掘蜆日

地方: 東涌唐福水口村

要去掘蜆首先要去天文台睇下d潮退既時間,當然我地事前已經做左準備。

其實天氣麻麻地,時晴時雨,不過都無影響我地既心情。上年已經黎過一次今次係第二次黎呢度，唔洗好似第一次咁要搵路。

上次見到ｄ村民用ｄ自家用既工具好似好正咁，所以今次問人租左個黎用，仲用左１０分鐘時間黎上左堂

使用方法速成班，哈哈。一落到去就見到好多蟹仔成地走，一路行到較出既地方，就蠢蠢欲動咁就下件秘密武器，

點知原來都幾難用，要好用力下，好易累。後來用耐左識就力就好左好多了，仲覺得好好用ｔｉｍ。

可能時間尚早，除左我地之外都只係有另外兩幫人。但係慢慢就開始多人喇，仲有好多係一家大細，

ｄ小朋友玩得好鬼開心，成日大叫："我掘到隻好大呀"。 途中有落過雨,不過係有心裡準備下比雨淋下都幾舒服呀。

其實以當日所用既來回車費來計，絕對可以食餐好既，夠錢買到當日ｄ收穫有餘，我地亦一早知道，不過．．．．．．

（結果重要，更重要的是享受當中的過程）

今個夏天，計畫再黎多次。

以下係d小花絮

當日天氣......

早段時間比較小人

朋友正用緊秘密武器，不過呢個係錯誤既使用方法。

呢個先係正確既姿勢，唔該晒你既示範。（睇得出分別嗎？）

馬小姐忙於整理收穫。

自備的小工具，其實都好有用的。

打劫，咪走。

我地既一部份收獲。

好大隻呀，不過經過測試，細隻係好食ｄ既。

很多人在埋頭苦幹呢。

到此一遊．．．．．．