今日係2月14日~情人節!!!過往年年單支公~不過今年終於有所改變lu~~~

不過雖是如此~但都係要返學...返學前,今日都有約傑仔同子華食早餐~食完之後,我地就去左新世紀廣場嘅美食廣場溫書~不過最後都係變左傾計...

其後我地就返學校上堂,5堂有3堂都係測驗...玩死人.....

放學之後,我就去左火車站等百力滋~不過佢竟然遲到.....我地買左戲飛6:35分開場,不過佢6:15先到...一到之後我地就立刻衝去百老匯!!!好彩最後都趕到去~入到去剛剛好開場~

我地睇嘅戲係"翻生朱羅館"~好好睇呢!!!又好笑,又有意義!!!值得推介!!!由其同老婆仔睇~~~

完場後,我同文龍and文龍嫂撞到正~不過都估到嫁啦~因為昨天我地一齊買飛~

之後,我同百力滋去旺角周圍搵野食~不過度度都鬼死甘多人...最後都係番大圍食日本野...因為大圍有佢中意個間日本料理"木屋"~至於間野~的確幾好味!老婆仔無介紹錯~

到最後,食飽飽聊天時,當佢以為我呢個大頭蝦連情人節禮物都無買比佢時~我先送前幾日買嘅頸鏈比佢~~~嚇死佢呢!呵呵呵!

之後,我就送佢番屋企lu~~~情人節就如此簡單渡過!

今日下學期第一日返學~7點鐘就起左身,不過唔係因為返甘早~而係約左大鼻問佢借袋用~呵呵呵!

期後,就番太子搵子華,傑仔食早餐!食完之後,我地就陪傑仔剪頭髮~有錢仔呢!!!

剪完之後,我地就行返學校,第一堂英文~無咩特別,不過之後中文就勁囉~個光頭佬幾串,真係要小心d~過後二堂人際都好易過~~~

放學後~我地成班fd就去左陪彬彬買波鞋!一買就買左成半個鐘...不過都有收穫~就係見到個靚女店員~正!!!

之後我同文龍因為明天一樣約左人睇戲~所以就一齊去左百老匯買戲飛~明天睇戲呢!!!其後我地就去左食吉野家,再去金雞打兩鋪機就走人lu~

嘩...今日瞓到成1:00...好懶瞓呀~~~起身後,第一件事就係去煮早餐食,有肉有蛋~好耐無甘專心整一個美味早餐囉~正!

食完野之後,我就睇下雜誌,上下網~唔覺唔覺等到3點就洗頭去耀安~因為約左包包耀安等~比野佢~

比完野包包後,我就回家搵老媽子,一齊去大快活食下午茶~~~食完之後,我就回pizza hut放低對返工鞋,因為放係屋企好礙地方~

其後,我就自己一個行千色店買禮物比百力~行左成個鐘後,終於決定買條頸鏈比佢~好靚嫁!!!

之後都係回家吃飯睇電視,無咩特別lu~~

今日雖然係星期日,但係我無番教會~因為答應左阿星幫佢攞書上深圳,因為佢新年要自己一個番鄉下,但又要帶書番去溫...所以我就做左半途上嘅書童~

就係甘,今日9點鐘就比佢叫醒~之後去左M記食早餐~

食完早餐後,我地就一袋二袋書向深圳進法!!!本來我甘大個仔,隨左同阿爸阿媽外,未試過獨自出港!加上對深圳一向有反感...所以都有小小不安...不過見同阿星佢甘好朋友,所以先答應佢幫佢攞書...我最驚就係到左深圳唔識番香港...

幸好,一路上都好順利,到達深圳後我地都好快搵到直通巴士~送左佢上車,任務完成!!!其後,最大問題就係點回程~不過比我想像中容易簡單~呵呵!

回到家後,我就煮左個麵食~等到下午4點就去返工!本來我今日放九半嫁!不過見無咩野做,所以答應左放12點~最重要做得開心呀ma!!!不過其間最衰我貪食...食左個pizza,牙肉又浮起左...好痛呀...!!!呢樣都算~今日仲要倒垃圾時,垃圾袋串左...流哂d野出黎...做死人...唉~算啦!明天會更好~

今日一起身就要番教會lu~因為時間只是剛剛好~

上車後不久~大鼻電話就黎到,最後佢都係選擇自己去先...不過無所謂~

到教會後,今日帶詩嘅係虔虔~選歌都唔錯,都係d好聽詩歌!!!之後信息時間就係Tam tam帶領,今日信息並唔係聽道查經~而係玩遊戲~呢個遊戲係要我地三分鐘內解決一個過河問題~至於點玩我就唔多講lu,總知最後教導我們"一個也不能少"!!!(唔係戲名呀...)隨了自己得救信主外,必定要努力傳福音!使家人朋友都要得救!!!呵呵,我會努力嫁啦!

聚會過後,大部份熟悉嘅弟兄姊妹都要交通(交流,通訊~唔好誤會=.=)~所以無人食下午茶...好自然,我同大鼻就去左機鋪打機!!!

大約一小時後~之滔打電話比我,同別一個姊妹(唔識打佢名^^")一齊搵我地~因為之滔要去沙田~至於位姊妹就要去攞野,順路呢~其間,有人突然彈出一句肚餓~我地就去左"大家姐"呢間餐廳食下午茶!!!好味!

食完之後,我地就各散東西,得我同之滔同車~但最後到轉車站都要各行各路(之滔!!!I love you!!!)~~~

回到家後,無咩胃口...(因為食左野...)之後睇"爭霸"大結局!!!正呀!!!其後玩電腦,又比阿星搵我水魚幫佢印野...到左11點仲要到佢樓下交比佢...見你幾分美色(打呢句個良心極痛>3<)...又有得飲益力多,就順下佢意~順便吹下水!

到佢樓下~見到佢個新髮型...哈哈哈哈哈!!!!!!!!!!!!!!賓碗一隻~呵呵!!!之後我地傾左一陣計~到左落雨我就回家lu~

回家後睇埋火影先瞓~正^o^"

一日如此結束囉!