今日係2006年12月31日,除夕夜就係今晚啦!!!過往除夕我都好遲先起身,因為個晚實通頂~不過今年就唔同~~因為今日係主日~!要崇拜呀!!!不過今日我竟然唔知醒!!!不過好彩都趕到下半堂o既信息聚會~~平時信息聚會後,我會跟大家一齊去食早餐~不過今日唔同...因為我同豬B都未受浸~要去聽受浸聚會,雖然我都有小小心動想受浸...但係總係好似差小小信心...都係考慮多幾日好,聚會後,其他弟兄姊妹一早食完野番哂屋企lu~所以得我同豬B二個去食車仔麵~去食之前,因為同肥肥人一齊落樓~得知佢約左mak mak~~所以我同豬B專登陪肥肥人一齊等mak mak,等我可以見下佢~佢黎到之後,佢今日真係著得好靚呀!!!不過佢地好趕時間~~無咩點傾計~~之後就同豬B去左食野~~食完之後,就陪豬B去坐車,隨後再去搵大鼻~~因為佢已經係機鋪等緊我~

到左機鋪後,唔只有大鼻,仲有鄭偉同良哥~~我地打左起碼2個鐘機~我就自己一個走先~因為百力約左我去沙田食下午茶~~

到左沙田~都大約5點,我就同百力去左間西式餐廳食左個T~~食完之後,吹左好耐水,不過後來見甘多人等位,唔好意思要人等~~就同佢沙田周圍行~~睇左好多公仔(好似佢呢~~呵呵),行完街之後~我地就坐86k番屋企~~當我送左佢番屋企之後~諗住再坐馬鐵番屋企~點知馬鐵到比我撞到月兒,之後係佢後面一嚇~~嚇鬼死佢呢~~呵呵!!!之後吹左陣水就各散東西lu~~因為佢都約左朋友~~

番到屋企,呆左2個鐘,等到10點鐘就出門口~因為約左阿星接佢放工~不過主要都係攞野~點知我係M記等等下佢比我撞到老餅同阿moon二個食野~之後又同佢地2個傾左陣計,等到阿星到我就走lu~~之後大約11點,我就坐87D出去搵番大鼻倒數~

到左尖咀~搵到大鼻同肥得二個無耐,就插入人群~~之後一到0:00分~~好!!!散水,去睇戲~~~(真快呢~)

之後我地就去旺角百老匯,因為我地買左戲票睇007~~唔錯呀~好好睇呀!!!!不過可惜其間好日都唔搵我一次o既大妹同芳芳都分別打比我話出黎飲杯野~由於睇緊戲,出唔到呀~sorry呀!

睇完戲~我地三個就去左食宵野,食完就送肥得去坐車~~因為佢唔想通頂~~之後我同大鼻就去左打機~~打到5點就回家訓覺lu~~~~~

今日係星期六~~由於我係小牧人計劃成員之一!所以,我要比平時早番教會~不過我懶床關係,所以遲左小小出門口,不過本來只係遲小小~~點知等埋大鼻個衰仔就變左遲多多.....攪到我地2個入教會時個個望住哂.....

今日聚會內容為著新來信徒而設~~所以阿星唔黎真係有小小可惜........聚會完畢後,我同大鼻,之滔同張靜就去左M記食野~~其後肥肥人都有黎~~不過我無耐就走左lu~~因為我要番工~~

番到pizza hut~見番好多好耐無見o既同事~~好開心呀!!!之後就做番我好耐無做o既水吧!!!我那是pizza hut水吧小王子呀!!!可能我耐無番~~個個都就住我~無比人罵過~仲偷食左好多野~~不過中途做做下野有人係我到打爆玻璃......好彩大家都無事~~不過我d料就唔要得.........不過算啦,佢都唔想,最緊要無人受傷~~

放工之後~可能太耐無做~~累死人............之後回家訓覺lu.............

今日~我又訓到成2點鐘...可能我d生活真係太休閒.....不過今日好d唔同~因為成間屋1個人都無~得我一個,所以我好自然甘一個人,播住歌,睇時常雜誌~時間過得好慢,不過一d都唔難受,還算係一種享受...但往往呢d環境總會回想過去................更會想著人................................人地話工作能忘記一齊~~運動都算一個唔錯選擇~~

出一身汗,再浸個熱水澡~~真係人生一大享受~~期後,都只係上上網,食食飯,講講電話...一個唔知係休閒還是無聊o既一天~就甘過去~~

今日成日都煲碟碟...期間都有同老媽子食下午餐同晚上玩左陣QQ~~之後咩都無發生lu~~

今日好得閒...不過又無溫書.....2點鐘起身,無無聊聊睇碟~~睇到阿媽收台就同佢落街食下午茶~~之後番屋企睇電視。

一睇就睇到食晚飯...食完之後~阿媽就叫我陪老豆去健康院清傷口~之後就同老豆兩父子無無聊聊邊吹水邊出發~陪佢洗完傷口後~我地就番屋企睇電視.....

等到11點,我就換衫去pizza hut搵阿星,順便還番d衫比pizza hut~~點知佢今日早放,打比佢又唔通,我就落去約m記睇下見唔見佢,因為約左佢個到等~點知個傻妹真係去左個到~~隨後就同佢到我樓下食糖水~之後再到公園吹左陣水,就番屋企~~~途中仲比我撞到小學同我打架o既同學~我主動同佢打招呼~之後仲傾左陣計~從此我一個仇人都無lu~~