都成一星期無打日記囉~因為呢個星期發生左唔少事,不過都唔提啦~由今日開始番

近日發覺,上堂o既日子愈黎愈好玩,好明顯!因為同同學們感情好左好多~~~就好似今日甘,平平常常,我地都可以因為昨天行街掃貨過新年o既關係,舉行左西裝大行動,所有男生一律今日要穿西裝+牛仔褲!!!係唔係好無聊呢???不過最緊要大家加埋成百幾歲都真係一齊顛~~最後都係個句,開心咪得囉!

放學之後,就同大鼻,肥峰一齊坐火車歸家~得知大鼻又輸錢lu~~可憐...不過佢好好人呀!!!唔用部手機借左比我!

回到家,本來諗住乖乖地留在家中~點知邦仔又叫我出黎食糖水,原本只係我樓下仔,攪攪下變左我,佢,肥肥仲有肥肥阿哥4個坐阿佳車出西貢食滿記......正!!!

之後,再飛車回家~都成00:30lu~~~

今朝好早起身呀!!!因為約左傑仔,文龍,子華,子傑,小雲,彬彬,班長~8個人去食早餐!好熱鬧呢!間日本野又幾平嫁!$30一碗拉麵加野飲~~~食完之後,我地準時番到學校上堂,不過英文堂悶死我.....好彩都仲有本雜誌,之後兩堂會計測驗~好快過~

放學又同文龍去打機~打完阿星就搵我食晚飯,不過我想陪下屋企人,所以同完家人食先再搵佢陪佢食~

當我回家食完飯後都8點幾~就去阿星樓下接佢~之後佢見我甘飽就話行陣街先食飯~一陣之後,我地就去左M記陪佢食野,因為佢話想換公仔(細路女...)之後就換左隻牛牛同隻豬豬比佢~食完之後,我地就去左公園坐(今日好多人放狗呀!)~~~點知我地傾傾下計落雨.....我地立刻衝左去d亭仔避雨~其後等到停雨就回家lu~

今日我好乖呀!!!數學堂好專心甘上堂!!!可惜電腦無得上網.......

放學就去左太子城打左陣機,打完之後就接到阿星電話,話要借我相機用~之後就同佢傾住電話番屋企,放低書包就去搵佢,順便食餐飯~原本佢就想食M記o既~~不過佢見到我表情之後就好醒目甘知道我唔想食熱氣野~~所以最後我地去左美食廣場食飯,叫左兩個餸呢~~好味!!!

之後本來想去烏溪沙坐下嫁!點知落雨.......所以最後行左陣無野行o既新港城就去左飲野~~~飲到大約12:00就走lu~~之後再去公園蜜蜜針。針到大約2點就送佢番屋企lu~~~

今日星期三~本來就以為今日會平平無奇甘過去啦~~點知電腦堂又有人打電話比我搵我食飯啵!邊個?咪又係阿妹小月=.=

就因為甘~我索性搵埋矮仔問佢食唔食飯~因為佢一向都話想識我呀妹,今次大好機會,當然比佢上啦!!!(但奇實主要原因就搵佢還錢)就係甘,約左佢地8:30大家樂等,之後我就諗住回家放低個袋去剪頭髮~點知阿星又打比我,問我有咩做...之後比佢得知我今晚食飯~佢又話要黎.....就係甘~食飯就變左4個人~~之後諗住剪完頭髮先接阿星啦~~誰不知今日又無得剪.....所以早左成個鐘到左大家樂...不過好彩阿星提早落黎陪我傾計~~

到左8:30,阿月同矮仔都分別到左~~不過佢二個就鬼甘怕羞...好怪呢~~~食完之後,我地兩個送番佢地回家就到下個節目~~~

下個節目就係去搵阿邦同阿佳食糖水,之後淫達同楊大哥都前來~6個傻佬一食就食左個幾鐘,有講有笑~仲笑到職員叫我到細聲d........大約11:30我地就分別回家lu~~

今日好難頂...英文悶悶悶,普通話都係悶悶悶,人際就做報告,所以都係悶.....好彩放學都有得同文龍佢地去太子城打左陣機~之後就坐車番馬鞍山~諗住今日剪髮,點知師傅無番~又要等明天lu~~

今日就甘過去lu~~~