那一年

我重遇番一個曾經相識、但有一段時間無見的男仔

（利申︰呢個男仔曾經借頭借路請過我食飯）

閒聊幾句、互道近況之後

他輕描淡寫地問︰咁夜收工，男朋友會唔會詐形呀？

一聽到呢句說話，我就周身唔自然

無錯！只係一句平常話，你可以話我敏感多心

但係我真係好怕呢類疑似試探式的說話（試探你而家嘅 status）

更害怕背後有甚麼潛台詞

好地地大家傾下偈唔得嘅！硬係要辣到呢瓣嘅！

當然，言者無罪，聽者銀耳

OK！他的表現實屬正常，係我有仔仔過敏症啫

ANYWAY，我已忘記了當時點回答…

今日，類似的場景又再出現

不過不是在路上，而是在手機裡

話說我敵不過科技洪流，終於俯首屈服，換了智能手機

為了方便客人聯絡，所以手機裡安裝了 whatsapp 

今天忽然有一個久別了的仔仔 whatsapp 我

FINE！大家咪閒聊幾句、互道近況囉

我隨口講，話而家寫吓稿、賣吓嘢、玩吓股票

全部都係玩票性質，叫做餓唔死咁囉

小那星！佢無啦啦忽然話鋒一轉，話有張長期飯票咪得囉

call loud yeah！又嚟喇！又嚟喇！

又嚟呢種對話喇！（又要利申，呢條友仔又係請過我食飯）

不過今次我清楚記得自己點回答︰（因為有手機紀錄）

雖然傳聞 SNOWDON 離港前曾經講過

有信得過的男人，卻無信得過的政府

但都係靠自己好過

對方醒水，即刻轉話題

SNOWDEN，多謝你幫了我一把

祝你今舖平安無事，大步檻過