今日..我終於都能夠面對現實...打返日記啦...

係上個星期三ge早上...突然收到一個電話...

"你公公唔係度啦...!!"呢個消息真係令我即刻呆左..

我係度不斷咁唸...點解會咁嫁..?!點解我冇傳過福音比佢...

點解我唔多d返去同佢傾計...冇啦...點好呀...頂唔順之下..

我打左比肥然...我唸哥時一定嚇親肥然...因為我一打去..

我就忍唔住係咁喊係咁喊...我覺得我跟本冇可能收到聲...

我不斷咁怪自己...我後悔啦...我真係後悔啦...跟住...

媽咪打黎..叫我去接個妹返黎屋企...我收乾我ge眼淚...

即刻去接我阿妹...返到黎見到爸爸媽咪..我真係好想問...

究竟發生咩事...點解公公會離開...但係我唔敢問...

但係一返到去大陸...我ge問號都變左"........"

我冇言了...點解...公公要咁傻...要自己選擇離開哩個世界...

我仲有好多野未同你講...我仲未親口同你講...我考到大學啦..

我仲未同你傳福音咋...公公ge離去..令到每一個人都打撃好大..

個個ge心裡面都係度怪責自己...不過呢一個已經係事實...

我強忍住我ge眼淚...因為我屋企人仲需要我去安慰...

我不斷咁祈禱...不斷咁祈禱...到左夜晚我真係好攰...

我陪我三個表妹去訓...因為佢地係親眼見到公公ge離開...

對佢地影響真係好大...我訓左一陣...我就醒左啦...醒哥時..

我真係覺得自己仲發緊夢...我怕...我好唔安心...我接受唔到呢個事實..

我走返去守夜ge地方...望住公公...哥時我真係好想同佢講"唔好玩啦..

快d起身啦..."到左朝早...我地要送佢走...係放佢入棺ge時候...

我ge淚水終於忍唔住...好似缺提咁...不停咁流...送到火葬場ge時候...

我都係收唔到聲...望住佢入火葬ge時候..喊得更加厲害...

我喊到腳軟啦...好采有人扶住..唔係我一定坐左係地下...

食完飯之後...我地就返左澳門...我終於明白咩叫做哭不出眼淚啦...

淚水流乾左...眼腫左...但係...係呢個世界上...我再見唔到公公了..

我再聽唔到佢把聲...但係我一定要面對現實...呢幾日..心情真係好差..

直到星期日下晝...我返左教會...弟兄姊妹為我祈禱...我閉住雙眼...

我見到公公同婆婆好開心咁對住我笑...我將我ge說話同左公公講..

佢ge笑容我一直都會記住係心裡面...呢個就係你比我ge最後ge祝福?

公公...我收到嫁啦...我會變得更堅強...我會永遠咁記住你比我最後ge笑容..

希望你可以開開心心咁係天上面同婆婆踏住婆婆最中意ge三輪車...

圍住天堂咁係咁走啦...我應承你...我會比心機咁係台灣讀書...

我愛你呀...公公...婆婆....!!!