今日放假~~聽鄭偉講~seed destiny出左ps版,所以起左身就去佢屋企試機~~正!!!

就係甘~玩左成日,期後就陪大鼻去食飯~因為佢要番工,我唔駛~所以我番屋企先食~~之後送完佢塔車就回家~

番到馬鞍山~首先去攞相先~因為昨天曬左~未攞~~~之後番到屋企,又係平平凡凡甘過~~

今日番學好開心呀!!!因為大家熟左,好多野講~放學都一齊走~期後仲一齊行街tim!!!不過人地就一對對~我自己就同幾個男仔就無伴~~好似電燈甘......不過算啦~我要努力捱埋呢個學期!!!

行完街之後~我就番屋企~其間去左曬相~不過要明天先有得攞................之後就食晚飯~一日就甘簡單過左lu~

今日係星期一~~都係唔駛番學,所以好舒服甘訓到1點有多~之後食左個M記早餐就入房溫左陣書,大約3點就開始換衫洗頭準備出荃灣~~因為今日約左肥肥人同大鼻食晚飯~~

到左荃灣~~先得5點,由於我地約左7點,所以我行左陣街街同打左陣機~~好快就到7點lu~~我好準時~例牌第一個到.....大鼻遲左10分鐘~肥肥人仲勁....15分鐘=.=

之後我地去左間好特別o既餐廳食飯,細細間~人小小~最好就係慢慢食,吹吹水!!!之後我地一路食,一路傾,唔覺唔覺就到10點幾~~無計啦!我地三帥徒好感情呀ma!!!之後我同大鼻就送肥肥人去坐車~之後就當然一齊去打機啦!!!最佳拍擋~~無對手!

之後成12點先走~~番到屋企,都成1點lu........

<---我個樣好殘/ o \

今日係集合主日呀~~所以6:30就起左身囉!!!之後到左大圍火車站等埋大鼻出發~

到左教會~本來諗住上上層.....不過因為夠位....所以都係變左坐下層.....期間我都好專心甘唱詩歌同聽道嫁!!!!!完左之後~就同大鼻二個去左食早餐,之後去左金星打機~~今日狀態大好!爆左2次機~之後大鼻明知遲到都繼續玩~~

玩完之後~就陪大鼻到沙田~佢就番工,我就行街~~行左陣就番屋企......悶呀....................

番到屋企後~就睇番昨天d錄影帶~之後就玩電腦,直到開飯~~~食完飯,同阿爸阿媽行街街~番到黎就同兄弟豬傾電話教佢數~~傾到11點到就收線訓覺lu~~

今日~係12月2日,肥肥人,大鼻,生日快樂!!!!!!!

今早一起身~好靜呀!因為阿媽無係屋企打馬吊,我起身就立刻食個早餐換衫番教會~~出門前,當然要攞昨晚準備得辛辛苦苦給肥肥人o既生日禮物~

番到教會~就立刻見到肥肥人,立刻前往講句生日快樂,之後送上生日禮物~佢收到好開心呀!!!之後就準備聚會~~~今日聚會題目係"個人怖道",由於怖道會將近~我地自己都要有所佩合,先有機會使更又朋友得救信主~所以今日教道我們,如何把福音更容易傳到朋友耳邊~~~希望日後...我真係可以帶到更多朋友到教會,知道生命真意~~

聚會過後~我同肥肥人傾左一陣,就同鄭偉二個去左打機...之後差唔多6點就番沙田搵大鼻佢地~~打邊爐興祝大鼻生日!

到左沙田~我地又再係新機地打住機甘等人齊~等到大約8點半就出發到麗都酒店打邊爐~~今日出席o既人有:我,大鼻,矮仔,阿希,威威,肥峰,毛軒,阿潘,阿佳,肥肥同劉巧~~不過等位都等左幾耐~~要成個鐘,我地9點半先入到去,最慘就係今日d食物真係黎得好慢....個個都等到唔耐煩~d食物每次一到就比人好快甘清哂~有小小似餓狼...之後食到成11點半先走~~當我同肥肥,阿佳準備坐的士走時~突然發現左miss mak同miss tam(肥肥人)都係巴士站等巴士(因為班師兄搶先一步約左肥肥人今日食飯,所以係沙田出現,不過甘都撞到,真係有緣)~~我地立刻上前打招呼~~再吹左陣水~就坐的士回家lu~~番到屋企都成12點半,再洗白白,讀經就覺覺豬啦!