今日去迪迪尼!琴晚好夜訓@.@差唔多3點先訓!

10點幾就比人嘈醒.....跟住去左食椰林閣.....之後諗住去迪迪尼......點知落大雨!

但daddy睇個天話好快就會停......所以就照去......

我地搭的士去......個的士司機係舅父既行家.....所以會平啲。

因為當時好眼訓......所以係的士到訓左一陣。zzzzzzzzz

去到迪迪尼......我地買入場券......嘩!我地一家四口都買左二千幾蚊!(因為今日係星期日,所以比平時貴)

我地一入場就去到美國市填大街.....果條街好令.....好有feel^^

我首先玩太空飛碟......好好玩呀!^^

跟住有米奇水花巡遊表演.....我地去睇....啲車冇啦啦噴水....搞到成身濕晒......

去到海盜世界果邊....見到著住海盜衫既米奇老鼠....我地同佢影相!佢超得意呀>.<

之後就去玩森林河流之旅......呢個超好玩!突然啲河馬張大口....個口勁大>口<

跟住去左泰山樹屋到睇下.....嘩!去到最上超涼呀.....本來好熱....但果到超涼....一個字----爽。

之後去左睇米奇幻想曲......帶上立體眼鏡.....真係好立體.....勁!

之後去左間買迪迪尼既紀念品店.....我同細佬都係買左T-shirt.....

細佬個件T-shirt同大東個件一模一樣......而我個件同亞綸、大東一樣....不過唔同色。

←我細佬果件T-shirt係同大東一樣

之後去左玩灰姑娘旋轉木馬.....轉呀轉....轉呀轉....好玩>.<

Next Station is瘋帽子旋轉杯....我地係咁轉中間果個輪盤。好快快快!

跟住我地諗住玩飛越太空山.....我細佬唔夠膽玩.....我地排左好耐......點知突然壞機.....搞到冇得玩=.=

迪迪尼果到啲野飲超貴......汽水$20@.....礦泉水$16@......水都$16>.<.....我冇野好講=.=

我地買左3枝汽水......都要$60........我地坐低飲野......6點半之後覺得實在太攰@.@

所以我地就叫舅父車我地返去......佢叫我地係好萊塢酒店門口等佢.....

但我地想走既時候....發現有動畫藝術教室.....所以我畫埋先走....(畫得好樣衰=.=)

跟住我地係咁搵下點搭巴士去好萊塢酒店(果啲巴士係免費,好快就會到好萊塢酒店)間酒店好令^^好想住返一晚@.@

之後去左食野......但因為實在太攰攰攰攰攰攰攰攰攰攰攰攰攰啦!所以好快就返屋企。

不過我覺得今日真係幾好玩呀!唔錯!唔錯!但唔知點解啲人成日話迪迪尼唔好玩......我就覺得ok啦!^^