唉,今日運動會做服務好辛苦-口-".....
企足6粒鐘...好熱,又曬...搞到我曬到傷左...
塊面紅哂.....隻腳又累...手又痺...
緊係搭港鐵番屋企啦
我一直都冇位坐
到有個位個陣,我諗住行埋去坐下啦,點知有個呀叔(大約30幾歲啦)
同我爭位坐 \口/
唉...「香港人」......

某日港鐵
有個大肚婆入左黎, 個個乘客都扮睇佢唔到,
靜係得一個男士肯讓座咋...
呢位男士就叫榜樣啦!
(我見個位男士都大汗淋漓,身形略肥,著西裝)
[但係點解得一個肯讓座?自私問題?]
(d人實話:"你咪又係咁!" 我會話:"我搭港鐵個陣唔坐架..除左好累個陣咋!")

就算去旅行,我都未見過好似香港咁既奇景,
地鐵一開門,d人就係湧埋去,唔識理人感受既!!
香港話哂都叫「國際大都會」咁上下既野啦
點解d人完全冇文化?連個幾隻字:"請先讓乘客落車"呢幾隻字都唔識?
人地唔行出黎,你地點會入到去呀?
差在個一兩秒就冇哂秩序??

仲有......我唔明......點解d人可以咁唔衛生......
我有次搭小巴
有個陌生人坐我隔離...「挖鼻孔」..豈有此理!!
香港公民教育好差!
如果我去到一D較為有錢D既地方,例:九龍塘
呢到起碼少D「文盲」啦
有錢區人既素質高尚D?
我諗...我會答你:"係"
但係我唔會話某某階級人士就冇文化...
因為,可能有D人未接受過呢D教育啦~

但係咁樣落去,香港就唔係比旅客一個熱情感覺.....
係嘔心感覺... 或者唔會再黎探香港架啦.....
到時經濟唔好...咪又係影響返我地自己......
----------------------------------------------------------------------------------------------------------------
當我返到屋企個陣.......雙腳加雙手牌好痺-口-"..好似行都行唔到咁~__~"

下年我實參加壘球,鉛球....總知係咪都參加d野啦-__-"...
a__a廢事下年又服務得咁辛苦

@__@"正丫~聽日運動會啦a___a
又可以講鬼故嚇人kakaka a__a"~
可惜啦-__-聽日童軍要做服務...-口-""""""

好野a__a聽日唔駛返學...訓晏d lu~__~kaka

雖然話今日係生日..但係都唔會話特別開心..
諗深一層,其實生日,,都係一個日子姐...一樣係咁樣過
而且...所許既願望...亦未必能實現.....
我琴日都想今日落大雨..之後停課...點知今日咪又係要返學...
到底生日有咩特別??..呢個生日,在自己黎講,先會覺得特別
生日人人都有架啦...或者好多人都想生日中大獎..六合彩...
但係許完個願望之後,係咪真係可以中六合彩??
唔通大家都齊齊同一日中齊六合彩??
就算中左..派彩都可能分分分..分完都係得番1蚊
就算你話唔係同一日中獎,咁日日都有一個中獎,咁馬會咪執粒..?
呢d野..唔係話想就有..都要有運架..都要你肯落街買先有架.....
-----------------------------------------------------------------------------------------------------------
今日...上最後個堂通識三,
個堂唔係教歷史呀..世史呀..又咩新聞個d悶野黎既..~
係一堂~生命教育~幾好玩架...*0*
話說今日既個一堂係講「誠實,謊言」之類既野
咁我就諗起有個Friend,佢就成日周圍係網上發下姣咁既..
(例:我真係好掛住你,好愛你呀) 
[[↑ 之類咁嘔既野啦,(本人打個陣都有點手軟..都唔知點解佢可以發姣發到咁)]]
~~~~~~~~~~~~~↓~~咁我就諗番起老師同我地講個d野~~↓~~~~~~~~~~~~~
老師話:如果我見到有個學生同我講,老師,真係好鬼鍾意上你堂架姐!
           但係之後個學生見到第2個呀sir個陣,又講呢番話,
           咁你都會唔信佢講既野啦... ... ... ...
正如我個Friend一樣,佢成日咁樣講,我都好懷疑佢講既野.....
仲有佢對人忽冷忽熱咁..真係估佢唔到佢想點..呢種Friend..其實都幾難同佢相處..
但係,唔係真人Friend-w-"網上打機識架姐...

我個Friend就叫做呀A啦 (A=女)
我第2個Friend就叫做呀B啦(B=男)....
從前,我認識呀A同呀B,
而且呀A同呀B仲係有D唔知係唔係情侶既情侶關係...
佢地都幾次嗌過下交..
(↓大約係咁啦...Orz 本人記憶力衰退~對話有D係作,但係情節唔會錯...)
旁白係本人自己加落去-__-"~
(故事開頭通常都係咁發展..↓)

   B  :算啦,我地都唔岩傾 ......
   A   :嗯....
(旁白:嘩...唔係MA...仲要答"嗯..")
   B   :唉.....咁我地不如散啦
   A   : 唔好...
(旁白:佢地又嗌左一陣交,之後無啦啦..↓)
   A   : sor...係我錯
   B   :唔係...對唔住個個應該係我
(旁白:咦..而家拍戲......?!)
   B   :其實錯個個係我
   B   :我愛你
   A   :ME TOO...
(旁白:.....-___-"..真係咁講....不出我所料也~)
就咁樣,佢地就係咁就好返-__-"我當時都O哂咀..
事後..呀A同我講番..↓
   A   :其實個句ME TOO...我係想應佢上個一句..唔係"我愛你"個句
  我  :-_______-"......
   A   :呀B講野真係好KAI...有次佢問我"你食左飯未呀"?
  我   : -___- .......哦.......icic....
唉...咁當初好心就唔好咁講啦...呃左人地咁耐.....唉..呀B真係慘-__-".....
我都冇野好講.......(本身識佢好都似唔係咁...)
 

今日睇左20世紀少年啦-_____-"...
估唔到呢套戲真係唔好睇...
我成場都唔知佢係到講緊乜-___-"..
靜係見到d人噴血之後死左..
仲有個"騎呢"標誌-__-"....
睇到最尾..原黎仲有續集Orz.....

倒數1日生日~__~

a__a希望聽日紅雨..唔駛返學..-__-冇咩可能啦...
希望願望實現-口-"...
---------------------------------------------------------------------------------------
kaka,我有份生日禮物係隻豹公仔黎ge,
咁我就諗住嚇我隻貓啦....
咁我就用豹公仔隻手抓一抓貓...
之後我隻貓,真係以為個隻假豹係一隻真貓...
猛咁"奶"佢隻手...咁我咪扮下野..又搵假豹手抓下佢塊面啦..
最後玩下玩下...成隻假豹比呀貓"奶"到濕哂~____~""

-口-"......今日搞左個預祝生日ge生日party

燒烤先黎落雨-_-"唉...

咁我雖然係主角-_-但係好似呀四咁...主角唔似主角-__-"...
咁我唯有自閉係間房到啦..
之後我聽到電話響bow,咁我就問:邊個電話響呀?
咁冇人應...我就問多2次啦..之後都係冇人應
咁我把鬼火,心諗:算啦,唔鬼問,問完又冇人應,話知佢唔接電話啦
我就好大力咁"砰"埋道門
之後仲有人問我係咪訓左教.....-__-"... 唉...

我好似唔係透明架......