老派的男人

就有這種含蓄和體貼

搬到黃大仙之後

那個住在土瓜灣的朋友再次移船就磡

特登走來黃大仙搵我食晏

佢問我黃大仙有乜好嘢食

我呢種懶人宅女例牌回答︰唔知呀！你嚟到再算！

約佢十二點半

點知佢十二點已來到

原來佢在黃大仙商場裡行咗個圈

預先視察一下環境，睇吓有乜嘢食

我聽到果陣，其實都有 D 感動

我係地頭蟲，竟然要個來客搵埋地方俾我食嘢

不過我又係例牌扮傻當唔知

因為我實在唔知應該俾 D 乜嘢反應

因為屋企剛買咗個麵包機

我話想去現崇山嘅高級超市買高筋麵粉同酵母

結果我地無晌黃大仙商場食嘢

改為去聲稱係豪宅嘅現崇山

但現崇山果度間高級超市竟然無高筋麵粉同酵母賣

真是始料不及

結果我地又走咗去附近鳳凰新村嘅詠藜園食擔擔麵

之後再去餐廳嘆番杯即磨咖啡~~~

世事就係咁諷刺

你在意一個人，佢就偏偏對你唔好

你唔在意一個人，佢就偏偏好似前世欠咗你

「認真你就輸了」

這個好濕的晚上，我要好好思考這句說話……