今日係jin同維尼生日!!生日快樂喇!

為咗慶祝佢地生日,我地出咗去食嘢,

去咗食日本嘢,点知叫得太多,食唔曬

添(認真折墮...),埋單每人都係八十幾,

都幾抵,可惜小女貧困,怪就怪佢揀正7

月生日啦,食完嘢,去咗行街,行咗一陣

己經唔想行,諗住揾家cafe坐吓,点知

成個元朗禁大連間星巴克都冇,好心就

開番間啦,所以我地去咗KEC hea,果

度d蘋果汁超難飲,hea咗一陣,媽媽打

梨話見到葵芬有kat-tun d 碟賣,所以

我走先,衣個時侯梗係要仆出葵芬啦!

於是我塔輕鐵去轉西鐵,喺荃彎西落咗

車之後,我又再次成功地蕩失路喇...好

彩遇到個好心司機,肯車番我落葵芬,

去到目的地,我又奉獻咗百七俾kat-tun,

唉....之後撞到姨姨,話一齊番婆婆度

食飯,佢話我條裙短,婆婆會唔鐘意喎...

大佬...我條裙膝頭對上少少炸...搞到我

又要臨時買多條legging囉....又破費喇...

夜晚番到屋企煲碟,点知三隻碟都勁"蛭",

好似睇截圖禁,我頂,我電腦down仲清過

佢啊!所以我決定聽日出過去同佢理論,

賠錢啊!!!