2007 年 7 月 27 日  星期五

大福：「搵到咩咁開心呀？」
我：「我搵返隻味呀。」
大福：「咩味呀？」
我：「幸福味，甜甜地咁，食完會無乜力。」
大福：「咁得意？俾我試下呀。」
我：「唔俾呀，自己搵啦。」

謝謝你的承諾，感動的
與大福過渡 2007

下一回我唔叫你做大福
叫你做大豬好唔好

--------------

我考到車牌

今日真係開心
終於了左件心事，唔駛心掛掛。
路試同泊位都 pass 左

一考到牌就去左同大福食日本野慶祝，好大膽呀，今日食魚生呀。
成程笑到見牙唔見眼，真係開心到發左癲之後送左佢返工就返屋企。

由於幾晚都訓得唔好，一返到屋企就攤係梳化扮死屍。
真係心力交瘁呀考一個車牌，好彩考到。

 [ 編輯日誌 ] [ 分享至FACEBOOK ]

**********