今早係床到訓極都唔想醒，因為每次IN親都係失望多，
唔知點解今日好自然平常心去醫院IN，
因為依份工雖然係兼職，但工作完全以前未接觸過，請既機會唔大。
一出門口上唔到小巴，等左陣一路係車到都諗緊會唔會遲到架，架車開得咁慢架
（雖然無哂希望但都唔好遲到）
去到醫院，睇流水牌搵人力資源部，上左G樓望極都望唔到係邊，為有問人，
又咁岩有電話黎，打返去原來係醫院打黎，
好彩個時已經去到門口
入到去一口氣IN 左3個人，可能之前IN多左機構已習慣咁多人係面前，
一路IN一路傾左好多野，又問返以前返侍應既「難忘事」
唔知點解聽到就立刻諗起「世界杯」
個期係PIZZA HUT 返工，一有比賽Ｄ人就走哂去睇，一入BALL成個商場就好多人尖叫，
個期每日返去都興奮。
另外可能一個原因，個期鋪頭成日唔見左Ｄ坐椅，之後聽返老公講，其實係佢地攞左去，企係到睇直播。
依一事都算係一件同我老公其中一件「有緣」事，永遠都不會忘記。
見左3個字之後，心情OK仲返去買左雜誌返去睇，又訓左陣覺，
食完個午餐，就收到電話話請我，但就驗左身先∼
聽日去驗身，驗身報告出左後就簽約架啦∼！！
依份每日只係返４小時既兼職，雖然時間好短，但相信係一個好好既學習同體驗既機會，
唔係咁容易有既機會，工作同以前好唔同，全部都係要學，要快學快做，
希望我可以KEEP住學習心，努力做好，
３個月後有否繼做全職合約，就當平常心! 
有多份唔同既經驗，再儲下錢就可以去讀課程
2009-02-25 
