今朝一起身望下個鐘....頂!!7點搭11返到去都遲到啦!!!!之後叫咗我呀媽幫我請假....不過佢只係幫我請半日

我12點7到返咗學校....又掉咗位,我今次坐泉泉隔黎....得個悶字!!!!好彩葉桌軒坐我隔黎行,都冇噤悶

但係好不幸我今日都係要留堂....都唔知咩事,英文我明明星期2留咗....個香蕉面今日又冇返,我成個朝早都冇返,冇理由要留堂

之後我好火....簡直係死得不明不白,放咗學都係要留堂....有奶媽陪我!!!!之後我就返咗團契....充講緊哩個年下年青人o既咩又咩噤,我都唔係好識講,我只係知道分咗幾組....一組係唔知,一組係訓導,一組係父母仲有一組係商人

今日5點幾先走,本來諗住去昌運食雞蛋仔....點知冇人陪我去,佢地又去打波....我本來以為自己要補習所以冇去,點知我呀媽同我講唔駛,我又返咗屋企唔想出去

之後我就o係屋企睇電視又聽下歌,7點幾我老豆返黎....8點幾佢又同我呀妹出咗去搵我呀媽食飯,8點9我自己煮咗個味千拉麵食同小籠包食

食到9點幾我老豆又叫咗我去溫書....佢去咗沖涼o既時候我走咗出黎打哩篇野,打打下佢沖完出咗黎....好彩佢冇鬧我

之後一路打一路同佢傾下計噤....如果佢唔係成鬼日迫我去溫書佢都冇咩野同佢都幾fd,佢一叫我溫書我就唔想同佢講野

打完我又要入返去溫書lu......不過我而家已經打完

完~~~