呢日係我同你分手後既第4日啦
我覺得我自己好冇用
唔開心就只係可以又煙又酒
我咩都做唔到
我連留住我自己愛既人都做唔到
我仲有咩用..
我成日番學都只係係到發白日夢
我而家係班上面開始孤癖起來
今日我地有一節課
課堂上要分組
miss強行將我地5個男生分開
各自去唔同既女生群
其餘4個男生都好快容入女生
而我..我完全唔想接觸其他女生

放左學就約我fd出黎煙煙酒酒
可能加埋我呢幾日都冇咩訓過
好辛苦..
但係我個心  依然痛
完全沒有一絲好轉
沒有一刻開心過

我地煙酒完
我陪佢去到機鋪門口
而我就去番工
點解又比我再次見到你..
你知唔知我幾難受
眼見你站在我面前
但係唔能夠抱你 拖你 攬你 鍚你
我 我個心真係痛得不能形容
我見你連同我say hi都咁唔願意
我都無謂多講啦
唯有加快腳步 快快離開你既視線
你既出現令我驚喜
又令我更失落
我要怎樣做先可以令你再讓我緊握你的手..
誰來告訴我!

呢日係我同你分手既第3天
好難受~
你可否回到我的身邊??
我求下你啦..
你說你的心空空如也
我說我想再次填補你的心
令你不再孤單..
我只求你可以再給我一段時間
令你再一次感動
我只係諗你對我講"好"
我都已經花上數小時的時間
你在做什麼哦?
我很想你哦!!
我今日番工..
不停咁受傷..
不停咁做錯野..
我將剛炸好的三文魚掉了到垃圾桶
比人狠狠咁鬧左一次
我都好似冇咩感覺..
我幻想你會係廚房門口探頭進來..
叫我老公..

係果一刻..
我好後悔點解我以前成日唔比你接觸我既心靈
我好後悔點解我以前成日唔肯打xanga
我真係好後悔..
到而家...我好想你再次接觸我既心靈
我願意 我願意交出我最真的一面
我唔想再掩飾我自己
我好痛呀真係
你番黎我身邊啦...好唔好呀>w<
我愛你呀..

呢日係我同你分開既第2天
我一醒來..
就接過媽的來電
我要從沙田趕去九龍公園睇我呀妹武術比賽
我唔知咁算唔算有病
我係搭車途中
我睇車窗外既事物都好似定格一樣
我感覺我既靈魂離開左我既身體
腦海只係我同你既回憶
不!
不單只我地既回憶..
仲有我地既將來..
淚水亦不停地流出來
我自己都無法阻止
停不了..

當我去到九龍公園
我見到好多小朋友
好多好努力既小朋友
我係佢地入面 搵到我既童年
我真係好想好想喊出黎
我見到我自己既身影係比賽場地入面
我舞著刀..不停跳躍..
我係個場入面 我再次控制唔到我既情緒
好難受..
我即刻離開左會場
係果一刻..
我好想有人明白我內心
我第一個想起高汶意
除左佢 我諗唔到仲有邊個可以明白我
我拎起手機
隻手..不自覺有點震
可能我又怕你從電話傳來的聲音
我最後都打左比你
同你講左我係會場既感覺
我個人即刻舒服番好多
我好想繼續傾
但係我知你唔想..
所以我都係收左線..
do u see? you're all i need...

點解?!
點解比我有機會可以見到你
呢日係我同你分手後既第1日
我既心真係傷得太重
我每分每秒都想辦法挽回你
當我知道你會去mk
我知我有機會可以再見到你
我心情好興奮
我不停咁諗我地再相擁既一刻
我不停咁諗你再一次對我說我愛你
我停止唔到我既思想
我一早set好自己個頭
打扮好..等到岩既時間先去mk
想撞下你.
我之後搭車去mk果陣諗
我覺得你都係唔會再想見到我
但係我真係好想見你
想你想得快死啦
所以我打比你
問你會幾時走
我只係想係地鐵站遠遠偷看你一眼
看完我就會離開..
只是一眼我便心足了
可是當我告訴你我想見你
你就只係話唔好
叫我唔好咁..
我真係痛到馬上哭了出來
我即刻cut左線
我唔想比你知道我喊

我之後入左沙田同呀婆慶祝生日
我真係一直扮開心
我唔想影響到人
但係我個心係仍然一直流血..
好痛..

之後..
我上左舅母屋企..
佢想同我傾下心事.
舅母問我o唔ok
我當然係扮冇事
舅母同我講我仲年青
唔好只係得你一個
我應該試多d
搵一個岩我既女生
我只係一直點頭
但係心入面就一直說不是
我明白我為人
我知道我好難先會愛上一個人
我亦知道當我真正愛上一個人 我係唔會放手
絕對唔會放手
舅母同我講 佢之前見到我地離離合合
佢冇話開心唔開心
因為佢話我地始終都未脫離中學戀愛既階段
佢話係中學既戀愛 10對戀人都未必有1對可以結婚
係佢同我講完呢句說話之後
我更加想追番你
因為我知道我地係可以結婚既果1對
一定係..
我太累了...我上個晚上已經完全沒有進睡
而且經過了整天的心靈節磨
我倒頭就睡著了
睡得不醒人事..

我放左工之後
我因為心情好差
連我既同事都feel到
所以我同事拉左我去機鋪
想我開心一下 輕鬆一下
但係我完全唔能夠投入
佢地見我咁
就同左我去食野
我都冇咩胃口
食左好少野就走左

我上左車
見到車出面開始落雨
我就不知不覺咁流眼淚
我好辛苦
我真係好掛住你
我終於都打左比你
問清楚你既心
我起初都好怕回答我
所以一直都問你想唔想見我
我想知你個心點諗
但係你係電話傳黎既聲音
係好似完全唔想同我講咁
我..大概都明白
但係我都一直追問
你最後都肯同我講la
原來係比我想像仲要差
原來你既心已經..
就連同我說話都會令你有壓力
我真係唔敢相信我地已經去到呢一個地步
你提出我地做番朋友
我真係萬分既唔願意
因為我知我個心只有你 高汶意一個人
我知我唔可以冇左你
冇左高汶意 我就再唔係鄺本彥
我唔係真真正正既鄺本彥
因為鄺本彥既心靈有一半壞死了
只有一個人可以令我重生..
但係果個人既心 已經比我親手掏空了
是我一手一腳造成的
無論我有多麼不想
你都係堅持我地分開

我坐左係我樓下既長樓梯
一直想挽回我既至愛
但係唔成功..
之後你叫我開始行番屋企
到我屋企就..
我地既關係就..
我行得好慢好慢
我好累..
但係我唔想咁快到家
我唔想比我地既關係完結
我係途中
我想過有人扔垃圾落黎
扔中我的頭 好讓我痛痛快快地死去
係果一刻 我真係生不如死
終於都係到左我家門前
我係收線前說過...
說過我無論怎樣 都一定會追回我另一半心
即是我的愛人高汶意..