今日第一堂唔駛上~正因為甘,傑仔,子華同大家姐就約左我去食午餐!!!不過今次食貴野呀!!!意粉屋...甘就$40蚊一餐lu.....

回到學校,因為快要考試,上堂都無咩點教新野,所以大部份時間同文龍,彬彬佢地玩大D~~好快就放學啦!!!之後就成班人去左行MK...不過成日行...都行得有小小悶~大約7點就散水返屋企~~~

返到屋企食個飯之後~就收到阿邦電話call我落去食糖水~不過出門口前就同老豆有少少吵鬧...不過我都唔多理會...加上佢都係為我好~唔想我出甘多夜街~

落左街~先知道原來隨左阿邦同阿鍇之外,矮仔同阿希都有黎!之後5個人合共食左百幾蚊野,吹左2個鐘水~~~走前發生左少少小插曲...就係我打爛左隻碗!!!好彩老板唔駛我陪...

回到家諗住可以瞓啦~點知阿星又瞓唔著搵人陪.....就係甘~同佢傾電話傾到唔知幾點...好夜好夜...我先有機會爬上床

今日只可用兩個單字詞形容:"瞓" ..."食"...

今日瞓瞓下...一個電話就吵醒我~個位就係阿妹月兒!!!個陣先記起我約左佢食飯...之後求求其其梳洗下就去左接佢,之後同佢仲有佢一位同學3個就去左酒家食學生餐(酒家都有學生餐.....?),其後就陪佢地行返學校(如果唔係住得近?睬佢都傻=.=)~

同個傻妹聚完後,就回家諗住溫書~但最後...都係瞓.......

瞓醒後,上網睇左陣漫畫(海賊王^^")~就接到阿星電話,有人請食晚飯!當然賞面啦!!!不過唔知點解...攪攪下月兒都出左黎...星月雙伴!可惜一d都唔浪漫~而係感到同兩隻豬食飯!!!

食完之後,首先陪左阿星行返屋企,之後就再陪月兒回家,之後就任務完成!!!回家...繼續瞓~

今日係星期日!好好好~好開心呀!!!因為今日崇拜o既聚會我有開聲讚美呀!!!全靠主給我勇氣炸!!!

今早我好準時就起身番教會,係轉車站就撞到大鼻一齊出發,到左教會又見到志偉同之滔~4個一排坐,好開心呢!!!不過虔虔就慘啦!自己一個坐~鬼叫佢遲到咩~呵呵呵!

聚會完畢後,我地加埋豬B六個就去左食早餐~之後傾一陣計就出發打機!!!大約1點就走lu~~~

其後大鼻本來要去沙田番工,但後來又因為沙田間pizza hut唔夠薯角用,所以叫佢去我個pizza hut到攞~就係甘,佢就同我一齊入馬鞍山~~~當佢攞完薯角後,由於我未夠鐘番工~所以送左佢坐車,再回家瞓左個小睡,4點就出發返工lu!!!

今日如期好開心甘上班,可能同大家熟絡左,所以都過得好開心~不知不覺就到左9:30放工~之後等埋阿星就一齊放工~後來得知原來佢約左阿yan一齊飲野,所以我地就去左M記坐低發呆等佢~~~之後等到阿yan黎到就一齊到我家附近食糖水~其間再黎多位樓面同事~不過唔記得佢叫咩名~到左大約12點,我地就分別送兩位小姐回家lu~~

一日又如此過去~~~~~~~~~~

今日係星期六,本應我就要8點起身去尖咀參加福音聚會(為傳福音作準備)~可惜前一晚實在太夜瞓,所以最後攪到1點先起身,最後普通聚會都遲到.....

聚會過後,就同tam tam傾左一陣計~之後就趕番馬鞍山lu~因為今日要番工!!!

番到pizza hut,今日做做下野~有個小意外發生左!就係微波爐內裡有野著左火!!!嚇死人呢!!!好彩大家發現得早~只係部機唔可以左用~其後我又要送外賣,送去一個靚女屋企~~有靚女睇不特止,仲要比左$16蚊貼士我!!!靚女果然係唔同d!!!最後今日我要收尾,不過由於今日人少,加上多新人,攪到11:30先走得.......

放工後,因為約左阿星,所以到佢樓下等佢,誰不知原來佢煮左宵夜比我食~雖然係煮得唔係甘好睇,不過知道佢肯下廚都已經好開心~好好味呢!!!最後再傾下計,2點就回家lu~!

捱左成個星期~又到左最後一日番學lu~!爽呀!!!今日仲要得2堂數學,因為其他科目都完滿結束等考試~唔駛上lu,不過由於課堂時間有些小更改,所以今日早一個鐘番學~~~而我就因為無較鬧鐘...所以最後都係遲到收場~仲因為甘,攪到無測驗.....都因為甘,所以2堂變左得1堂...好快就上完lu!!!

放學之後~昨天大家都約左話一齊溫書~有成14人嫁!!!不過民以食為先~我地當然唔例外!!!所以一齊去左新都會廣場食餐飽先~~

食完之後,傑仔呢個壞孩子問我行街好唔好(其實都唔關佢事~我懶ja~)...最後我都受唔住引誘加入左行街團.....同班女同學道別(當中都有幾個男生...至於佢地係唔係溫書就唔知啦...)~我同傑仔,子華,小雲,阿源同阿傑去左旺角所以大大小小o既鋪頭睇衫~不過就無買野...因為都只係為新年睇定~行到大約6:00有多,我地就打幾鋪機就散水lu~~(阿源!!!你賽車輸左欠我支可樂!!!)

甘又過左個星期五lu~