尋晚去左打波，勁多人，我都未試過晚上同禁多f.4 GE人打波，同啊毅d FRIEND打就多。原本我都想同佢地打，不過應承左倫敦先。去到球場，開頭唔係好多人，不過就越黎越多，rosan同lucy都黎左。同boot神,MVP一隊，真係球皮都冇得掂，同兩個得分王一齊打波真冇隱。後來啊毅同幾個fd黎左，見兩個女仔坐仲多過打波，就拉左lucy，一打就打到熄燈。

原本今朝唔想去練跑，但石江又打電話黎，同我唔爸講我要練跑，搞到我唔爸係咁叫我去，仲係咁鬧我！！又話我打波打到禁夜，有時自己都去練跑，跟學校ge就唔去！冇狀態去到都冇意思。去到運動場，加埋我同啊毅都係得三個人，行上城門又唔敢入屋。跟住跑果時，啊毅又話有D事，我同佢就跑到半路折回，原本跑十K，依家就跑得六K，仲要教練以為我地有事，跑左8K，再折回，調翻轉頭搵我地，佢今日狀態唔好，隻腳仲有傷，為左搵我跑左十六K，真係有D唔好意思！以後都係少D夜晚出街。