今日係賣旗日，雖然賣得唔算多，不過我覺得好好好玩，由8：00賣到11：30(係長沙灣地鐵站A1出口)，之後係美孚站交旗袋，跟住我、藍莓、美美媽、a wing、yoyo同佢個朋友一齊去食┌麥當當┘，之後我、藍莓、美美媽同a wing一齊搭81K去a wing屋企溫書，藍莓要返交安，so得返我地三個，我地就諗住睇→小孩不笨2←(碟)，其實之前已經睇過，我同藍莓仲睇到喊添，估唔到今次再睇，我都會喊左出黎，原來a wing好變態，佢話唔知點解見到人喊佢就好想笑出黎，唉~我算唔算眼淺呢??之後林生就係3：00到a wing屋企留下，我地諗住租碟睇→愛上屍新娘←，ok恐怖，不過都幾好睇，因為由小方主演...點知我地就今日掛住睇碟，而冇嘜點溫習，不過我阿媽竟然肯俾我係a wing屋企食飯，今次都係第一次佢肯俾我去朋友屋企食飯的，我好開心呀!!今日都玩得好開心，不過我地玩『誠實與大膽』時，其中抽到我時，我就選誠實，佢地問我宜家鐘意：林峰、許樂定袁袁，我......竟然要諗一陣先敢答，不過最後我都答左係袁袁，原來我自己都唔係太清楚，唉~不過宜家我諗得好清楚，我都係唔會放棄袁袁...之後我地7：45分就各自回家了。