難得今日星期一,唔駛番學~所以好好訓一番,大約1:00先起床!

一起身無耐,阿星就打電話比我,約我下午去搵佢同包包食下午荼,不過約左佢地3:30恆安大家樂等,所以仲有一大段時間無野做,突然記起阿茵叫我幫手打篇文,所以就把握時間,用左大約一個鐘就打完lu~~呵!

之後就諗住提早出門口,去一去pizza hut還番d錢比經理(因為昨天番工送外賣時,借左錢用黎做找續),之後再諗住去育才同mak mak,芝姐吹下水,等到夠鐘先去大家樂搵阿星佢地~~~點知番到育才,個死人校工唔比我上去.....為有去大家樂坐低慢慢等阿星同包包.....就因為甘...我一個人坐左成半個鐘佢二個先到~之後包包話要減肥唔食野...我就同阿星每人叫左個餐食,間仲見到阿月黎食野,不過佢係同阿爸阿媽一齊,所以無過去叫佢,只係電話到call 左佢一call,佢個傻妹就望住我笑~~~

食完之後,我地就去左新港城睇銀包~因為包包想買新銀包呢!不過行千色店時有d火呀~!售貨員d表現好差!不過我唔同佢地一般見識!!!其後再同佢地去左馬鞍山廣場,個度開左間新模型鋪呀!!!好開心呀!仲幾大間下tim!!!之後我地入去睇左一陣,之後就出去扭左幾隻蛋,估唔到阿星女仔人家中意龍珠!之後佢想扭隻bb版悟空,點知唔中,我一幫佢,就扭到佢想要o既蛋lu~~~之後離開時,眼見前面有個女仔好熟面口~~之後睇真d原來佢係小學坐我旁的一個同學,小時好熟嫁!仲請過我去佢生日會tim嫁!!!之後我同佢傾左一陣計,就交換電話lu~~~之後呢,再同包包去坐車,然後就送阿星番屋企~

送完阿星之後,我本來諗住去剪頭髮~點知去開間剪髮鋪關左,所以就回家lu~~

今日首先要7:00起床!因為要參加崇拜!!!崇拜過後,都成11:00 lu~~大家都好肚餓,所以就去左食早餐,食完之後,今日話題竟是.......見鬼~基督徒一向都唔多提呢方面d野...因為同魔鬼好有關連~不過我都係壞壞,傾左好耐~~(大鼻今晚唔駛訓~~)

過後,就同大鼻,虔虔,豬B去打機~~~不過都玩左1個鐘左右就走~因為佢地要溫書,我地要番工!

由於我今日番4:00,所以我番左屋企先~休息左一陣就去pizza hut做野lu!!!

番到pizza hut,今日好開心,因為玩住過o既工作時間係過得特別快,加上又有新人比我教,佢又做得野,又肯學,所以做得好舒服~其間又偷食左唔少野~又可以送外賣,好快就放工lu~走前諗住幫新人起擋啦~點知比人話我甘好心做咩.....真係好人難做~~~之後就同阿星一齊放工~因為我地夾時間的~

放工之後,我就同阿星去買冷麵食,順便又去公園食風再吹水~唔經唔覺吹左2個鐘就回家lu~~之後就洗白白再覺覺豬!

今日本來呢就諗住10:00起身做Tam tam比我o既練習o既~~但係我太懶床了...懶懶下床11:30先起到身~仲要係比電話嘈醒.....呢到都要多謝阿月你個衰妹.....之後我就極速梳洗同食早餐~之後做埋昨天份會計,因為唔做的話~Tam tam會殺左我嫁呢~~大約1:30~我就出門口,向教會進發~~~

番到教會會所~聚會剛剛開始,仲同到我o既小羊朋友:阿龜~一齊坐tim~~因為佢係教會新朋友,而我就係教會青少年中,負責照顧新朋友的小牧人之一~所以能同佢一齊坐真係好開心~~佢仲無怕羞,好快就同我熟絡左tim~其後今日玩聚會中一些遊戲和答一些問題中,得知自己原來係一個外向and靠直覺行事o既人~一d都唔意外呢!因為我自己都好認同!!!

聚會後,我地就如常好似平時甘去左M記食T~~不過今次就多左龜仔~因為係我叫佢一齊去~大家仲傾得好開心tim!!!食完之後因為大鼻要番工,所以我就自己一個去左打機,不過一陣就回家lu~因為經過昨天乖左^~^"

之後就回家食飯~好難得全家齊人食飯,因為自從家姐番工後,都成日開OT~晚飯過後,我就上網睇漫畫,一日如此度過~~~

今日~8:00起床...為咩?咪又係打機.....因為約左文龍10:00去銀座打番幾鋪!點知佢條友仔唔知醒,成10:30先到~不過見佢昨天比人偷電話,原諒佢啦,之後同佢一玩就玩到11點幾~其間小彬同阿傑都有黎~仲玩左鋪渣古槍game tim~~之後走時先發現班長仲未到~之後個個睇電話先發覺佢打過哂比我地~當我地覆佢時,先知原來佢唔識來銀座去左好旺角......我地為有去搵搵佢~再陪佢玩番幾鋪...點知我同文龍一落場...就連win 6鋪=.=所以走時都幾趕~之後大家去左買M記番學校食~

番到學校,第一堂數學變商業,因為我無書...所以我無聽...掛住玩~~~之後二堂英文考試,我用左半堂時間就做哂份卷lu...之後出左去行街街~4:00先番去!之後最後二堂會計,傑仔唔係到...無人教我會計~所以都係無聽書.....途中仲比miss話我今日番學都唔知為咩...(的確無罵錯)

放學後,同成班友仔前往地鐵站~~佢地就去行街~我就坐地鐵去荃灣,因為約左Tim tim番會所~~佢幫我補會計!!!其間仲同佢and佢阿妹宛豬去左食晚飯~好耐無同Tim tim食飯呢!!!之後再番會所補到10:00就走lu~~身為Tim tim身邊第一大弟子,我當然要送佢坐車啦~順便等車時傾計~~不過就不段比佢話我學壞左~變左!!!不過Tim tim,你放心啦!!!我會乖嫁啦~!!!因為有你呢個甘錫我o既大姐姐!!!!!!!

今日無論番學回家都係睇漫畫~睇睇睇...無做過其他事.....

去到晚上同阿月傾左一陣電話~阿月呀!甘怕羞,唔似你啵!不過你要守諾言呀!!!如果唔係你隻毛神神就.......呵呵呵~