放假 ≠ 放暑假呀大佬-___-"......
又比咁多功課,當我地神手咩-口-""
週記 = 300字 +
剪報 = 300字 +
作文 = 400字/以上 +
英文workbook = 幾頁紙+
數學幾題數-_______-".....

靜係作文都攞我命-___-"...
(堂上作文個陣, 人地半堂時間作到一大半..我先作到...四份一-___-"...龜速..)

唉..... 我老豆,呀媽永遠都係搞到咁薑先收口,
唔係佢地兩個鬧交,係佢地兩個鬧我姐...

我一向對數學冇乜大興趣...
咁我呀sir琴日就派左張有關網上數學課程咁既野比我地啦...
佢叫我地同屋企人商量下參唔參加.
我返到去之後就同呀媽講呢張回條D野啦~
之後...
我:唔參加呀...
媽:參加啦! 對你好架姐...
(來來去去都差唔多係呢兩句啦...唔打出黎啦..)
跟住.. 我傾黎傾去都傾唔掂=___="...
我索性自己冒簽就算 ... 我都知咁係唔岩...
咁冇計啦... 佢逼我學- -"""
[我媽都話我學野半桶水.. 又成日話.. 你無心機早就唔好哂錢啦..]
咁我而家咪講左我唔參加LO-_____-"..... 又鬧....

我冒簽完之後. 媽話埋比老豆聽-_____-.....
唉..... 咁就大獲啦... 兩把口對住我黎鬧..... (我都慣哂)
我媽鬧我..
媽:咁你有咩想學呀?! 成日靜係半桶水哂錢
我:... (無野講)
媽: 唉, 咁委屈 不如咪讀書啦! 聽日咪返學啦你
我: 呢樣又關返學咩事呀??? 唔好拎埋黎講好冇?
之後老豆又鬧... 又鬧番我冒簽D野...
咁我就話: 我比你地簽,你地咪要我參加,冒簽姐MA,係唔係都要簽架啦,
                  話左商量,你地都唔係商量既! 不如我自己簽左佢好過啦,
                  我對數學冇興趣,咁我都無心機學呢樣架啦,而家講埋比你地聽,
                  你地又要鬧...
之後.. 呀媽又講唔掂數,
媽:唔得呀, 你唔參加就唔準打機!
我:姐係逼架姐..咁參加LO-___-"..
媽:而家參唔參加都唔準打機!
我:-_____-"咁唔參加 呢樣又關打機咩事呀 (我都唔知呢樣關打機咩事-__-")
佢地: 你靜係靜打機,仲有D咩呀? 沉迷哂啦
我: 我沉迷就唔返學啦,我沉迷默書就唔會有90分以上啦
呢句,佢地都口啞啞.... 之後話
佢地: 咁叻丫MA, 拎全級10名內比我睇呀!
我: -___-"...唉...算..咁不如參加啦..
(我心諗:都唔知關咩事... 咁樣逼法.. 不如一早參加好過 ... 好想訓呀-口-")

成日話我語氣唔好...
唉......係佢地鬧我,我先咁大聲架姐..
呀媽話: 你咪而為我好蝦就咁大聲又唔尊重我呀!
(呢個時候,我都無聲出啦-___-"..我的確係有既.. 咁唔通而家你鬧,你大聲過我,逼我參加我唔想參加既野,我又比你蝦咩-__-?)

我曾經幾次叫佢地: 唉..咁不如參加啦-___-"....而家唔好嘈啦好冇?訓啦不如... 好夜啦-___-".....
佢地又唔聽...-_____-".....唉... 我想平息下都唔得....... 硬係要鬧到我咁薑先收聲...
都唔知點和好先好..... (老豆就話易解決姐,因為佢成日鬧我, 呀媽唔係丫MA-__-)

唉....... 其實成件事 由琴晚晚上10:30搞到12:30先訓-___-"..
我語氣好D先肯聽下我既心聲,
我一語氣唔好D又話我駁嘴,其實咪又係個句野-__-"...

>w<
好野! 奧巴馬嬴左!!!
---------------------------------------------------------------------------------
好開心呀-w-".....
今日中文堂,老師派番份要我地重寫既作文,
佢話有d同學之前拎得40幾分,而家有大進步,比佢地破例,升到60幾分,
之後個D同學都係最多只可以進步5分!
我就係進步左5分呀><"... 個評語仲話我有好大進步!"~好開心-w-"

wakaka,好野!數學滿分50,我拎37-w-"都算有好大進步啦~_____~"
以前成日得20幾分咋-___-"~""

kaka" 所以今日係好開心既一日~ 好值得高興~!

0.0"
好快就到美國總統選舉啦!~
其實呢樣野都係能者居之架姐~___~"
唔知奧巴馬而家咁高勝算可唔可以嬴得到?!
雖然佢都有一半美國人既血統,
但係佢個樣始終都係黑人,
唔知美國人會唔會過到心理個關比黑人做總統呢@@?
(我都支持奧巴馬的~_____~")
-------------------------------------------------------------------------------
~______~人地話:"人生就像一場戲"
戲就姐係遊戲啦~"
我地而家玩緊個個遊戲就係競爭
~____~(競爭,好辛苦架)
讀書為左爭第一/知識 , 咁知識用黎做咩呢?
都係要爭,返工又係要同人爭~_____~"
唔知人生有冇第2個玩法,
但係又可以發揮到天賜既能力呢??

隔左幾日, 又上黎打下...

而家我越黎越發神經...
做數學簿做到計唔岩D野-_____-"...

好似有近視~口~
雖然,唔知點解我好想帶眼鏡,
但係一聽到人地話:我以前都想帶架,但係帶左你就發覺唔好架啦
呢句野-__-搞到我又唔係好想帶眼鏡,但係而家好似已經有近視...