我成日諗,

做prefect,

擇左一個識得既人個名,

佢應該會體諒我,明白我只係履行我既責任...

所以從來我都唔會為要擇朋友個名令佢唔開心既事而煩惱.

但到琴日至知,

原來唔係...

我承認我擇左一個朋友既名之後,

隔左一段時間先同佢講.

呢件事我唔係唔岩,對唔住,

但佢都唔應該話我冇同佢講

我有我證明,

佢有佢堅持,

搞到大家個關係好僵...

之後我選擇左逃避,

冇再跟進呢件事...

直至阿sir搵我,

叫我下次擇名要盡快通知佢

ok,我答應.

從此,

我開始反省,

我諗左好多野.

可能我既說話能力有障礙,講得唔清楚;

亦有可能佢唔記得左我通知過佢或根本冇留心聽我既說話...

我承認,

我近排捉得嚴左.

因為我要升做vice,

所以要表現得好d.

所以近排成日捉人打鐘後開locker-_-

我要向嗰d又要打鐘後開locker但又唔好彩俾我見到既朋友講聲,

對唔住.

唔好意思.

同埋如果一次過有咁多人打鐘後開locker,

我根本擇唔切,

只能見到邊個擇邊個.

不過其實我都係公事公辦,

請你地體諒.

見完阿sir,

番黎又俾人鬧我係19 prefect,

此時此刻,

我終於明白嗰種俾人奚落但不被人體諒既心情,

難道我執正黎做有錯咩??

難道你地打鐘後開locker,去廁所,抄功課,帶電話番學冇違反校規咩??

我宜家先領會到,

見到朋友做錯,

自己又唔知當睇唔到定糾正佢好.

呢一種既矛盾,

令我好疑惑,亦都好難做

我明白

要公平公正就要撇開一切私人感情.

跟住d人就會開始覺得不滿,認為你冇幫佢.然後想排斥你.少接近你...

諗到呢到,

我終於忍唔住,

喺上堂時對眼被淚水浸淫著...

要同人維持良好關係,

要同佢地保持溝通,

更重要既係,

要彼此瞭解

(其實有時我都覺得自己份人係有d怪怪地.

講野又有問題,

都唔知d人會點諗我,點講我呢?...:( )