間正常d:$250~最後我都係等大鼻意見,之後就回pizza hut~

到pizza hut後,我食左半個鐘野,就開始做野lu~起初都好順利,不過中途突然肚痛想嘔.....好彩大家都好體諒我,盡量幫我手,由其芬姨同家樂!thx!!!!!!去到後期個肚都無甘痛,之後做到大約12點大家就收工lu~~~

今日係初7~~~在新一年來說...我今天總算病好!!!痊癒後的第一件事!就係番教會。

到左教會後,本來今日想搵Tam tam掃掃苦...同佢講呢個星期病得幾辛苦.....點知...佢無番......

至於今日聚會題目,就係"得救重生",我一聽到就感到好似講緊我.....我今日真係有如死後重生,前幾日辛苦得有如要命...

聚會完畢後,我就同大鼻去左食下午茶~之後就一齊去打機!!!正!!!!

今日就係甘過去lu~~~

唉...由年初一開始...我就病.....所以成個星期無打日誌...並唔係因為我去玩唔/ _ \

如今!!!我好番啦!!!

今日終於唔駛返學lu!!!所以就瞓到中午~~~一起身,就食早餐,其後就係拾屋~

要張自己房間一年內所有垃圾移走~真係傷腦筋,不過最後,經過我一輪努力~當然無問題~

當家中問題一一解決後,要面對的,就係今天要上班去~~~年廿九番工...一定做死人~

回到公司,真係唔知開心好還是傷心好.....因為今日做我拍擋嘅竟然係阿雪.....首先點解開心?因為有個靚女一齊幫手當然開心,不過點解傷心?事關人地係高級職員,仲要係靚女一名...我呢位又係男仔又係下屬嘅...當然咩都係我做.......

不過做落,發覺雪姐份人又幾好人嫁!起碼唔似d人甘,職位高高地就對人大呼大喝無禮貌~又好多野親力親為!

之後,同阿雪合作得好順利,好欣賞佢個份學習心,對住下屬又無架子~當你普通同事甘~~~正!!!

最後,到尾場,都無我想像中甘多野做,同一班同期入職嘅同事一齊收鋪,好有當年暑假一齊努力搵錢個個美好feel~呵呵!

首先!要在此講聲~傑仔正一懶瞓豬!!!!!

點解?因為本來我同佢仲有子華約左8:30太子食早餐~但佢竟然.....唔知醒?!太過份啦!!!!!就係甘...得我同子華兩丁友,你眼望我眼甘過呢個早上...(其實都有好開心甘同佢去打機同傾男人嘢^^")

其後我同子華就去左新世紀廣場內嘅美食廣場坐,等佢個衰仔~~~大約11:30左右,佢就到左~當中仲有子傑tim!!!之後陪佢地兩個食完早餐後,子華就話不如走堂去唱k~因為佢失戀...(2月14當日...也是昨日...佢...唉.....自己問佢啦~哈哈)!!!就係甘,我地去左7樓唱k~不過子傑就無去,得我,子華同傑仔~

到左red box後,我地3個好開心甘盡情大唱~真係唱到啞哂~哈哈哈!我地仲改左子華花名"k歌之王"!!!其後唱到剛剛好3點,兩個鐘,立刻cut歌...其他做事效率又唔見佢甘高...

之後我地回校上埋兩堂電腦,就放學lu~~~之後又同文龍,子華同班長去金雞打機,大約八點就去接家姐~幫佢攞野番屋企~~~

今日就係甘過lu~~~