今日1點幾去左矮仔屋企,玩結他

過左一陣呀俊都黎左

同佢地玩左陣之後呀矮仔係咁話支結他邊度唔得邊度唔得

我想了一會兒支結他好似琴日先買(3月28),我買左成年咩事都冇發生過

之後佢就諗住鬆哂d線,用個六角匙擰左佢

好境不常,佢擰擰下發覺:shit我好似擰左去高音果邊--

不過一切都發現得太遲啦,條線啪一聲彈左去佢隻手度

出血!

之後我同佢諗住快快手去天澤商場搞掂佢(買番條線!

去到個sale話第一條線賣哂--(我頂!!要走去頌富商場買【幾公里咁遠】shit

只好走過去啦

我同矮仔買左番黎.幫佢連線都換埋

但係佢都仲係唔心熄,要鬆番d線,點知今次線斷左,連個入線果個野都爆左=.=(一陣風吹過.......

之後為左紀念條矮鳩我同俊作左首歌【新結他要試清楚】

係呢幾日又有游水(比矮鳩搞到就死).又有趕工(va果度追到我就死)

聞果陣天拿水味(癌都就黎生)

不過我覺得係值得ge,今次呢個校慶比左一個好大ge動力我同埋帶黎左好多開心

eg:每日趕我ge作品.每日放學同矮鳩大師傾計,比鐵臉miss崔讚我(好少可)

加上每日平均做到7-8點先走.我覺得好enjoy!

今日第1日開波啦!展室唔係我ge天地

熱鬧ge樓下"賣物會"就係我地show time ge地方啦

幫樓賣手錶/作品(矮鳩好少係咁多人前講好多野)

所以我覺得佢好認真,同時個個都好比心機!

我地說服到好多miss/sir買我地d野!!(其實係老屈

唔打咁多(如果唔係唔洗訓啦我~!!!

個樣好似zombie咁~!!!!!!!!!!!!

嘩!呢幾日真係做都做死人,特別係

va呢家野!又要搞個展覽又要搞個買物會

設計d自己style ge物品拎去賣!

星期1個陣比華同剛叫左去游水

點知去到得我.剛.矮仔!

一去到遷發揮我"水嘍囉"ge本色

係咁游....我仲啟發左"矮撚頭"佢識左背泳!(仲搞我差d死左!我見到白光呀!果陣條矮鳩唔識游水,

佢自己走去1米9度游!我救佢番黎果陣.我叫佢踢水,之後佢居然踢我小腿!!搞到我抽埋筋!我果陣見到天堂@@)

kiding:有興趣人士可以即埸報名(費用就....睇下你邊個啦!有多個成功例子)

之後去左剛度訓.訓果陣比佢兩條"死摌".搶哂d被.矮鳩醒左仲叫同我講.佢抱住隻狗好warm!(我心諗:我凍

到連覺都訓唔到呀")

搞到呢幾日冇咩精神!

今日搞完art d野之後,就同矮仔傾下d感情事

矮撚頭大師贈左我一句(你點解無女溝?就係因為你太唔正經啦!

d女仔成日以為你係度玩緊佢呀!!)聽左之後我有好大ge啟發!!!

我知點做啦!矮撚頭大師!!!!!!!!!

今日好似平時咁返學啦.第一堂英文我已經同我自己講左

今日星期5.我唔上堂.一切關於讀書ge野都唔理啦..加上早上集隊果陣

就唔見左俊就發覺今日得番華仔同斑友同我玩.一齊上堂!

無左個成日一路笑,一路掩住個鼻果條友(俊),總係覺得差d野

近排佢有好多日唔番,我都唔多問佢發生咩事.

但今日洛樓下果陣聽到d唔係好好ge消息,個腦海突然空左一下......

我同伍子峰都覺得事一定唔係真.係佢地吹吹下姐

點知黎唔切問你.就有人同我講左

之後一直上堂都留意住佢(俊)個位,希望佢會番黎同我地講:無事啦!

之後上基教果陣講起'朋友'!相信斑上有好多好多ge同學都睇住同一個位

心諗好朋友有事點可以咩都唔理,我就同華一齊祈禱

希望俊就算面對住幾大e難關都可以'樂觀'起上黎

就好似你平時一齊令我地開心起黎!支持住!

去左台山玩!(近中山果邊.....)

首先好早就出左去,搭車

羅胡等齊人.就出發!!!!!

一開始食左野就去,睇show(少數民族,上圖)

之後6點幾就去左個溫泉酒店

浸左好耐(有廿幾個池).又有得游水(一次過中哂我ge願望)

訓左覺之後又去左浸多陣 

之後又去左果園同好多野玩~!!!!

(呢兩日真係坐車都坐死我)10分6時間

我日一早就去左天悅集合.

一早就見到隻牛丸同鴨dog

之後見到miss崔.就好威水咁行過去話比佢知我冇遲到.哈哈

上左車之後就直去(團)門碼頭等埋元朗上車ge人

有光雞啦.光雞傻傻地ge老豆.同媽咪

耆英啦.暫sir.李sir.好多勁玩得ge miss

例如:黃燕x啦.陳瑞宜.鍾為英.好多好多

上左船之後就走黎走去.冇時停.

有幾個靚女叫我幫佢影相呀

坐左2個鍾頭幾.先到大澳碼頭

d風大到呀媽都唔認得

一開波就到蝦膏廠玩.我.耆.牛.光雞.鴨鴨

根本就冇理過整蝦膏果個叔叔.

佢好似好慘咁.之後就分組我.光雞.鴨鴨.同兩個媽咪

一個細路一組.我地走黎走去兀左好玉地方.食左ok多ge野

果度d地道野食好正

之後就去豆漿廠.

最後4點幾就去左洪樹林.

個領導係咁講d樹係咩名有d咩特別

佢每一棵樹都要講一次.

不過條路成公里長.我諗到呢一就好想死

5點幾就坐船返歸

比隻牛煩死.想佢停一陣都唔得

就咁就過左一日啦

如果唔係方振要脅我.我都唔會打番

今日悶到死.返到去又同傻佬陳爆剛.駱志food果d吹水

吹吹下就上幾堂,人文幾正,miss chan講果d野我又聽d明

唔會一頭霧水,小息之後就上基佬教教育.之後秋人出黎玩game

就搵左我.駱food.大頭安同埋大聲公張咩峰.

miss叫我地整d報紙棒.打人地果d隊.睇下邊隊最快拎到miss chan本聖經就win

人人都唔知做咩咁.就比我好無奈咁拎到本聖經

食完飯果兩堂最正.中文

教果d唐詩.我最中意同都ok熟.

上上又比雷老虎串我同爆剛.話我同佢搞基

魚到爆.

身為副會長ge我,放左學就去va室開會

話搞va標緻設計.整得最正.就可以放係va file度.好威水嫁.

請同學多多參與

好玩到爆炸!!!!!!!

今日6點幾出門口.凍到姓咩都唔記得~!!(一陣風吹過)

去到近公廁門口.就同駱志華一齊返

返到去7點正.學校一個人都冇.我地重以為古巴佬(張美儀)昆我地

點知d人續d續d咁黎.黎黎下就好多人.

7點半上車.上到車傾計傾唔停

到左珍寶碼頭.好靚好多外國人.日本人都有

過左一陣就上左細船.蛓我地上大船

我同駱food.發仔係第一隊上細船同大船

上到大船d船員超(奶屎)好好人.有個ben哥好似傻左咁

之後等齊人大船就開到大海.就開始玩果d遊戲

一開波就玩拉(煩)個(煩)都ok重

40幾個學生哥一齊拉.拉起左就好有成功感

到左中午就食午餐.我地呢到勁多人食杯面

下午啦.就玩d好正ge遊戲一d都唔低b

到左最尾最刺激ge事開始啦.就係跳海.

有開波好想跳.但係一企上個邊就好粒水.

媽咪呀.咩都唔諗直接一跳趺左洛d凍水度

英光雞個樣好似就死咁.我為左保護我親愛ge光雞

我就拉住佢.不過我一拉就見到佢好似就死咁

好驚嚇.

返去啦.部船開返去好唔(寫)得唉.....

之後就同發仔.駱food食大雞大.傾左陣計

就返左屋企

人生之中美好的一日

christmas啦

等我玩番qooza先.

今日係放假ge第一日.

等我講番琴日開(p)果d野啦

我大清早我7點就返左學幫英光雞手

打比牛丸.利用佢幫我手做苦工

同埋佢果個無知ge(其英)

一上到課室.就玩d遊戲(例牌啦呢d野唔洗我講)

到左最正ge環節.就係食野啦.超多好野食.由其係陳澤剛果個芝士cake.正到爆

之後就搞抽獎.我抽到個死人頭書籤.

之後就放左學啦.(開心ge一日)

屋企黎左隻狗仔(玩具貴婦狗)都ok得意嫁

不過名呢個問題諗左好耐啦

有冇好心人可以幫我諗下叫咩名呢?(唔好咁老土)- =

現名DonDon

 今日好早起身.打機

打打下機.b朗就打黎話去鍾朗芝生日

我就當然去啦.又要無野做

到左之後.比佢同程子蓉小死我咁制

之後等埋佢d朋友.重有發發仔

總共有b朗.蓉.芝.有個不知名人士.發仔

一開波就去蓉果度打邊勞.冇咩點食過

食食下.就睇佢地最中意睇ge哈你波特

6點幾左右就成斑人去搭單車. 玩到8點幾就走左啦

今日一開波就比人捉短(庫).叫我一整日都唔好跑.(我當然彩佢都傻.我做我ge野)

洛左去做工作人員.玩亂舉(期).同跑緊果d人講野.

到左下午.我就洛去試下駱志嘩雙鞋.點知比社長同我講:(你都要跑架啦.不如幫我地跑埋4x400)

.(我都同左社長講我跑得好慢).點知我聽錯係4x100.比呀獅頭安到我嘔咁

洛到埸見到好多勁人.開始跑啦.我跑第二棒.我接到棒.我起勁咁跑.跑呀跑呀

跑到最後一百米.就比駱嘩.過左好遠.我果圈跑第4.都唔錯唔錯.(我呢個新人黎講)

最後拎得個第五- -(慘)

好驚比人怪我.點知跑第一棒果個人話我跑得唔錯.佢話係最第三棒果條友累事.

咁都好.有個藉口(令我良心好過d)

放左學.就同淫洛(鍾偉洛)去左.綱吧打左陣機.就去左我屋企玩結他

今日５點３０分起左身．準備返學．

點知沖沖下涼．唔小心訓左- -

好彩臨仆低．果陣醒左．之後去左沙發訓．

一訓就訓到８點．我斑死人家姐．一個都唔叫我起身

之後佢地走哂．一ｄ返工．一ｄ返學

我就係屋企打機．打到累．準備聽日陸運會．

條魚撞爆左個缸

好恐怖呀.點解一條魚可以搞咁嫁.缸都比佢撞爆.!!

爆左唔緊要.要幣係屋企一個人都冇.得我同貓仔.三條魚(有一條大ge)

呀媽一返到黎就一口指住我話係我整爆ge.(講真話唔係我整爆都好難相信)

以我ge推理(扮神探)我認為係隻貓屈我.

一定係佢(犯人貓思思)同條魚玩玩下.條魚一野撞過個缸度就爆左啦

我平時咁愛你估唔到.你搞到條魚撞爆缸.都唔幫我同呀媽講(你好野)

聽日你受刑LA思思!!!!!!! 扮天真都冇用啦

信我ge留cm.信犯人思思都留cm.還我一個公道

一

 累死咁樣.重要跑校外幾個圈.重要比3e果個肥淇(就黎十車大相撞.佢巨大e身體)左住我(想死人咩)

不過果個英光笑好似跑到傻左咁- -佢條友愈跑愈跑

點知佢跑完.重要跑返轉頭.教我點跑長跑.比佢玩死

pe堂完左就去左搞斑3.件3愈搞愈樣衰= =

 好正!!!!今日呢堂體育.笑到我pk

今日玩三級跳.悶死!

有條欄阻q住我.我次次跳.都係撞低佢.

但係睇到一part笑到我PK

就係(英光袑)人地叫佢三級跳.

佢就跳左廿幾下=直跑過去

笑到我同杰佬訓左係度

 返學冇咩好打

今日返全日.需然上好耐堂

但全部堂都好好玩.

需然學校話轉左飯商.

不過D飯都係好食左少少= =

 今日需然.換位.

同女仔坐.不同d人玩得黎

有講有笑.係一個唔錯ge開始

影日同駱係度玩人.

笑到我死正!!!!!!!!!!

 開左學第三日啦! (講真心情有d唔好)

不過就好似冇上年咁好玩~!

因為今年又要擔心下年有冇得讀(應該讀到.不過都勁擔心)

d同學又好似好唔玩得咁.得我一個講笑=__=

又冇咩好朋友同我一齊入呢斑.

冇野ge~遲d d同學就可能冇咁怕醜.就好玩得多啦

 (不良想法)救命呀!!!!!!!!

最恐怖ge事情要發生啦~

聽日要返學啦

人文功課未做.校服未(湯)

咩都未搞好就要我冇啦啦返去~!!

(良想法)不過都好ge唔洗留係屋企悶

又可以同d咁天真.可愛ge同學玩

可以聽書.學到新野.

 今日係我暑假咁耐最開心的一日

屋企一個人都冇.呀媽去同朋友玩

果個怪物(即我3個家姐)都出哂街

就係屋企同蔡寶寶.him.paul.

玩csonline正~!

  隻貓冇野食．慘

一定係我太疼佢啦！日日都比好多好多野佢食（自欺欺人）所以ｄ糧冇哂

搞到佢又肥．行路都慢過貓．重要唔識跑＝＿＝

唯有等呀媽買野返黎比佢食啦

 套戲都唔錯不過個結局就話個男主角死鬼左

有d可惜......

睇完就同d fd玩cs.

玩左陣就訓左~

 今日我以為好晏放.點知今日呂sir.冇咩為難我(認真底錫)

好早就比我走.正.

放學之後就同方包.肥熙.何家昇.him仔.去左食野.吉野家ok好食

食完野就上左him仔屋企.

有人打ps2.有人玩佢部電腦.

打左一陣.人人都輪住洛街買m記

之後玩到5點幾就走左lor.

人人都搭巴士.得我一個傻傻地咁.行勁遠去搭輕.

不過今日認真好玩~正!!!!

 今日去左肥熙屋企玩.係佢個高清電腦度打機同玩PS2.一流~~~!!!

有謙仔.方包包去佢果度.人人都輪打CS.

打左一陣就送佢地去搭車.

之後我都返屋企.

再度訓死左.叫都叫唔醒 

冇野做睇左套(河童之夏)勁正.如果有pps的朋友.

都可以睇睇.超讚.!

今日打住咁多啦.!!

 呢幾日打唔到日誌．等我今日打番先

上次家姐出ｍｋ買的．（上）圖．（我本覺得幾靚）

呢幾日除左上唔到ｑｏｏｚａ之外都冇咩特別野啦

同埋希望奧運成功啦進行啦

 今日二家姐生日.早上10點度.佢男朋友到左.

佢買左ok大的侏古力cake.不過味道就好好食.

11點幾佢就同二家姐去左海洋公園一日游

後來冇野做就係pps睇電影.睇左d低成本戲.

遲d先post二家姐張相

 今日好早起身.睇電視.睇睇下就玩電腦

上pps睇電影.眕左幾套血猩戲.

唔錯唔錯.(深山大屠殺.saw2同3再睇多次)一共睇左3次

後尾.冇咩做就訓左.

肚餓.不過屋企又冇人.只好等家姐返啦.

方包就好啦有得去長隆