呀 原來成年無上過黎
我都已經差d唔記得左呢到既存在
唔係有個傻仔突然話我知佢時不時上黎
我諗呢年內我都未必會記得原來我咁耐無為自己留低幾隻字
-
寫對上一篇既時候仲讀緊asso
驚緊 怕緊 對前路既茫然
到而家 我己經係policy既final student
好不容易跨過左自己心理關口
好不容易終於振作
果排真係down到我而家諗番轉頭都驚
而係最需要人支持既時候
前男友既不諒解 令我覺得更傷心
果排有既挫敗感其實從來無消失
只係收埋左係心底深處
偶爾一碰 眼淚仍然忍唔住
果兩年 大概係我做左廿年女黎講最努力最chur既兩年
挨左兩年 無換黎自己想要既野
得到既係開始不停病 keep住發下低燒
後悔嗎？
後悔冇報yr1？後悔努力時既各種失去？後悔到最後跌得好慘？
完全無..就假既
但仍然要多謝果兩年既林凱翹
無真正付出過 搏盡過 喊過 痛過
今日既我應該係絕對原諒唔到自己
係既 上唔番sowk可以有好多原因
但始終好難唔怪責自己既無能 唔夠最top既人爭
唔夠人叻 唯有條路行得長少少啦
yr3既時候 每日番學都問自己
「點解我會坐係呢個班房」
然後 沉澱左一年
開始繼續慢慢諗下自己有咩想做 想點做
答應了自己 不甘於平凡
要做個不一樣既社工 真正為世界帶來點不一樣
唔好放棄呀:')
-
呀..上面提到前男友
係呀 已經係"前"..
兩年既感情 終究都係結束了
一直以黎既不穩定同等待解釋左唔能夠開花結果既原因
畢竟深愛過 分開後既傷害當然大
分開後 keep住睇醫生 到而家都差唔多就一年
曾經最愛既迪士尼 維港 煙花 聖誕節
而家再次接觸 依然有種驚觸碰到傷口既感覺
人呢 總係失去後先懂得珍惜
信任同希望用盡既時候先開始改
會否一切都太遲
不長大 不成熟
唔係一句"我愛你"就足以維繫到一段感情
沒有將來既感情只好變成最美麗既回憶
多謝你曾經帶俾我咁多快樂既片段
你既低能白痴總係令我笑得好開心
無論幾時 我都會一直一直祝福
而我 學緊放鬆 控制好自己壓力同情緒
始終 心病還需心藥醫嘛
最後 謝謝你 陪伴左我過左成個大學生涯
兩年黎再多既唔開心 都應該要放低
我知道 好快有一日 你唔會再同我好似而家咁
唔會再做到熟悉既朋友 可以一齊講笑 做pj 努力
但係果日之前 希望 最後既回憶 依然係美好同難忘
pkh 快d長大 為你下一個幸福努力打拼.. :')
-
同一時間 我既生命裡面 多左位..
er,, 益力多老人haha
佢成日都話我唔記得我地之間既野
乜野第一次對話呀 傾計前已經見過兩次呀 行石春路呀
我真係完完全全無記憶 到左而家都覺得係咪作出黎-_-
記得既只有繞路行啦 flirt女啦 俾好人卡啦 整瘀我啦..B-)
其實 除左呢d..
最記得係我一句唔開心 佢拎住支益力多係樓下等我食完飯落黎
第一次 我因為呢個人而覺得好感動好感動
然後仲有除夕果晚 一個電話 佢上黎陪到我2點幾
當然仲有party night果晚 雖然兩次事發時佢都唔係我身邊
但最後都好在有佢出現保護
而且仲特登同人調黎陪我去照腸胃鏡
一個只會係男朋友面前先會喊既我
唔知幾時開始放低左戒心 開始倚賴 喊得愈黎愈多lol
由一開始佢話唔怕我同第個一齊 到後來話如果真係咁 佢會喊
係因為感情深了？經歷既多了？
岩岩開始既時候 我諗我欠呢個人太多對唔住
係佢陪我過左分開後最難挨既時間
同一時間我亦無認真理會同感受佢心底既感情
到後來自己情況慢慢ok d先稱得上認真對待
如此同時 亦發覺兩個人之間存在左好多差異同問題
溝通 解決同接受 過程總有太多不愉快
雖然 我對佢真係好多不滿lol
但 其實 我知佢真係對我好
所以 自己都有慢慢付出
我唔知道故事既結尾會係點
但益力多老人係我心裡面佔據左一席非常重要既位置
就算邊一日 所有野都同而家唔同晒
只要益力多老人有事 我依然會係第一個出黎撐佢既人
我有時好鐘意玩你 蝦你 扭你 兇你 但始終好多野都係心照
好多謝好多謝 你出現係我生命裡面:')
|
