尋日跟朋友返大陸正骨

而家成個人散哂咁滯

其實我地呢 d 案頭工作一族

頸、肩、膊、腰通常都會有事

我有頸痛已多年了

最近因為趕稿

令到痛楚更加嚴重

咁啱朋友縷我上去正骨

我就一口答應了

一點半在葵芳坐直通車

之後在深圳灣過關

因為係非繁忙時間

關口非常冷清

過關之後再打的去醫師那兒

醫師同我一樣係 soho 一族

在家中幫人正骨

佢屋企係由兩間屋打通

有近千尺，非常寬敞

入到正骨房

佢先按鬆我條脊骨

再拍番正佢

整脊骨果陣都唔係好痛

跟住搞對腳

嘩！真係痛到我飛起

期間仲兩次小腿抽筋

真係諗起都怕怕

一口氣做了三個鐘

重新站回地上的一刻

竟然有少少虛浮的感覺

其實做一次係唔夠

以後我得閒都會上去維修一下副偈

之後朋友帶我去行街食嘢

真係大鄉里

我係第一次坐深圳地鐵

張車票原來好似個籌碼一樣

這個朋友就係我之前話在街上重遇的那個

我們昨天傾了很多偈

原來她在沙士期間中招

幾乎提早埋單

佢亦有研究五行

佢提醒我要小心現在身邊某個仔仔…

坐直通車返回葵芳都已經十一點

開番電話有一通留言

一聽之下，對方竟說是社會福利署打來

唔知點解第一個念頭竟是︰

唔通有人追我拎贍養費？（哈哈哈！唔知點解會有此念頭？）

再聽下去

原來是跟我買畫的

鬆了一口氣之餘

亦反問自己是否平時作孽太多

所以才會疑神疑鬼